Lukas 22:36 - ALA WENE HIVIS DIRUP WATUGWA

³⁶ Yugugu lagagwama, At Yesus en, “Anderogo ovara, yogak en henayoparip wonggalek agarik halok wugwi, yerek-terek wokhiruguselok yekhedamunda yum werek halok wugwi, eke, mbusinggarep erasul dek halok, henayum sogwesum weram menda vaga ambi hunhidugwi, ogagu dogones,” yugeragagi.

Lukas 22:36 Iomraidhean Croise

Lukas 22:35

Yugugu lagagirik, it ovok yugirigya dugwit, “Endak lakbigigis ako, henayoparip wonggalek inim, yerek-terek wokhiruguselok yekhedamunda yum inim, henaropato ambi adik inim, Anen ‘Wolok labuk,’ yukhirigya lagagis ako, hit yi menda ndi menda dek ambi welagagup a, dek a?” Yugirigya lagagimu, iren, “Dek. Nit nenangge ambi dek welagatek, Nenasin.”

Lukas 22:37

“Andi, Ala en iri dugwit, ‘At ap weyak menda inim ininggis dingginggugwa,’ yiluk, yagagi dirup warek ako, An ogarimi vaga atma des yisogon, yiluk, yukheraliga. An okbanup yiluk, dirup watugwa ako o yogak yi atma des yi wandiga halok, yukheraliga.”

Lukas 22:38

Yugirigya lagagimu, iren, “Mbusinggarep erasul mberen yi agarik, Nenasin.” Yugugu lagagwama, At Yesus en, “Arat,” yiluk, yugeragagi.

Yohanes 15:20

Asin sovalek hegek, ayeloman siyalek agarikbuk, yiluk, yukheragagis ako dibas. It wen vaga menda en An weyak okbanunggu lagagwa atma, hit ogo, anderogoat weyak okbugugu dogosogom. Eke, it ninen An nane wugu lagagwa halok, hit ogo, henane wugu dogosogom.

Yohanes 16:33

“Wene yi yukheraliga ako andi, hit An ninim hunik dugwit, henendawi ugun seyalek wadokdek adenggen dogovovok yiluk, yukheraliga. It avakwa wen vaga yoma agarwik menda akoen weyak okbugugu dogosogom ovara, it o wen vaga yoma enanye agarwik ako vage sovalogo bigirikmu, henendawi hora yiluk, wadokdek dogones o,” yiluk, yugeragagi.

1 Tesalonika 3:4

Eke, hit ninim dugwit, ao okbininggitek hegek, “Anggin okbininggu dogosogom o,” yukhirugu lagagup ako, ovok oklagagi andi, hit hinilup.

1 Peterus 4:1

Ap ambi eyave idup yagan watya dugwit, “An weyak ambi inim ogarisogonbuk,” yiluk, asam haliga atma, At Keretus eyave idup-mbidup okbagusigik, endawi wadokdek dugwit wigya lagagi ako hak, hit wane-wane henendawi wadokdek dugwit, wugu dogones.