Lukas 24:44 - ALA WENE HIVIS DIRUP WATUGWA

⁴⁴ Ninggya lagagirik, yugirigya dugwit, “Ninim dugwit, An ogarup wene ako Ala wene Musa en dirup watigi ako inim, it ap Ala en yugirigya hegek yugurugu lagagwa navi-navi dirup watugwa inim, mbuku Ndawi Wene dirup warek inim, ovok erogo atma des yisogon o, yiluk, yukhirigya lagi ako yiat okbenanggao o,” yiluk, yugeragagi.

Lukas 24:44 Iomraidhean Croise

Matius 1:22

Andi yugugu hagagi ako andi, o endak erogo ap navi ambi Ala yugugu hegek yugeraliga menda en yugirigya dugwit, “At hwa ndugum ap agap ao vagatitek hegek avula agya dogomindik, eyak ap-at endarisogon o. Eke, endagya halok, At inis Imanuel-at yugu dogosogom o,” yiluk, yugeragagi ako, atma des yupwak yiluk, yugugu hagagi. Inis Imanuel yagalagwi ako, nit nenane vaga, “Ala Ninim Agurik o,” yagalagwi.

Matius 16:21

O andi hudi vaga en, At Yesus ako At ane welagwi menda yugirigya dugwit, “An o Yerusalem andoma laup imbitirikmu mondok landiga. Lagya neyalok, it ap ombok-ombok inim, it imam-imam enasini inim, it Ala wene vagago agarwik menda inim en anggin-mbanggin erogo novaga baniluk, narusogom. Natu dogomima ndugwis mberen dukluk, ndugwis ambi vaga Ala en niluk erogo mondok okbanisogon,” yiluk, sigamat yugirigya lagagi.

Matius 26:54

Nggino yugurup segat ovara, yugugu neyalok, An okbanup navok dirup warek agarik ako nggarogonggan en atma des yup embeten? Atma des yupwak yiluk, An yugigitek-at agirik.”

Matius 26:56

it Ala en yugirigya hegek yugurugu lagagwa navi-navi en dirup watugwa ako atma des yupwak yiluk, vaknera wagep atma, sek aro.” Yugirigya lagagimu, At ane welagwi menda akoen Yesus hekbaluk, hoda wunggugwa.

Lukas 22:37

“Andi, Ala en iri dugwit, ‘At ap weyak menda inim ininggis dingginggugwa,’ yiluk, yagagi dirup warek ako, An ogarimi vaga atma des yisogon, yiluk, yukheraliga. An okbanup yiluk, dirup watugwa ako o yogak yi atma des yi wandiga halok, yukheraliga.”

Lukas 24:46

Enendawi awiya erogo okbugu lagagirik, yugirigya dugwit, “Ala wene dirup warek vaga iri dugwit, ‘At Ala en denogo mondok okbagagi Keretus ako edup-mbedup ovaga baguselok, ndugwis mberen dukluk, ndugwis ambi vaga hambuluk bisa lendagwima en iluk agya dogomindik, mendek yisogon.

Lukas 9:22

Enaruk wakbaluk, yugirigya dugwit, “An Ap-At Endaklagagis ako mondok novaga anggin-mbanggin erogo banusogom. It ap ombok-ombok inim, it imam-imam enasini inim, Ala wene vagago agarwik menda inim, enanggon en hekbanunggu dugwit, narusogom. Natu dogomima, hambigya dogomindik ndugwis mberen dukluk ndugwis ambi vaga Ala en niluk erogo mondok okbanisogon o.”

Lukas 9:44

“An wene yukheraliga yi, des erogo henaruk holes. An Ap-At Endaklagagis yi, narupwak yiluk neyave vagago ap wogirigya hagup.”

Yohanes 3:14

“At Musa o harumu dugwit, mbas agur-agut wakhegek ogarogo yo vaga ilik bagagi. Ilik bagagi ako hak, An Ap-At Endaklagagis ako, anderogoat yo vaga ilik banugup. It avakwa enendawi novaga vanggabaluk, avyarat numbutuselok, mondok-mondok iniluk dogopwak yiluk, An anderogoat yo vaga ilik banugup.”

