Lukas 23:16 - ALA WENE HIVIS DIRUP WATUGWA

¹⁶ Anderogo atma, asam hapwak yiluk, yo adigat warogo hekbayogon,” yiluk, yugeragagi.

Lukas 23:16 Iomraidhean Croise

Matius 27:26

Yugu lagagwama, at Barabas ako heda visilogo wogeragagi ovara, At Yesus andi, nabirok-at wakbaluk, yo winik vaga lobalogo bapwak yiluk, ap enayegen werek wogeragagi.

Markus 15:15

Enane ombok vaga yugugu lagagwama, at Pilatus akoen it avakwa homagagwa ako, enendawi sek arupwak yiluk, Barabas ako heda visilogo wogirigya lagagirik, At Yesus andi, nabirok-at wakbaluk, yo vaga lobalogo bapwak yiluk, ap enayegen werek wogeragagi.

Lukas 23:17

[Yugeragagi ako, Isogo Vasika isaguselok, ap heda mago ambi visilogo hekbagek ogagya lagagi atma, anderogo yugeragagi.]

Lukas 23:22

Yugu lagagwama, at Pilatus en ane elap henggam vaga ambi inim yugirigya dugwit, “Nggarogo yiluk? At weyak ogaga ngga vaga yegep? Weyak ogaguselok enasagwi ovara, weyak ogaga eve ngga halok, ‘Warup,’ yagalagwi? At weyak ogaga ambi, an hegetekma, un asam hapwak yiluk yo warogo hekbayogon.”

Lukas 6:37

Yugirigya lagagirik, ambi yugirigya dugwit, “Hit henane anye vaga avakwa enowak dilubuk. Henane anye vaga enowak dinggitek hiniselok, hit ogo, Ala en ane anye vaga henowak dilisogonbuk. Eke, hiren avakwa ‘Hit weyak o,’ yiluk, anggin enovaga bisabuk. ‘Hit weyak o,’ yiluk, anggin enovaga bigitek hiniselok, Ala en ‘Hit weyak o,’ yiluk, anggin henovaga bigigayogonbuk. Eke, hiren it avakwa weyak okbigigelagwi ako enomaduk degerogo bugu dogones. Enomaduk degerogo bugu hiniselok, Ala en hit henomaduk degerogo bigigayogon.

Lakbogogi Wene 16:37

Yugeragagi ovara, at Paulus en it enayegen werek yugirigya dugwit, “Dek o. Nit Oroma menda ovara, adem sek erogo yenaga wokbaluk nenowak dinggitek dugwit, ombokma yo yawi nenakbaluk lembaga mabininggao atma, nit yogak yonggo yegetek mbauk erogo wibininaup yiluk yagarukmu, yagalagwi yi? Dek! Irenat nit woknenombolok wulupwak yiluk warupwak.”