Lukas 22:70 - ALA WENE HIVIS DIRUP WATUGWA

⁷⁰ Yugirigya lagagimu, it ovok erogo At yugugu dugwit, “Eke, andi halok, Hat yi Ala Abut a, dek a?” Yugugu lagagwama, Aren, “Hit yegep andiat.”

Lukas 22:70 Iomraidhean Croise

Matius 26:25

Yugirigya lagagimu, at Yudas Yesus eyave warupwak yiluk yugerayogon akoen Yesus yugugu dugwit, “Ai, Ngguru. An ogo dek ai?” Yugugu lagagimu, Yesus en, “Yu, harenat yagaliga andi,” yugogogi.

Matius 26:64

Yugugu lagagimu, At Yesus en yugirigya dugwit, “Harenenat anderogo yegen ovara, An ambi hit ovok erogo yukherayogon. O yogak yi hudien An Ap-At Endaklagagis yi, At Anye Adigat Agarik menda inggis amotkan horaik dugwit, mbogot vaga hena anggelekma wambu wagya neyagup o, yiluk, yukheraliga.”

Matius 27:11

At Yesus ako ap Gubernur Pilatus adema mendek yi lagya lagagimu, at Gubernur akoen aigwakma wigya dugwit, “Ap Yakuri menda enasin hinis ombok Hat ai?” Yugugu lagagimu, At Yesus en, “Hat yegen andiat.”

Matius 27:43

Endawi Ala ovaga vanggalek dugwit, ‘An Ala Abut,’ iri lagarikmu, Ala en endawi hunik halok, agap wendarupwak,” yiluk, yagagwa.

Matius 27:54

Eke, at yegen werek enowa inim, it Yesus malogo welagagwa inim, akoen wen wadok iris, eke, yi ogagek ndi ogagek ogagya, ogagagi ako inil hugu lagagwarik, enalon wisane agya lagagimu, “At yi, Ala Abut avyarat higyo,” yiluk, yagagwa.

Matius 3:17

Il higya lagagimu, mbogot vaga en ane iri dugwit, “Nabut nendawi hunik ako yi atma, nendawi adenggen wisane oknitya higi o,” yiluk, iri hagagi.

Matius 4:3

Erom uvup ogagya lagagimu, at avakwa enendawima nomalivisiga menda Sile akoen wagya lagagirik, Yesus adoma yugugu dugwit, “Hat avyarat Ala Abut heyalok, helep yi, erom arupwak yiluk, yuguru!”

Markus 14:62

Aigwakma wigya lagagimu, At Yesus en, “Andi ako An aro. An Ap-At Endaklagagis yi, hivis At Anye Adigat Agarik menda ako inggis amot vikit horaik dugwit, mbogot vaga en hena anggelekma wambu wagya neyagup,” yiluk, yugeragagi.

Markus 15:2

at Pilatus akoen, “It Yakuri enasin hinis ombok Harat ai?” yugugu lagagimu, Yesus en, “Hat yegen andiat,” yugogogi.

Lukas 22:71

Yugirigya lagagimu, iren, “At adigat yagas nit vage hunggup atma, wene ambi ngga yuknerapwak yiluk, yagalagwi? Degat!” yiluk, yagagwa.

Lukas 23:3

Yugugu lagagwama, at Pilatus en Yesus yugugu dugwit, “Ap Yakuri enasin inis ombok Harat a?” Yugugu lagagimu, At Yesus en, “Yegen andi at.”

Lukas 4:41

Eke, it avakwa wisane madis enendawima nonggagagi ako ogo, sek okbugu dugwit, “Wilitales!” yiluk, madis ako yugirigya lagagimu, enane na yugu dugwit, “Ala Abut Harat o!” yiluk, nggigilogo wunggugwa. Ala en ap Inis Ombok Denogo Mondok Okbagagi Keretus ako it inilup atma, enane yugusigik ovara, At Yesus en mberirigya dugwit, “Hit henanedek mbuverek dogwes!” yiluk, yugeragagi.

Yohanes 1:34

Yuknogogi ako, an At nil higya lagirik, ‘Yi Ala Abut aro,’ yiluk, vagalogo yukheraliga o,” yiluk, yugeragagi.

Yohanes 1:49

Yugugu lagagimu, at Nataniel en, “Ngguru wai. Ala abut avakwa Iserali Enowa Inis Ombok Harat heyagi o.”

Yohanes 10:30

An inim, Nasin inim andi, nit ambiat agurik o,” yiluk, yugeragagi.

Yohanes 10:36

Anen, ‘An Ala abut o,’ yagaliga andi vaga, hiren, ‘Hat Ala wiyiknom-weyaknom erogo baliga o,’ nggarogo yiluk yuknisagwi? Nasin Ala enat An denogo baninggya lagagirik, wen vaga yoma lakbani wagagi ovara, nggarogo yiluk anderogo yuknisagwi?

Yohanes 18:37

Yugugu lagagimu, at Pilatus en, “Andi halok, Hat avakwa enowa hinis ombok ai?” Yugugu lagagimu, At Yesus en, “Ninis ombok yuknigin andi, avyarat yuknigin. An anderogoat dogogiluk endaklagagis. Eke, avyarat wene vagalogo yukhirigya dogogiluk, o wen vaga yoma wambu wagagis! Avyarat wene yugeraliga ako wuguselok, Ala aburi atma, An nane hulisagwi.”

Yohanes 19:7

Yugirigya lagagimu, it ap Yakuri menda en, “Dek! Nit ogagu dogop wene dirup warek musek lendagwi atma, ap yi, ‘An Ala Abut aro,’ yagagi halok, At warup-at imbito.”