Lukas 24:26 - ALA WENE HIVIS DIRUP WATUGWA

²⁶ At Ala en denogo mondok okbagagi Keretus ako anggin-mbanggin ovaga bagao yegep ako, ovaga bagetek hegek, At siyabaup embetep? Dek. Ovaga baup agarikmu, bagao,” yiluk, yugirigya lagagirik,

Lukas 24:26 Iomraidhean Croise

Lukas 24:44

Ninggya lagagirik, yugirigya dugwit, “Ninim dugwit, An ogarup wene ako Ala wene Musa en dirup watigi ako inim, it ap Ala en yugirigya hegek yugurugu lagagwa navi-navi dirup watugwa inim, mbuku Ndawi Wene dirup warek inim, ovok erogo atma des yisogon o, yiluk, yukhirigya lagi ako yiat okbenanggao o,” yiluk, yugeragagi.

Lukas 24:46

Enendawi awiya erogo okbugu lagagirik, yugirigya dugwit, “Ala wene dirup warek vaga iri dugwit, ‘At Ala en denogo mondok okbagagi Keretus ako edup-mbedup ovaga baguselok, ndugwis mberen dukluk, ndugwis ambi vaga hambuluk bisa lendagwima en iluk agya dogomindik, mendek yisogon.

Yohanes 2:22

Hivis Ala en Yesus hambuluk lendagwima en iluk erogo mendek okbagya lagagimu, At ane welagwi menda en wene yugeragagi andi, enape wenggenggugwa. Enape wenggenggu lagagwarik, Ala wene dirup warek inim, wene Yesus en yugeragagi ako inim, avyarat umbutugwa.

Yohanes 20:9

Yesus hambuluk lendagwima en, iluk akluk mendek yisogon ako, Ala wene dirup warek welagagi ovara, At ane welagwi menda ako ao dibagetek welagagwa.

Lakbogogi Wene 17:3

Yugirigya dugwit, “At Ala en Nenowa Inis Ombok denogo bagagi Keretus ako, edup yagan wakbaluk, hambuluk lendagwima en iluk akluk mendok yup denek welagagirikmu, mondok yagagi o,” yiluk, yedok hapwak yiluk des erogo yugirigya lagagirik, “An Paulus en Yesus avok yukheraliga yi, Nenowa Inis Ombok Ala en denogo bagagi Mesias ako, Arat,” yiluk, mbilinogo yugeragagi.

Iberani 12:2

Eke, endak nit avyarat umbutu dugwit Ala wene waguluk nenendawi vipuk erogo bininggu, eke, avyarat umbutu niniselok, nenendawi mondok hoda erogo bininggu, ogasiga andi, Yesus atma, At adigat ninil vurek dugwit amusek nagu dogosogom. Avakwa enanggadi erogo yo winik vaga inirisagwi ako, At Yesus en, “An anderogo nanggadi erogo narup nanggon,” imbitigibuk. Ata, “Hivis nadenggen ombok hayogon atma, yogak un sidok anderogo okbanup sek aro,” yiluk, endawi wadokdek dugwit, yo winik vaga hambigya lagagirik, iluk akluk, Ala wene yugeraligama akoma Ala inggis amotkan hora yi inggya lagagirik, agarik.

1 Peterus 1:3

At Nenowa Inis Ombok Yesus Keretus Asin Ala inis siyabagu dogosogom o! At Ala aigwak aberen sek okbininggu dugwit, At Yesus Keretus hambuluk lendagwima en iluk erogo mondok okbagagi ako vaga, nit nenendawi swi endakninipigi. Nenendawi swi endakninipigirikmu, nenape wenggelek dugwit, “Nenake enogo mavorangge ovagak vidis agya, isip bagya, dek agya, ogasigadek mondok mbogot vaga vaknenombogo agarik ako hedalasogom atma,” mondok nenape wenggelek-at agurik.