Lukas 23:4 - ALA WENE HIVIS DIRUP WATUGWA

⁴ Yugugu lagagimu, at Pilatus en it ap imam-imam enasini inim, avakwa wisane homago ako inim, yugirigya dugwit, “Ap yi, At avyarat weyak ogaga halok andi, At warup sek ovara, At ogaga ambi an mondok nil hegetek.”

Lukas 23:4 Iomraidhean Croise

Matius 27:19

Yugirigya lagagirik, owak dilivisigama andenam horaik werekma, at Pilatus ogwa en agun yugurupwak yiluk, ap ambi yugugu dugwit, “‘An o hup yi vaga nabi higya dugwit, ap andi endawi mondok sek adigat hegek weyak okbagu sigirikmu, nendawi anggin wisane asiga atma, nagun inim weyak ogagya haoen, yugirilak,’ yiluk, yuknugu lagama, yukhiri wandiga,” yugogogi.

Markus 15:14

at Pilatus akoen, “At weyak ambi ngga ogagamu yagalagwi?” yugeragagi ovara, “Dek, yo winik vaga lobalogo bain!” yiluk, evenuk enane ombok vaga yandyak-handyak yugogogwa.

Lukas 23:22

Yugu lagagwama, at Pilatus en ane elap henggam vaga ambi inim yugirigya dugwit, “Nggarogo yiluk? At weyak ogaga ngga vaga yegep? Weyak ogaguselok enasagwi ovara, weyak ogaga eve ngga halok, ‘Warup,’ yagalagwi? At weyak ogaga ambi, an hegetekma, un asam hapwak yiluk yo warogo hekbayogon.”

Yohanes 18:38

Yugugu lagagimu, at Pilatus en, “Avyarat wene andi ngga?” yiluk, yugogogi. At Pilatus en wene andi, yugugu lagagirik, ap Yakuri menda wasim enadema wunggu lagagirik, yugirigya dugwit, “Avyak! Ap yi, weyak ambi mondok ogagetek-at higi.

Lakbogogi Wene 25:25

‘Wares,’ yuknigao ovara, weyak ogaguselok, enasagwi andi menda ndatak ambi ogagetek higi ovara, at akoen, ‘Nenasin inis ombok Kaisar en adigat nawene mbalupwak,’ yuknugu lagama, o Oroma andoma Kaisar werekma lakbaup imbiti.

Lakbogogi Wene 3:13

Ninombawi Averakam inim, Isak inim, Yakup inim, Enasin Ala ayeloman Yesus ako, at Pilatus en hekbaup imbita hegek, hiren, henanggon umbutu dugwit warupwak yiluk, wogeragagup ovara, Ala en vage siyabagagi.

Iberani 7:26

At Nenowa ap Imam Inis Ombok nenake ogagya dugwit, sek erogo okbininapwak yiluk mondok okbaup sek andi, Keretus Arat. At andi, it avakwa weyak ogasagwi menda enanggelekma nagu lagagi ovara, At weyak ambi ogagetek, avakwa enane At ovaga agetek, At mondok sek adik enek welagagirikmu, mbogot ovaga dambuk hegek, eve winimen erogo horakba inggya lagagirik, nit avakwa nenake ogasiga.

1 Peterus 1:19

Ata wam ndomba eyak eyave mondok sek adigat agarik ako hak Keretus amuya mondok onggo ombok ako vaga henonggo bagagi o.

1 Peterus 2:22

Ala wene ambi iri dugwit: “At weyak ambi ogagetek, At elagapma ane huluk ambi mondok dek,” yiluk, yagagi.

1 Peterus 3:18

Nit weyak ogasagwi ako ovok erogo dek okbayogon yiluk, At Keretus ndugwis ambiat hombagagi. At weyak ogasigadek sek adigat ogasiga akoen, nit sek ogasagwidek weyak adigat ogasagwi ako, Ala avema bigigayogon yiluk At eyave ap-at agya lagagirik, warogo bagagwa nit nenake-at hombagagi ovara, Ala Averiniki en iluk erogo mondok okbagagi.