Lukas 23:2 - ALA WENE HIVIS DIRUP WATUGWA

² Wolok lagu lagagwarik, enane huluk ova-ova yugu dugwit, “Ap yi, nit avakwa ovok nenavut dagalit lagya dugwit, ‘Ap inis ombok Kaisar o vagago agarik onggo yoparip pajak wogorup moga o. Henasin Inis Ombok Keretus An aro,’ yagan lagyama, heyakbagyo.”

Lukas 23:2 Iomraidhean Croise

Matius 17:27

Yugugu lagagimu, Yesus en, “Andi halok it enaburi andi belagwidek unat agarwik ovara, nit bagetek niniselok enanggon ninumbutu isaoen, hat inamutmu lagya dogomindik, ikan heda wombabaluk, ikan ambi endak yiduklagya halok, elagap vendarogo baluk, yoparip elagapma agarik akom wigya dogomindik, venak higirogo An nake baninggya, eke, venak hat hake batigya, ogarilalo,” yiluk, yugogogi.

Matius 22:21

Yugirigya lagagimu, iren yugu dugwit, “Andi Kaisar aro.” Yugugu lagagwama, “Andi halok, Kaisar angge halok andi, Kaisar-at wogugwis, eke, Ala angge halok andi, Ala-at wogugwis, ogagu dogones.”

Matius 27:11

At Yesus ako ap Gubernur Pilatus adema mendek yi lagya lagagimu, at Gubernur akoen aigwakma wigya dugwit, “Ap Yakuri menda enasin hinis ombok Hat ai?” Yugugu lagagimu, At Yesus en, “Hat yegen andiat.”

Markus 12:17

Yugugu lagagwama At Yesus akoen, “Andi halok, Kaisar angge halok andi, Kaisar-at wogugwis, eke, Ala angge halok andi, Ala-at wogugwis, ogagu dogwes o,” yiluk, yugirigya lagagimu, it akoen “Wi” yiluk, vok yagagwa.

Markus 15:2

at Pilatus akoen, “It Yakuri enasin hinis ombok Harat ai?” yugugu lagagimu, Yesus en, “Hat yegen andiat,” yugogogi.

Lukas 23:14

yugirigya dugwit, “Ap yi, avakwa enavut dagalit landiga yiluk, nadema wolok wagep ovara, henane At ovaga bagep ako, hinivaga owak dinggirikmu, At weyak ogaga halok andi At warup sek ovara, At weyak ogaga ambi an mondok nil hegetek.

Lukas 23:5

Yugeragagi ovara, it enane vanggo erogo hunik adigat yugu dugwit, “Dek. Ap yi, wene mamuleregek lagya dugwit, avakwa o Yudea menda ovok erogo o Galilea en o yi hudiat enavut dagalit landiga,” yiluk, yugogogwa.

Yohanes 18:29

Weram mbuverek werekma, at Pilatus ako enadema wunggu lagagirik, “Ap yoma! Ap yi, nano ogagya halok, wolok wagep?”

Yohanes 18:30

Yugirigya lagagimu, iren, “Dek o. Ap yi weyak ogagya duklipuk en, nit wolok waklubuk.”

Yohanes 19:12

Wene andi yugogogi ako at Pilatus aruk hobaluk, Yesus heda visilogo hekbagiluk ogagagi. Heda visilogo hekbagiluk ogagagi ovara, it ap Yakuri menda enane ombok vaga at yugugu dugwit, “Ap ambi en, ‘Ninis ombok aro,’ iri halok, ap andi, Kaisar inim iperen ogorek agarwik. Anderogo atma, hat ap yi, heda visilogo hekbagya heyalok, hat Kaisar inim hunik degat hombarusogom o,” yiluk, yugogogwa.

Lakbogogi Wene 24:13

Eke, yogak wene an novaga banilagwi andi ogo, adem dek hegek yagalagwi atma, hat avyarat ombarinyok yiluk yukhisagwi andi, adem degat hayogon o, nasin.”

Lakbogogi Wene 24:5

Iri lagagirik, “Ap yi, avakwa nadok-hadok oginivit lagya dugwit, it Yakuri yi awi ndi awi ovok erogo enendawima malit lagya helagwi. Ap Nasaret menda ane welagwi ako enasin arat. Eke, Ala awi valekma weyak erogo bagiluk ogagyama vagatup.

Oroma 13:7

Wene yukherelagwi musek, “Wokneranes,” yiluk, yukhiruguselok, wogurugu dogones. Yavup onggo pajak wogeregetek halok, wogorugwi, “Yoparip onggo anderogo bas o,” yiluk, yukhiruguselok, bagwi, “Nenagayuk wutu dogones,” yukhiruguselok, enagayuk wutwis, “Nit henasini atma, nenavema dogones,” yukhiruguselok, enavema dugwit, ogagu dogones.