Lukas 22:22 - ALA WENE HIVIS DIRUP WATUGWA

²² An Ap-At Endaklagagis okbanup ako Ala imbitigi ndatak-at okbanisogon ovara, at narupwak yiluk avakwa yugerayogon ako andi mondok anggin iya erogo ovaga arugwi o.”

Lukas 22:22 Iomraidhean Croise

Matius 26:24

An Ap-At Endaklagagis yi, An okbanup wene navok dirup warek agarik ako wane-wane ogari layogon ovara, aren it avakwa neyave narupwak yiluk yugerayogon andi, mondok anggin iya erogo ovaga arugwi. At ap andi endaklaklipuk en, at segat duklip ovara!”

Matius 27:5

Yugugu lagagwama, at Yudas en yoparip mbusi perak ako Ala awi valekma andoma mbo hanunggwigya lagagirik, wulu wakluk, avup heda yidilhidigya lagagirik, hombagagi.

Markus 14:21

An Ap-At Endaklagagis yi, An okbanup wene navok dirup warek agarik ako wane-wane ogari layogon ovara, aren it avakwa neyave narupwak yiluk yugerayogon andi, mondok anggin iya erogo ovaga arugwi. At ap andi endaklaklipuk en, at segat duklip ovara!” yiluk, yugeragagi.

Lukas 22:23

Yugirigya lagagimu, “Saen ogarup halok yagas?” yiluk, iren at ambi yugigik, at ambi yugigik yagagwa.

Lukas 24:46

Enendawi awiya erogo okbugu lagagirik, yugirigya dugwit, “Ala wene dirup warek vaga iri dugwit, ‘At Ala en denogo mondok okbagagi Keretus ako edup-mbedup ovaga baguselok, ndugwis mberen dukluk, ndugwis ambi vaga hambuluk bisa lendagwima en iluk agya dogomindik, mendek yisogon.

Yohanes 17:12

It woknigigin ako An ninim dugwit, Hat hanye okbaninggigin ako vaga malenombogo lagi. Malenombogo neyagek, ambi yelemele yegetek ovara, at ambi yelemele yup yiluk endaklagagi ako andi, Ala wene dirup warek ako atma des yupwak yiluk, yelemele yagas.”

Lakbogogi Wene 10:42

Iluk erogo mendok okbagya lagagimu, ‘It iniluk agarwik inim, hombagagwa inim, enowak dilinivup Ala en denogo mondok okbagagi ako andi Yesus aro, yiluk, des erogo vagalogo yugeregek nagu dogones,’ yukneragagi.

Lakbogogi Wene 17:31

“Ap ambi denogo mondok okbagagi en avakwa ovok ogasagwi wane-wane enowak dilinivup ndugwis ambi adik denogo bagagi o. Eke, nenowak dilninivisogon ako, nit avakwa ovok ninilup dogoguluk, At ako andi, hambuluk lendagwima en iluk erogo mendok okbagagi o,” yiluk, yugeragagi.

Lakbogogi Wene 2:23

At Ala en hivis ogarup imbitigi musek Yesus ako vagago hit Iserali menda wokhurugu lagagwama, hambupwak yiluk, it ap weyak ogasagwi menda hinim eyave yo vaga lobalogo bagagup ovara,

2 Peterus 2:3

It ap mamulerelagwi andien ambi hedaguluk, henambukmu unggu dugwit, enane ugun huluk molalogo yukhirugu dogosogom. Anderogo yukherelagwi ovara, it ogasagwi vaga At enowak dibaluk weyak enovaga bisaup o muk erogo hologo bagagi Ala ako andi, ugun map donggalek dugwit nggungguk nogo yiligadek. Ata, eneyave degerogo bisagiluk mondok hanjalek agarik.