Lukas 22:42 - ALA WENE HIVIS DIRUP WATUGWA

⁴² Samban ogagya dugwit, “Ai, Nasin! Yogak edup-mbedup okneraup ako, dek okbaup imbita heyalok, dek okbain. Eke, dek halok, An ogarup ombasiga andi asugen. Hat ogarup embeten akoat ogarisogon o.”

Lukas 22:42 Iomraidhean Croise

Matius 11:25

O andi hudi Yesus en At Asin Ala yugugu dugwit, “Wen-mbogot andok Hat Nasin wa yukhisiga. Hat ogarup yi ako, it ap enendawi werek inim, enendawi anggat inim, inilup agu saoen, hwilakbaluk, avyak maridugi swi endago ovagak sigam erogo yugeragagin atma wa.

Matius 11:26

Anderogo ogarup hendawi sek imbita dugwit ogagagin atma, ‘Nasin wa,’ yukhisiga o.”

Matius 20:22

Yugugu lagagimu, At Yesus en, “Hit nggino yuknisagwi andi, hinunggut dugwit, nggino yuknisagwi. An nagas nudik nayogon ako andi, hit ogo ninim naup sek embetep?” Yugirigya lagagimu, iren, “Yu. Nit ninim naup sek aro.”

Matius 26:39

Yugirigya lagagirik, lirup erogo lagya lagagirik, elese samup erogo wen vaga nggik yiluk, Ala yugugu dugwit, “Ai, Nasin. An idup-mbidup okneraup yi, dek okbaup sek imbita heyalok, dek okbain. Eke, dek halok, An ogarup ombasiga andi asugen. Hat ogarup embeten akoat ogarisogon o,” yiluk, samban ogagagi.

Matius 26:42

Yugugu lagagirik, hekbisiluk elap ambi inim lagya lagagirik, Ala yugugu dugwit, “Ai, Nasin. An idup-mbidup okneraup yi, dek okbaup meyan halok, hat henendawi ombasiga ndatak-at ogarisogon o,” yiluk, samban ogagagi.

Matius 26:44

Nogo yugusigik, hekbisiluk, lagya lagagirik, endak elap mberen vaga Ala yugogogi ako, hivis elap ambi inim samban ogagya dugwit, anderogoat yugogogi.

Matius 6:10

Nit Hat havema dogoguluk, okbininima. Mbogot vaga Hat hendawi ombasiga menda ogasagwi hak, nit wen vaga yoma anderogoat ogagu dogoguluk, okbininin o.

Lukas 23:34

Lobalogo bugu lagagwama, At Yesus en, “Ai Nasin o. It inunggut dugwit, okbanilagwi atma, it weyak ogasagwi yi, enomaduk degerogo bisin o,” yugogogi. Eke, it ap enayegen werek akoen, “Asum sa hidigya hamwi?” yiluk, helep enggen vaga wakhegek ogagu dugwit, asum sumbukhedagagwa.

Yohanes 18:11

Aruk sobanggya lagagimu, Yesus en at Peterus yugugu dugwit, “Peterus wai. Heyaga awi elola yekbetoman. Iwak elola nudik hak An okneraup Nasin en hologo baninggigi yi, An naup meyan nembeten yi? Dek. Nayogon aro,” yiluk, yugogogi.

Yohanes 4:34

Yugu lagagwama, At Yesus en, “At lakbani wagagi en, An ogarup ombasiga ako, An ogagya dugwit, atok weralogo ogarup ako andi, An nagarom aro.

Yohanes 5:30

Yesus en ambi inim yugirigya dugwit, “An nadik nendawi wenggebaluk en ambi ogarup dek o. Ata, Ala yuknugu hobaluk adigat enowak dilogo onggo okbisaliga. An nendawi ombasiga menda ogasigadek. Ata, At lakbani wagagi An Nasin endawi ombasiga menda ako adigat ogasigama, An avakwa enowak dilogo onggo okbisaliga ako andi, atma des erogoat okbisaliga.

Yohanes 6:38

An nadik nendawi wenggebaluk ogagya dogogiluk, mbogot vaga en wambu wagetek. Ata, At lakbani wagagi ogarup ombasiga ako adigat ogarigiluk wagagis.

Lakbogogi Wene 21:14

Yuknirigya lagagimu, yugigik adigat ogagagup ovara, hunggitek welagagimu, “Nenasin Ala endawi ombasiga adigat arupwak,” yiluk, mbup yagagup.