Lukas 24:47 - ALA WENE HIVIS DIRUP WATUGWA

⁴⁷ Hit weyak ogasagwi ako henasam helok, henomaduk mbobagu hiniselok, Ala en henomaduk degerogo bigigayogon o,’ yiluk, wene ako At inis vaga, eve endak o Yerusalem en yi awi ndi awi ovok erogo yugeregek wunggu dogosogom o, yiluk, Ala wene dirup watugwa ako yiat okbenanggao.

Lukas 24:47 Iomraidhean Croise

Matius 28:19

hiren yi avakwa ndi avakwa ininis unggul adik-adik An nane wugu dogopwak yiluk, okbigik nagu dugwit, Nasin Ala inis vaga, Abut An ninis vaga, Ala Averiniki inis vaga, ima wombabugwis,

Matius 3:2

“At mbogot vaga menda avema bigigaup ako vage horok ari wagarikmu hit weyak ogasagwi ako, henasam helok, hekbas,” yiluk, yugirigya lagagi.

Matius 9:13

Andi ndatak, Anen it ap ‘An sek,’ ombasagwi menda eneyanggup yugeragiluk wagatek. Ata, it ap weyak ogasagwi menda andiat eneyanggup yugeragiluk wagagis. Ala en iri dugwit, ‘Henanggom ndomba warogo nake belagwi ako andi, An hogop ombasigadek. Ata, avakwa enabwa en sek okbisaup andi, An, “Ai,” imbita dugwit sek okbisaup, ombasiga o,’ yiluk, yagagi dirup warek ako, adem des erogo mamulhedelales,” yiluk, yugeragagi.

Lukas 13:34

“Ai! Yerusalem, Yerusalem! Hiren it ap navi-navi ako initwis, ap Ala en yonggo henadema lakbisa wagagi andi, helep vaga initwis, ogasagwi menda atma ai! Swa ayam inisa en eyagi alup amik avema sovabisiluk agarik hak, Anen hit heneyagi anderogoat wonggalogo bisaup ndugurek-ndagarek imbita lagagis ovara, hiren, ‘Nenanggon,’ umbutu lagagup andi, ai!

Lakbogogi Wene 10:43

It ap navi-navi Ala en yugirigya hegek yugu lagagwa ako ovok erogo At avok adigat des erogo yugurugu dugwit, ‘Henendawi At ovaga vanggabaluk avyarat umbutu hiniselok, At Yesus anye vaga henomaduk degerogo bigigayogon o,’ yiluk, yugurugu lagagwa,” yiluk, yugeragagi.

Lakbogogi Wene 11:18

Yugirigya ako enaruk hobaluk, it ogo enanedek mbup yagagwa. Mbup yugu lagagwarik, “Andi halok, Ala en it weram Yakuri dek menda ako ogo, it weyak ogasagwi menda enasam helok mbobaluk Yesus ambetaga laguselok, mondok iniluk dogop hologo bogogi higyo,” yiluk, Ala siyabagagwa.

Lakbogogi Wene 13:46

Wiyiknom-weyaknom yugugusigik, it Paulus Mbarenabas enalon dek yugurugu dugwit, “Ala wene hit Yakuri menda henendak yukheraup ovara, ‘Nit niniluk dogop wene andi, waup ndak dek o, yiluk, nenanggon,’ yegep atma, hit hekbigiluk, it weram Yakuri dek menda akoat yugeregek nagu dogosogon.

Lakbogogi Wene 2:38

Yugurugu lagagwama, at Peterus akoen, “Henomaduk degerogo bigigapwak yiluk, hit henadik-henadik weyak ogasagwi ako henasam helok mbobagu dogomundik, Yesus ambetaga lagu dogwes. Mbobagu hiniselok, Yesus Keretus inis vaga ima wombabigigaup. Eke, andi ogagu hiniselok, Ala en Averiniki ako un onggodek wokherayogon o.

Lakbogogi Wene 20:21

Mamulhirigya lagagis ako andi, hit Yakuri menda inim, hit Yunani menda inim, henasam helok, Ala adema wagwi, henendawi Nenowa Yesus Keretus ovaga vanggabaluk avyarat umbutwi, ogarovovok yiluk, des erogo yukhirigya lagagis.”

