Lukas 22:41 - ALA WENE HIVIS DIRUP WATUGWA

⁴¹ Yugerelok, helep yamburisagwi ako hak, At horok adumu hedarek lagya lagagirik, erambo yunggubaluk, samban ogagagi.

Lukas 22:41 Iomraidhean Croise

Matius 26:39

Yugirigya lagagirik, lirup erogo lagya lagagirik, elese samup erogo wen vaga nggik yiluk, Ala yugugu dugwit, “Ai, Nasin. An idup-mbidup okneraup yi, dek okbaup sek imbita heyalok, dek okbain. Eke, dek halok, An ogarup ombasiga andi asugen. Hat ogarup embeten akoat ogarisogon o,” yiluk, samban ogagagi.

Markus 14:35

Yugirigya lagagirik, horok lagani hedarek lagya lagagirik, wema ape samulik Ala yugugu dugwit, “Ai Nasin Abba. Yogak okneraup ako, dek okbaup sek imbita heyalok, dek okbain. Hat yi menda ndi menda ambi ogarup ovok ndak atma, it edup-mbedup okbanusogom ako dek okbain. Eke, dek halok, An ogarup ombasiga yi, Hat ‘Dek’ imbita heyalok, asugen. Hat hendawi ombasiga ako ogarinok,” yiluk samban ogagagi.

Lukas 18:11

Iperen Ala awi valekma nunggugu lagagwarik, ap Varisi akoen mendek yiluk, samban okhidigya dugwit, ‘Ai, Nasin Ala! It avakwa enonggop welagwi menda inim, weyak ogasagwi menda inim, wanggi welagwi menda inim, eke, ap pemerintah enake yoparip wonggalisiga menda yi ako inim, an anderogo hak dek atma, wa yukhisiga.

Lukas 18:13

Yugogogi ovara, ap pemerintah enake yoparip wonggalisiga menda akoen andi, adumu erogo mendek yi lagya lagagirik, alon en il mbogot vaga ilik lagetek eyave wakhidigya dugwit, ‘Ai, Nasin Ala! An weyak ogasiga menda atma, nabwa ombaru o,’ yiluk, yugogogi.”

Lakbogogi Wene 20:36

Wene andi mondok yugirigya lagagirik, it ovok erogo inim enerambo yunggubaluk hora yiluk, samban ogagagi.

Lakbogogi Wene 21:5

andoma dukluk laup ako ndatak agya lagagimu, it Yesus ane wogogwa menda ako enabur-enogwa inim ovok erogo o kota en woknenombolok is omban vaga binanilagu lagagwama, nenerambo yunggubaluk samban ogagagup.

Lakbogogi Wene 7:60

yiluk, erambo yunggubetaluk ane ombok vaga iri dugwit, “It weyak ogasagwi yi, onggo it enovaga bisabuk! Hekbisin o, Nasin!” yiluk, yugugu lagagirik, hombagagi.

Lakbogogi Wene 9:40

Yup yagusim Peterus en, “Hit ovok erogo wilitales,” yugirigya lagagirik, erambo yunggubaluk, samban ogagagi. Samban okbaluk, at hombagagi ako avikit bikhigya dugwit, “Tabita wai. Mendek iru,” yugugu lagagimu, il huvunik ako venggenogo Peterus il bikhigya lagagirik, nggilik ako mendek yiluk hora yagagi.

Iberani 5:7

O endak At Yesus ako ap-at agya lagagirik o wen vaga yoma nagu dugwit, hambup alon en Asin agap wendarupwak yiluk, yup aik sagi-rago erogo yagagi ako, At Asin ane adigat hobaluk ogagya lagagirikmu, Abut en samban ogagagi ako Ala aruk hunggigi.