Lukas 23:54 - ALA WENE HIVIS DIRUP WATUGWA

⁵⁴ Hutun it Yakuri samban ogarup yiluk, vipuk erogo bagwi ako vaga ogagagi.

Lukas 23:54 Iomraidhean Croise

Matius 27:62

It ap Yakuri samban ogaruguluk, dikduk okbagu lagagwarik, nogo yikbaluk, hutun andi vaga it ap imam-imam enasini inim, ap Varisi inim, homakbaluk, Pilatus adema wagu lagagwarik, at yugugu dugwit,

Markus 15:42

At Yesus ako hambigya lagagimu, heveret hutun samban ogaruguluk vipuk-vapuk erogo bagwi vaga, o hup agya lagagimu,

Lukas 23:53

eyave warek ako visilogo wombaba wagya lagagirik, yum mudu obak vaga dinggilogo wis swi mendagoma avakwa ao mabigitek akoma mabalagagi.

Yohanes 19:14

Hora yagagi ako andi, isogo Vasika vipuk ogagusigik, o dingga jam 12 vaga at hora yagagi. Hora iri lagagirik, Pilatus en it ap Yakuri menda yugirigya dugwit, “Ap yoma wai! Henasin inis ombok yi hinil yokhanes.”

Yohanes 19:31

O andi vaga Isogo Vasika isarup vipuk ogagusigik, heveret it Yakuri menda samban ombok ogaruguluk welagagwa. Eke, samban ombok ako vaga ap eneyave yo winik vaga dogop enanggon umbutugwa. Enanggon umbutu dugwit, it yo winik vaga lobalek welagagwa ako yiluguluk hambupwak yiluk, inisok hedalogo eneyave wogonombolok lapwak yiluk, it ap Yakuri menda en Pilatus yuguri wagagwa.

Yohanes 19:42

It ap Yakuri menda en hutun Isogo Vasika samban ombok ogaruguluk welagagwama, eke, Yesus lobalogo bagagwarikmu en wis andi, horogat welagagirikmu, Yesus eyave warek ako andoma-at mabagagwa.