Lakbogogi Wene 26:18

It o hup ovagak agarwik ako, inil venggenogo bisiluk, awiyama nunggu wagwi, eke, at Sile avema bogogirikmu en wulukluk, Ala avema nunggu wagwi, ogarupwak yiluk, lakbagasogon. It ako enendawi novaga vanggabaluk avyarat numbutuselok, enomaduk Ala en degerogo bisiluk, At aburi denogo bogogirikmu inim lobalogo bisapwak yiluk, lakbagasogon,’ yuknogogi,” yiluk, yugeragagi.

Lakbogogi Wene 26:20

Yuknogogi ako endak erogo it o Ndamasik agarwik ako yugirigya, o Yerusalem agarwik ako yugirigya, andi okbaluk, o Yudea avilis ambot inim, it weram Yakuri dek menda inim, yugeregek lagya, ogagya dugwit, ‘Hit ovok henasam helok, henomaduk vagalogo mbobagu dogones. Eke, henomaduk mbobaluk, Ala amusek lagwi avyarat henombarupwak yiluk, yi ogagek ndi ogagek sek adigat ogarit lagu dogones,’ yiluk, yugirigya lagagis.”

Lakbogogi Wene 28:28

“Anderogoma, Ala en nenagap wendarup wene yi ako andi, it weram Yakuri dek menda hulupwak yiluk yugeregek lasogom atma, it andi, hulusogom hinilup arovovok yiluk yukheraliga,” yiluk, yugeragagi. [

Lakbogogi Wene 3:19

Des iri lagagimu, Henasin Ala en hit henomaduk degerogo bugugu halok, henendawi adenggen ugun dogovovok yiluk, henasam helok henomaduk mbobagu dogomundik Yesus ambetaga lagu dogwes. Anderogo ogagu hiniselok, henake denogo bagagi Keretus ako andi, Yesus atma, lakba wasogon.”

Lakbogogi Wene 4:12

“It avakwa yi awi ndi awi o wen vaga yoma menda ovok erogo, ‘Ap yienat henagap wendarisogon o,’ yiluk, inis ambi adik yukneregetek. Ata, ‘At Yesus adik enat, henagap wendarisogon,’ yiluk, yukneragagi.”

Lakbogogi Wene 5:31

Mondok okbagya lagagirik, nit Nenowa Inis Ombok, nit nenagap wendarisiga menda ako, At Ala inggis amotkan dogopwak yiluk siyabagagi. Nit avakwa Iserali menda weyak ogasagwi ako, nenasam helok weyak ako mbobagu dogomundik, Yesus ambetaga lagu niniselok, nenomaduk degerogo bininapwak yiluk siyabagagi o.

Oroma 5:20

Endak avakwa en weyak ogagu lagagwa ovara, weyak ogasagwi yedok hugu dogopwak yiluk, hivis Ala en Musa wene ako yugogogi. Andi ogarit lagu dugwit, weyak wisane ogarit laguselok, Ala en enabwa ombok erogo imbita dugwit, endawi hunik en sek okbisilin lagya lagagi.

Evesus 1:6

At Ala nenabwa imbita dugwit, At Abut endawi hunik wokneragagi ako vaga, onggodek mondok iya erogo okbininaliga atma, nit At inis adup ogagu dogosogom o.

Evesus 3:8

It Ala aburi adik denek ako ovok erogo ininis werek inigik, an ninis dek sovalek-at neyagek ovara, Keretus elola en hegek-hegek okbinilin wulu wandiga wene ako, hit ap weram Yakuri dek menda yukheragiluk, endawi hunik en andok okbaninggigi.

Kolose 1:27

Wene adik hunogo mondok iya menda hwilago welagagi ako, At Ala en, “Hivis avakwa weram Yakuri dek menda inilup okbisayogon,” imbitigi ako, yogak yiat it At aburi inilup okbigas. Wene hwilago welagagi eyave ako andi, Keretus henendawima agarik akoat. Eke Keretus henendawima agarik halok, hivis At hinim winimen siyalek dogoguluk, okbigigaup henape wenggelek agipik ako, andi aro.

1 Yohanes 2:12

Naburi nendawi hunik yi wa. Hit henendawi Ala Abut ovaga vanggabaluk avyarat ombasagwi ako vaga, Ala en henomaduk degerogo bigigi atma, wene yi dirup warogo wokheraliga.