Yohanes 5:39

Hit ap ombok Yakuri menda en Ala wene dirup warek vaga mondok niniluk okninivisogon, umbutu dugwit, des erogo mamulhedelagwi. Ala wene dirup warek andi, An navok sigam ogarek ako dirup warek atma,

Yohanes 5:46

Hit henendawi Musa ovaga vanggabaluk avyarat ombaklipikmu en, aren An navok vagalogo dirup watigirikmu, henendawi vage An novaga vanggabaluk, avyarat nombaklip.

Lakbogogi Wene 13:40

Anderogo atma, Ala en yugirigya hegek yugurugu lagagwa navi-navi akoen yugu dugwit, ‘Hit Ala weyak-edok erogo belagwi yi, hit agipik yi vaga An ambi okbigigaup ako, hit yukheraup ovara, avyarat ombarusogombuk ako menda ogarisogon atma, hit vok yugu dugwit, mondok degat arusogom o,’ yiluk, yugeragagwa ako, hit anderogoat okbugugu haoen, henendawi suam watu dogones,” yiluk, at Paulus akoen wene andi yugeragagi.

Lakbogogi Wene 3:18

O muk Ala en iri dugwit, ‘An Henowa Inis Ombok denogo bagagis Keretus ako, edup-mbedup erogo yagan warisogon o,’ yiluk, yagagi ako, atma agetek hegek it ap navi-navi Ala yugirigya hegek yugu lagagwa ako, hit ogagagup ako vaga atma des yagagi.

Lakbogogi Wene 7:37

“At ‘Henasin Ala en an lakbani wagagi hak, ap navi Ala en yugugu hegek yukheraliga menda ambi, hit menda-at, henake henadema lakba warisogon o,’ yiluk, it Iserali menda yugeragagi ako andi, at Musa-at.

Iberani 10:1

Wene Musa yugogogi ogarit lagu lagagwa ako vaga, eyave sek okbininaup ako ogagu lagagwabuk. Ata, eyave hivis sek okbininaup wene ao ari wagetek hegek, un agut wakhegek-at ogagu lagagwa. It anderogo ogagu dugwit, yi tahun ndi tahun sapi-kambin ako menda warogo Ala wogigik ogagu lagagwa ovara, andi vaga it wogori wagu lagagwa ako enendawi sek okbugu lagetek.

Iberani 3:5

At Musa en, “An Ala ayeloman atma,” yiluk, ake ogarit lagya dugwit, hivis ogarup wene avakwa inilup arupwak yiluk, Ala awi valekma des erogo At ake ogagya lagagi ovara,

Iberani 7:1

Ap Melkisedek ako andi, avakwa o Salem menda enasin inis ombok vagenombogo ap imam dugwit, At Mondok Siyalek Adigat Agarik Ala ako, ake ogagya lagagi. Ndugwis ambi vaga ap Averakam aori inim ap ininis werek eneyave 4 inim ndup sumburi lagu lagagwarik, sovalogo bisiluk, enawinda mbalogo bagu lagagwarik, enangge-enangge hugul wogo wolok eneyami vaga enamwa wagusim, ap Melkisedek ako enadema lagya lagagirik, amunggat Averakam ovaga bagagi.

Iberani 9:8

Anderogo ogagya lagagi vaga Ala Averiniki en sigam vagalogo yuknirigya dugwit, kamar weram vikit ogagu lagagwa ako dek agetek ao ogagusim, sup ilim Moga Adigat Agarikmu akoma sup hurogo bininggitek ao larik agarik ninilup arupwak yiluk, yuknirigya lagagi.

Wahyu 19:10

Yuknugu lagama, an Yohanes en malaikat ako avema seve yiluk, inis siyabagiluk ogagyaim, aren yuknugu dugwit, “Moga! An siyabanubuk! An inim, hat inim, hat haswei wene Yesus en yugirigya lagagi ako vagago agarwik inim, nit ovok ndatak Ala ayelomani agurik. Ala Averiniki en nenendawima yuknirigya hegek yugurugu dugwit, wene Yesus en yagagi ako yugeralagwi. Anderogo atma, Ala avema seve yiluk, At adigat inis siyabagya dogwen,” yiluk, yuknugu higi.