Lukas 23:7 - ALA WENE HIVIS DIRUP WATUGWA

⁷ “Yu,” yugogogwa. Yugugu lagagwama, Pilatus en ap inis ombok Herodes o Galilea vagago agarik yiluk, O Yerusalem sidok wagagirik werekma, aren Yesus owak dilupwak yiluk, adema lakbagagi.

Lukas 23:7 Iomraidhean Croise

Matius 14:1

O andi hudi ap inis ombok o propinsi Galilea vagago welagagi Herodes akoen Yesus ogarit lagya ako, aruk hunggu lagagirik,

Matius 14:3

Andi, at Herodes akoen at aot Pilipus ogwa hegek, hwa Herodiana ako wigya lagagimu, at Yohanes en Herodes yugugu dugwit, “Hwa andi, wabuk hegek wegen atma, hiperen dogop mondok moga o,” yiluk, enanggadi wakbigik adigat iri halok, eyave vagarogo heda magago lembaga mabagagi.

Matius 14:6

Alon agya lagagirik, mbuverek werekma at Herodes endaklagagi amor-amor ari wagya lagagimu, hwa Herodiana eyak enanggelekma andoma velen-velen ndawi watya dugwit, Herodes endawi adenggen okbagya lagagimu,

Markus 6:14

Oginivit nagu lagagwa ako vaga, At Yesus inis yi awi ndi awi inaruk hunggugwarikmu, ap inis ombok Herodes ako inim aruk hunggigi. Inaruk hobagu lagagwarik, it ninen, “At Yohanes ima wombabugu lagagi ako hambisagwima en iluk akluk, mendok yagas ako vaga, nggarogo ogarubuk menda ogarit lagya higyo,” yiluk, yagagwa.

Lukas 13:31

O andi vaga, it ap Varisi menda ninen Yesus adema wagu lagagwarik, At yugugu dugwit, “Ap Herodes harup ombasiga atma, yoma en hodorogo wilin.”

Lukas 23:6

Yugugwis ako at Pilatus aruk hunggu lagagirik, “At ap yi, Galilea menda ai?” yiluk, avakwa yugirigya lagagimu,

Lukas 3:1

Ap Kaisar Tiberius inis ombok dugwit, yi awi ndi awi Oroma menda ovok erogo at avema vagago welagagi. Vagago werekma, tahun 15 andi vaga at avema welagagwa menda ako, ap ambi Pondius Pilatus o Yudea Gubernur vagago welagagi. Eke, ambi, ap Herodes o Galilea vagago welagagi. At aot Pilipus o Itureya Serakonitis vagago welagagi. Eke, ambi, ap Lisanias o Abilene vagago welagagi.

Lukas 9:7

Ogarit lagwi ako it avakwa en inigu lagagwarik, Yesus andi sa yiluk, it ninen “At andi, at Yohanes Herodes en mondok watigirikmu hambuluk bisa lendagwima en iluk akluk, mendek yagas ai,” yugwi, eke, it ninen, “Dek. Ap navi endak welagagi Elia ako sigam aga ai,” yugwi, eke, it ninen, “Dek. Ap muk Ala en yugirigya hegek yugurugu lagagwa navi-navi akoma menda ambi iluk akluk, mendek yagas o,” yugwi, yagan lagwi ako ap inis ombok Herodes ako aruk hunggu lagagirik, endawi obak agagi.

Lakbogogi Wene 4:27

“Yagagi ako, o kota yoma it Herodes inim, Pondius Pilatus inim, it weram Yakuri dek menda inim, it Iserali menda inim, iren Hat hayeloman Endawi Sek Adik Denek Yesus, Hat denogo mondok okbagagin ako, At warogo bapwak yiluk avyarat o kota yoma homagagwa.