Lukas 22:19 - ALA WENE HIVIS DIRUP WATUGWA

¹⁹ Yugirigya lagagirik, roti inggimu wigya lagagirik, “Ai Nasin Ala wa!” yiluk, ugurogo wogirigya dugwit, “Yi An neyave hit henake denek ako yi atma, an henape wenggelnitu dugwit, nunggu dogones.”

Lukas 22:19 Iomraidhean Croise

Matius 14:19

Yiluk, avakwa wisane ako, “Mbeyambuk vaga horares,” yugirigya lagagirik, hora yugu lagagwama, At Yesus en erom roti 5 inim, eke, ikan mberen inim, inggimu wigya lagagirik, elose mbogot vaga iligik dugwit, “Nasin Ala wa,” yiluk, roti ako ugurogo At ane welagwi menda ako wogirigya lagagimu, iren avakwa wisane wonggalek ako menageragagwa.

Matius 15:36

Yugirigya lagagirik, erom roti 7 inim, ikan inim, inggimu wigya lagagirik, “Ala wa!” yiluk, ugurogo At ane welagwi menda ako wogirigya lagagimu, iren avakwa wisane inim welagagwa ako menageragagwa.

Lukas 22:17

Anderogo yugirigya lagagirik, is owak inggimu wigya lagagirik, “Ai Nasin Ala wa!” yiluk, “An yogak ninim okbaluk hivis Ala en avakwa At avema mondok-mondok bisaup ako ao ari wagetek hegek, An anggur enggen amburup yi, nenggetek dogosogon atma, hidugu dogomundik sumbukhedomanes, yiluk, yukheraliga.”

Lukas 22:20

Yugirigya lagagirik, nunggu lagagwama, amburup nudik anderogoat inggimu wigya lagagirik, “Hit visilogo bigigagiluk henonggo bagya dugwit namuya wilisogon ako andi, amburup yi aro. Wene swi menda Ala hinim dambubigigaup yiluk, nggatuk erogo yukheragagi ako, An namuya vaga mondok atma des yisogon,” iri lagagirik, wogeragagi.

Lukas 24:30

Nunggwigya lagagimu, inim erom naguluk, hora yiluk, erom inggimu wigya lagagirik, “Nasin Ala wa,” yiluk, ugurogo wogeragiluk ogagya lagagimu,

Yohanes 6:23

Andenam ao werekma, mburis nin vaga avakwa o Tiverias en wagu dugwit, Nenowa Inis Ombok Yesus en Nenasin Ala, “Wa,” yiluk, avakwa roti wogeragagi nunggugwarikmu akoma-at wagu sogogwa.

Yohanes 6:51

Erom hiniluk okhinivisiga menda mbogot vaga en wambu wagagis An neyave yi aro. Hit ambi saen erom yi ako nunggu hiniselok, mondok-mondok hiniluk-at dogosogon. Hit avakwa wen vaga menda hiniluk okhinivupwak yiluk, erom hit henake bayogon ako andi, An neyave aro,” yiluk, yugeragagi.

1 Korindus 10:16

Amburup nudik hidugu lagurik, “Ala wa,” yiluk nelagwi ako andi, nit nenendawi ambiat dambulik dugwit, At Keretus amuya winggigi ako vaga dambulogo bininggigi nenape wenggenggu dugwit, nelagwi ako. Eke, erom ugurogo nelagwi ako andi, nit nenendawi ambiat dambulik dugwit, At Keretus eyave nit nenake hombagagi nenape wenggenggu dugwit, nelagwi ako.

1 Korindus 10:4

eke, is Ala en wogeragagi ako, it ovok erogo nunggugwa. Is ako, Ala en helep it wolok nagu lagagwa ako vaga is wogeragagi. Helep ako andi, eve Keretus-at.

Nggalatia 1:4

O yogak yi vaga, it avakwa wen vaga menda weyak ogarup enendawi wenggebaluk ogasagwi ako, ninim ogagu ninisaoen, haurogo wokninivigiluk, Nenowa Yesus Keretus en, “It weyak ogasagwi ako, enonggo bagiluk enake hambisogon o,” yiluk, nenake hombagagi. At nenake hombagagi ako, At Nenasin Ala imbitigi wane-wane hombagagi atma,

Nggalatia 4:25

Eke, ndom Sinai andi o Arap agarik ako hwa Hagat wane-wane atma, wakhegek yugu dugwit, hwa Hagat eyagi inim Averakam ayeloman heda mago welagagwa ako wane-wane, ndom Sinai vaga, “Yerogo ogarup, nderogo ogarup,” Musa wene ako, it o Yerusalem menda en ao ogasagwi atma, avakwa enayeloman hak, wene andi avema heda magoat iniselagwi.

Evesus 5:2

Ala ake warogo hali hungguselok, Ala en amben sek haliga hak, At Keretus nenabwa en, “Enake hambisogon o” imbita lagagirik, nenake hombagagi ako wane-wane, nabwa-habwa umbutu dugwit, at ambien at ambi sek okbagek ogagu dogones.

1 Tesalonika 5:18

Hit Keretus Yesus hinim hunik dugwit, ogarit lagu dogop hinimbitigi ako andi, yi menda ndi menda okbigigelagwi ako, Ala adigat “Wa,” yugugu dogones.

Titus 2:14

Nit yi weyak ndi weyak ogasagwi ako ogagu dogoguven yiluk, At Yesus ako nit avyarat ombasagwi menda nenonggo mbalogo heda visibininagiluk, At eyave wogeragagi. Eke, “An naburi nake denek dugwit, sek ogarup enendawi sek vaga ogarit lagu dogopwak,” ombakluk, nenomaduk horogo bininigiluk, nit nenake At eyave wogeragagi.

1 Peterus 2:24

Nit endak weyak ogagu lagagup ako, yogak ambi inim ogagetek dugwit, sek adigat ogarit lagu dogoguluk, At eyave yo winik vaga hambigya dugwit, nit weyak ogasagwi menda ako ovok erogo wogogi. Eke, At agamut libik-ndendok erogo watugwa ako vaga nit sek okbininggigi.