Lukas 23:40 - ALA WENE HIVIS DIRUP WATUGWA

⁴⁰ Yugogogi ovara, aswe akoen at mberugu dugwit, “At ovaga lobalogo baup embetao ndatak hat ogo wane-wane hovaga lobalogo bagagao atma, hat Ala halon dek yi?

Lukas 23:40 Iomraidhean Croise

Matius 20:9

“Yugugu lagagimu, it mo il huruk yigiluk ogagya hegek hivis yavup ogari nunggu wagao ako, wagu lagagwama, yoparip denari ambiat wogeragagi.

Matius 8:26

Yugugu lagagwama, Yesus en, “Hit ap henendawi Ala des erogo avyarat ombasagwidek menda yi nggarogo yiluk henalon helagwi?” yugirigya lagagirik, mendek yiluk, o havut endengga inim, is mogoliluk navunak-kavunak iris ako inim, mberugu lagagimu, wadokdek mbuvat yagagi.

Lukas 12:5

Hit henalon ombasagwi ako, An hurimbis yukherayogon. At heneyave mondok henakbaluk, hali abya wuluk-herek yagaligama lakbigigaup andok ako, henalon umbutu dogones. At mondok henalon umbutu dogones o, yiluk, yukheraliga.

Lukas 23:39

Lobabaluk werekma, ap mberen inim lobalogo bogogwa ako ap ambien At Yesus wiyiknom-weyaknom erogo bagya dugwit, “Ala en denogo mondok okbagagi Keretus Harat? Hat heyalok andi, Hat hagap wendakhidigya, eke, nit nenagap wendatya, ogaru.”

Lukas 23:41

Nit okbininalagwi ako andi, ogagyo onggo ndatak okbininalagwi atma, segat ovara, At yi andi, weyak mondok ogagetek o.”

Evesus 5:11

It ap o hwiserekma dugwit, sek ambi okhedaup dek hegek ogarit lendagwi ako, hinim dambulik dugwit ogarit labuk. Ata, it mbauk hwilagago ogasagwi ako enavok yup henanggadi hegek ovara, selekma-at enanggadi wakbugu dogones.

Wahyu 15:4

Nenasin o, Hat hadigat sek adik denek atma, avakwa ovok erogo Hat hagayuk wutwis, Hat hinis siyabagagwi, ogarusogom o. Hat mondok atma nggedok adigat ogasiga ako, sigam asiga atma, yi avakwa ndi avakwa ovok erogo havema seve yi wakluk, hinis siyabagagu dogosogom o,” yiluk, ndawi watu sigis.