Lukas 22:32 - ALA WENE HIVIS DIRUP WATUGWA

³² hat hendawi novaga vanggabaluk, avyarat nembeten ako, dek agya heyaoen, An hake samban ogagi. Heyami vaga suguliluk nadema wagya dogomindik, haori yi, enendawi aik wakbugu dogogun,” yiluk, yugogogi.

Lukas 22:32 Iomraidhean Croise

Matius 18:3

“Hit ap yi, henendawi weyak an iya ombasagwi andi, degerogo baluk, avyak maduk yi wane-wane arusogombuk halok, At mbogot vaga menda avema bisaligama andoma mondok nunggusogombuk, yiluk, avyarat yukheraliga.

Matius 26:75

Ayam ane iri lagagimu, At Yesus en, “Ayam ane ao yegetek hegek, hat hane elap henggam vaga, ‘Yesus andi, an ninggut,’ yisogon o,” yiluk, yugogogi ako, at Peterus ape wenggenggu dugwit, wunggu lagagirik, endawi burup iri dugwit, yup iya erogo yagagi.

Markus 14:72

ayam ane elap mberen vaga yagagi. Iri lagagimu, at Peterus ako, “Swa ayam ane elap mberen vaga yegetek hegek, hane henggam vaga ‘Yesus an ninggut’ yisogon o,” Yesus en at yugogogi ako, ape wengge iri dugwit, endawi burup iri lagagirik, yup yagagi.

Markus 16:7

‘An endak Galilea andoma lamindikmu neyalasogom,’ yiluk, wene yukheragagi ako ndatak-at ogagarikmu, At ane welagwi menda nin inim, Peterus inim, yugerelales,” yugeragagi.

Lukas 8:13

“Eke, awi helep iri vaga wombagagi ako andi, it avakwa Ala wene hobaluk enadenggen dugwit, wugu lagarwik, sidok avyarat ombasagwi ovara, enendawima omanggen segerogo yagetekma hivis enendawi avut mbanggya vaga hekbisiluk wilisagwi akoat.”

Yohanes 14:19

An ambukumat dukluk layogon atma, it avakwa o wen vaga yoma agarwik ambi inim neyasogombuk ovara, hit andi, neyagu dogogup. An niluk agirik atma, hit ogo hiniluk-at dogogup.

Lakbogogi Wene 3:19

Des iri lagagimu, Henasin Ala en hit henomaduk degerogo bugugu halok, henendawi adenggen ugun dogovovok yiluk, henasam helok henomaduk mbobagu dogomundik Yesus ambetaga lagu dogwes. Anderogo ogagu hiniselok, henake denogo bagagi Keretus ako andi, Yesus atma, lakba wasogon.”

Oroma 8:32

At Ala Abut ambiat ovara, idi yegetek nit ovok nenake warupwak yiluk, wombaba wagagi akoen Abut wokneragagi ako wane-wane, nenabwa en yi menda ndi menda ovok erogo woknerayogonbuk yiluk yagalagwi?

Oroma 8:34

Eke, Ala en, “Hit weyak o,” yiluk yukneregetek hegek, ap ambi saen, “Hit weyak ogagep atma, onggo bas,” yiluk, wene nenovaga bininaup ombasagwi? Mondok dek. At hambigya lagagimu, Ala en iluk erogo mendok okbagagi yogak Ala inggis amotkan horaik dugwit, ninidi yagaliga andi, Keretus Yesus aro.

2 Timotius 2:18

It ap andi, avyarat wene Yesus avok ako nomalogo hekbaluk, “Avakwa hambuluk lendagwima en vage iniluk erogo mendok okbogogi o,” yiluk, yugu dugwit, it nin Yesus Keretus avyarat umbutugwa menda ako enendawi avut dagalisagwi ovara, hegek,

Titus 1:1

Nabut Titus wai. An Paulus Ala ayeloman Yesus Keretus en lakbigik menda baninggigi akoen wene ambi yukhisogon o. It avakwa Ala en miginipigi ako enendawi Yesus avyarat ombakluk des erogo wugwi, eke, avyarat wene ako wokbaluk, enendawi eve vaga ogarit lagwi, ogagu dogopwak yiluk, lakbigik menda baninggigi.

Iberani 12:15

Ala endawi hunik en sek okbininaliga ako hekbagu hinisaoen, dibagu dogones. Ap ambi henanggelekma wene eda menda henendawima mabisilin lagya halok, hit avakwa wisane At ane hobaluk, weyak ogarup umbutu hinisaoen, dibagu dogones.

Iberani 7:25

Anderogo atma, nit avakwa nenendawi At ovaga vanggabaluk, Ala adema horok ari wagu niniselok, At nenake Ala yugirigiluk mondok iluk agarik atma, nenagap wendarogo mondok sek erogo bininaup andi, sek aro.

1 Peterus 1:1

Hit Ala en mikhinipigi o Pondus inim, Nggalatia inim, Kapadokia inim, Asia inim, Mbitinia inim, hit o Propinsi ovok erogo andoma yi awi ndi awi sak yagan lagagup ap huru ovagak agipik ako, At Yesus Keretus ayonggo lakbigik menda okbaninggigi an Peterus akoen wene ambi yukherayogon o.

1 Peterus 1:13

Anderogo atma, nowa-nasin. “Hivis At Yesus Keretus wagya andi vaga Ala endawi hunik en sek okbinina warisogon o,” yiluk, wene andi vaga henape mondok wenggelek dugwit, alep mbabetaluk henova anggat erogo dogones.

1 Peterus 1:5

Henangge vakhenombogo agarik hedalaguluk hit ako andi, At Ala ovaga vanggabaluk, avyarat umbutu hiniselok, atok vaga henagap wendarup imbitigi ako, hivis anderogo yedok okbigigagiluk, yogak At anye vaga nggetok erogo vakhenombogo agarik.

2 Peterus 3:14

Anderogo atma, nowa-nasin nendawi hunik, an wene ambi yukherayogon. At ovok erogo anderogo okbininapwak yiluk abyam agurik atma, avakwa enane ambi henovaga agetek, henendawi sek adigat dugwit Ala hinim henendawi ambiat dambulik werekma hinisa warupwak yiluk, ndugurek-ndagarek henendawi wakit hidugu dogones o.

1 Yohanes 2:19

It ap Keretus inim ogorek menda andi, endak ninim homagu lagagup ovara, “It andi, nit menda dek o,” yiluk, hekbininiluk wunggugwa. “It ap andi, nit menda aro,” yiluk ombatlipmu en, ninimat duklu ovara, Ala en, “It andi, ovok erogo hit menda dek, hunogo menda agarwik, yiluk, sigam arupwak,” yiluk, imbitigi vaga anderogo hekbininiluk wunggugwa.