Lukas 22:52 - ALA WENE HIVIS DIRUP WATUGWA

⁵² Sek okbagya lagagirik, At Yesus en it At vagaruguluk wagagwa imam-imam enasini inim, it Ala awi valek malogo welagagwa enasini inim, it ap ombok-ombok inim, ako yugirigya dugwit, “Ap enonggop agodem welagwi menda vaginivisagwi ako hak, An anderogoat vakneraguluk, yaga veram inim, yo mbandugul inim, wolok wagep yi?

Lukas 22:52 Iomraidhean Croise

Matius 26:47

At Yesus ao yugirigya hegek, it imam-imam enasini inim, avakwa enasini inim, it akoen ap ambi homago veram wugwi, yo mbandugul wugwi, ogakluk, lakbisa wagagwa ako wagu lagagwama, it ap 12 menda enaswe Yudas ako inimat wagagwa.

Matius 26:55

Yugugu lagagirik, o andi vaga At Yesus en it avakwa homago hagalwik ako yugirigya dugwit, “Ap enonggop agodem welagwi menda vaginivisagwi ako hak, An anderogoat vakneraguluk, yaga veram inim, yo mbandugul inim, wolok wagep yi? Hutun-howam Ala awi valekma yugirigya neyagek, vaknetetek welagep ovara,

Lukas 22:37

“Andi, Ala en iri dugwit, ‘At ap weyak menda inim ininggis dingginggugwa,’ yiluk, yagagi dirup warek ako, An ogarimi vaga atma des yisogon, yiluk, yukheraliga. An okbanup yiluk, dirup watugwa ako o yogak yi atma des yi wandiga halok, yukheraliga.”

Lukas 22:4

Nunggwigya lagagimu, it ap imam-imam enasini inim, it Ala awi valek malogo welagagwa enasini inim, at Yudas en yugirigya dugwit, “Yesus warovovok yiluk, nggarogonggan wokheraik,” yiluk, inim wene mbali lagagi.

Lukas 22:51

Sobalogo lakbagya lagagimu, At Yesus en, “Anderogo ogarubuk,” yiluk, ap ako aruk inggis vakbagya lagagirik, sek okbagagi.

Lukas 22:53

Ndugurek-ndagarek Ala awi valekma ninim neyagek, vaknetetek welagep ovara, at o hwiserek andok ako hinim okbanup yogak yi atma, ogares,” yiluk, yugeragagi.

Yohanes 17:12

It woknigigin ako An ninim dugwit, Hat hanye okbaninggigin ako vaga malenombogo lagi. Malenombogo neyagek, ambi yelemele yegetek ovara, at ambi yelemele yup yiluk endaklagagi ako andi, Ala wene dirup warek ako atma des yupwak yiluk, yelemele yagas.”

Lakbogogi Wene 5:26

Yugirigya lagagimu, ap Ala awi valek malogo welagagwa menda enowa aori inim en it lakbigik menda ako woginivi lagu lagagwarik, “Avakwa en helep vaga ninitu saoen,” yiluk, enalon en inititek eneve enewogo-at wogonombolok wagagwa.