Lukas 23:13 - ALA WENE HIVIS DIRUP WATUGWA

¹³ Yesus eyami vaga lakba wagagirikmu, at Pilatus en it ap imam-imam enasini inim, Yakuri ap ombok-ombok inim, avakwa ugun inim, homakbugu lagagirik,

Lukas 23:13 Iomraidhean Croise

Markus 15:14

at Pilatus akoen, “At weyak ambi ngga ogagamu yagalagwi?” yugeragagi ovara, “Dek, yo winik vaga lobalogo bain!” yiluk, evenuk enane ombok vaga yandyak-handyak yugogogwa.

Lukas 23:35

It avakwa andenam inil vurek werekma, it ap Yakuri enasini akoen At wiyiknom-weyaknom erogo bagu dugwit, “At avakwa enagap wendatya lagama, At Ala en denogo mondok okbagagi Keretus ako avyarat halok andi, agap wendakhedapwak,” yiluk, yagagwa.

Lukas 24:20

Andi ovara, it ap imam-imam nenasini inim, nit Yakuri nenasini inim, iren warup wene mbabaluk, yo winik vaga lobalogo bapwak yiluk, wogirugu lagaoma, yo winik vaga lobalogo bagao ako.

Yohanes 12:42

At Yesaya anderogoat dirup watigi ovara, it Yakuri enasini ap ombok-ombok nin wisane enendawi Yesus ovaga vanggabaluk, avyarat umbutugwa. Avyarat umbutugwa ovara, it Varisi menda ako Yakuri samban ogasagwima en wibinunggu saoen, enalon en, “Nit At ane welagwi menda aro,” yiluk, sigam erogo yegetek-at welagagwa.

Yohanes 18:38

Yugugu lagagimu, at Pilatus en, “Avyarat wene andi ngga?” yiluk, yugogogi. At Pilatus en wene andi, yugugu lagagirik, ap Yakuri menda wasim enadema wunggu lagagirik, yugirigya dugwit, “Avyak! Ap yi, weyak ambi mondok ogagetek-at higi.

Yohanes 19:4

Watu lagagwama, at Pilatus ako ambi inim weram it ap Yakuri menda enadema wunggu lagagirik, yugirigya dugwit, “Ap yoma! Ap yi, weyak ambi ogagetek higirikmu, hit hinilup arovovok yiluk, wolok wulu wagi.”

Yohanes 3:1

Ap ambi Yakuri menda enasin, inis Nikodemus-at welagagi. At ako it ap Varisi menda enawene vagago welagagi.

Yohanes 7:26

At wene ombokma mamuleraliga ovara, anggadi warogo moga yugurup ogo mondok yugisagwidek yi hinil hanes. It ap nenasini ombok akoen, ‘Moga,’ yiluk, yugisagwidek yi, iren Ala en denogo mondok okbagagi Keretus ako, ‘At yi ai?’ avyarat umbutu lagarwik mbuverek agarwik a?

Yohanes 7:48

Henasini ap ombok-ombok inim, nit Varisi menda inim, nenendawi At ovaga vanggabaluk, avyarat umbutwi ambi ninigip yi? Dek aro!

Lakbogogi Wene 13:27

Anderogoat ovara, it avakwa Yerusalem menda enasini ap ombok-ombok inim akoen, ‘At Yesus andi, nenagap wendarisiga menda aro,’ yiluk, yedok hegetek dugwit, ndugurek-ndagarek it Yakuri samban ogasagwi vaga, it ap navi-navi wene dirup warek bikhegek yagalagwi ako, At warup hobaluk, warogo bagagwa vaga, wene andi atma-at agagi.

Lakbogogi Wene 3:17

“Ai, nowa-nasin. Henasini ap ombok-ombok hinim ogagagup ako andi, hinunggut dugwit ogagagup an nilup.

Lakbogogi Wene 4:5

Nogo yiluk, hutun en it Yakuri enasini inim, ap ombok-ombok inim, it Ala wene vagago welagagwa menda inim, homagagwa.

Lakbogogi Wene 4:8

Enaigwakma wugu lagagwama, Ala Averiniki Peterus endawima des iri lagagirik, aren yugirigya dugwit, “Hit avakwa Yakuri enasini inim, ap ombok-ombok inim, wene ambi yukheraliga.