Lukas 24:32 - ALA WENE HIVIS DIRUP WATUGWA

³² Enanggelekma en dek agya lagagimu, iperen wene mbanggu dugwit, “Avyak! Suvaga wagu dugwit, wene yuknirigya, Ala wene dirup warek mbilinogo yuknirigya, ogagya hegek, nit nenendawi mondok adenggen wisane okninivit nunggwigya higyo ako ai?” yiluk, yagagwa.

Lukas 24:32 Iomraidhean Croise

Markus 4:34

Wene selekma vagalogo yugeregetek, wakhegek adigat yugirigya lagagi ovara, it At ane welagwi menda ako andi At inim enadik dugwit, yi wene ndi wene yugeragagi ako mbilinogo yugirigya lagagi.

Lukas 24:45

Yugirigya lagagirik, Ala wene sigam hapwak yiluk, enendawi awiya okbogogi.

Yohanes 6:63

At Ala Averiniki en avakwa iniluk oginivisiga menda aro. It avakwa wen vaga menda enadik enanye vaga ambi okhedaup meyan aro. At Ala Averiniki en wene An yukheraliga ako vaga hiniluk okhinivisiga menda ovara,

Lakbogogi Wene 28:23

Eke, “O andi vaga ambi inim yuknerapwak,” yiluk, yagagwa ako amor ari wagya lagagimu, Paulus werekma eneyave wisane homari wagu lagagwama, Paulus ako o hutun en Nenowa Inis Ombok Ala en denogo bagagi avema dogop wene ako sigam erogo yugirigya, eke, Yesus wene ako des erogo inilup arupwak yiluk, Ala wene Musa dirup watigi wene inim, navi-navi wene inim, mbilinogo yugirigya, wisane ogagya hegek, o hup agagi.

Iberani 4:12

At Ala ane andi, mondok iluk dugwit, anye erogo nenendawima sapok yi nunggwisiga. Ndisugalit ovat venak-venak marek andi, horogat nininggis-ninisok agulikmu mondok ilim hetnaro sapok yi nunggwigya dugwit, nenowak nenamonggok vodo-vodo hanunggwisiga ovara, Ala wene yi andi, eve mondok ovat iya erogo atma, nenendawi-nenanggela mondok sapok yi nunggwigya dugwit, ogarup nenendawi wenggelisagwi inim, hogop ombasagwi inim, ovok erogo sigam okbininggu helagwi.