Lukas 24:36 - ALA WENE HIVIS DIRUP WATUGWA

³⁶ Mbilinogo yugurugusim, supuk erogo, Yesus adik enanggelekma mendek yi nunggwigya lagagirik, “Henalon habuk, henendawi sek vaga dogones,” yugeragagi.

Lukas 24:36 Iomraidhean Croise

Matius 10:13

It ap andoma enendawi sek en des erogo wokhinipuselok, henadenggen mondok enovaga-at dogosogon. Eke, wokhinipitek halok andi, adenggen enovaga bisamwi ako, enovaga asogonbuk sugulogo hit henovaga-at hedelok, wilitalo.

Markus 16:14

Andi okbaluk, hivis At ane welagwi menda eneyave 11 ako erom nunggusim, neyapwak yiluk, enadema sigam ari wagagi. Sigam ari wagya lagagirik, avyarat embetetek enendawi lakot atma, At iluk akluk mendok yagagi inil helok yugera wagagwa ako, enendawi avyarat embetetek iniselok, enanggadi watigi.

Lukas 10:5

“Avakwa enamwa ambima nunggugu dogomundik, endak heyaga wakbugu dugwit, ‘Wa! Ala en adenggen ombok erogo henovaga okbugugu dogopwak o,’ yiluk, yugerano.

Yohanes 14:27

Henendawi anggin dugwit, henalon habuk. Henendawi ugun seyalek wadokdek adenggen dogovovok yiluk, okbigiluk layogon. It avakwa o wen vaga yoma agarwik en okbiselagwi hak, An anderogo okbigigaligadek. Ata, An nendawi ugun seyalek wadokdek adenggen agirik akoat okbigigaliga.”

Yohanes 16:33

“Wene yi yukheraliga ako andi, hit An ninim hunik dugwit, henendawi ugun seyalek wadokdek adenggen dogovovok yiluk, yukheraliga. It avakwa wen vaga yoma agarwik menda akoen weyak okbugugu dogosogom ovara, it o wen vaga yoma enanye agarwik ako vage sovalogo bigirikmu, henendawi hora yiluk, wadokdek dogones o,” yiluk, yugeragagi.

Yohanes 20:26

Yugirigya lagagimu, nogo 7 yikbaluk, hutun it ap Yesus ane welagwi menda Tomas inim umwa sup hunsi larik hegek, Yesus enanggelekma mendek yi nunggwigya lagagirik, yugirigya dugwit, “Naswei henalon habuk, henendawi sek vaga dogones,” yiluk, yugeragagi.

Lakbogogi Wene 1:3

At watu lagagwama, hombagagi ako iluk agya lagagirik, “It naori en An avyarat niluk agi, inilup arupwak,” yiluk, sigam agya, eke, Nenowa Inis Ombok Ala en denogo bagagi ako avema bininaup wene ako yugirigya, ogagya hegek, ndugwis 40 hudi welagagwa.

1 Korindus 15:5

Mondok okbagya lagagimu, At Yesus en Peterus il neyapwak yiluk, At eyave inuk lagya lagagirik, eke, hivis it denogo bigigi menda 12 ako inil neyapwak yiluk, At eyave inugeragagi.

1 Korindus 15:7

Ako inuk lagya lagagirik, hivis, Yakobus il neyapwak yiluk inuk lagya, andi okbaluk, it lakbigik menda ako ovok erogo inil neyapwak yiluk, inuk lagya, ogagagi.

2 Tesalonika 3:16

Yogak nenendawi ugun wadokdek adenggen okbininaliga menda Nenowa Inis Ombok akoen yi ogagek ndi ogagek ovok erogo ogarit lagu hinigik, henendawi ugun wadokdek adenggen dogovovok yiluk, okbigilin lagya dogopwak. Hit ovok erogo Nenowa hinimat dogosogon o.

Wahyu 1:4

Wa. An Yohanes en hit Yesus aburi o Propinsi Asia 7 gereja vaga homarisagwi ako, wa yukheraliga. Nenasin Ala inim, Averiniki inim, At Yesus Keretus inim, it ovok erogo enendawi henabwa en okbugugwis, eke, henendawi ugun seyalek wadokdek adenggen dogovovok yiluk, okbugugwis, ogagu dogopwak. At Ala andi, endak welagagi, yogak agarik, hivis dogosogon mondok itok agarik. Eke, Ala Averiniki andi, At andogon adem 7 ogasiga ako Ala ane yugeraligama avema agarik. At Yesus Keretus andi, avyarat wene adigat mondok des erogo vagalogo yugeraliga menda arat. At Yesus Keretus ako hambuluk lendagwima en At endak iluk akluk mendek iri lagagirik, yogak it ap wen vaga menda enasini ininis werek menda ako Enasin Inis Ombok agarik. At nenabwa en endawi hunik okninipigi. At amuya vaga nenomaduk visilogo bininggigi.