Lukas 22:17 - ALA WENE HIVIS DIRUP WATUGWA

^17-18 Anderogo yugirigya lagagirik, is owak inggimu wigya lagagirik, “Ai Nasin Ala wa!” yiluk, “An yogak ninim okbaluk hivis Ala en avakwa At avema mondok-mondok bisaup ako ao ari wagetek hegek, An anggur enggen amburup yi, nenggetek dogosogon atma, hidugu dogomundik sumbukhedomanes, yiluk, yukheraliga.”

Lukas 22:17 Iomraidhean Croise

Matius 14:19

Yiluk, avakwa wisane ako, “Mbeyambuk vaga horares,” yugirigya lagagirik, hora yugu lagagwama, At Yesus en erom roti 5 inim, eke, ikan mberen inim, inggimu wigya lagagirik, elose mbogot vaga iligik dugwit, “Nasin Ala wa,” yiluk, roti ako ugurogo At ane welagwi menda ako wogirigya lagagimu, iren avakwa wisane wonggalek ako menageragagwa.

Matius 15:36

Yugirigya lagagirik, erom roti 7 inim, ikan inim, inggimu wigya lagagirik, “Ala wa!” yiluk, ugurogo At ane welagwi menda ako wogirigya lagagimu, iren avakwa wisane inim welagagwa ako menageragagwa.

Matius 26:26

Yugugu lagagirik, erom nunggu dugwit, At Yesus en roti inggimu wigya lagagirik, “Nasin Ala wa,” yiluk, ugurogo, At ane welagwi menda ako wogirigya dugwit, “Roti yi, An neyave atma, hininggimu wugu dogomundik nanes.”

Markus 14:22

Yugirigya lagagirik, erom nunggu dugwit, At Yesus en erom roti ambi inggimu wigya lagagirik, “Nasin Ala wa,” yiluk, “Roti yi An neyave atma, womanes o,” yiluk, ugurogo wogeragagi.

Lukas 22:19

Yugirigya lagagirik, roti inggimu wigya lagagirik, “Ai Nasin Ala wa!” yiluk, ugurogo wogirigya dugwit, “Yi An neyave hit henake denek ako yi atma, an henape wenggelnitu dugwit, nunggu dogones.”

Lukas 9:16

Horakbugu lagagwama, At Yesus en roti 5, ikan mberen inim, inggimu wigya lagagirik, elese mbogot vaga ilik lagya dugwit, “Nasin Ala wa!” yiluk, ugutigi. Ugurogo At ane welagwi menda en avakwa homago ako menagerapwak yiluk, wogeragagi.

Oroma 14:6

It ninen, “Ndugwis yi vaga yi ogagek ndi ogagek ogarup moga,” yiluk, yagalagwi ako andi, Nenasin inis ombok arupwak yiluk, yagalagwi atma, andi segat yagalagwi. It ninen, “Yi menda ndi menda ugun nunggu dogop,” ombasagwi ako andi, “Ala wa,” yiluk, nelagwi atma, Nenasin inis siyabagu dugwit, nelagwi. Eke, it erom erom-angga adigat nelagwi ako andi, it ogo, “Ala wa,” yiluk, nelagwi atma, Nenasin inis siyabagu dugwit nelagwi.

1 Korindus 10:16

Amburup nudik hidugu lagurik, “Ala wa,” yiluk nelagwi ako andi, nit nenendawi ambiat dambulik dugwit, At Keretus amuya winggigi ako vaga dambulogo bininggigi nenape wenggenggu dugwit, nelagwi ako. Eke, erom ugurogo nelagwi ako andi, nit nenendawi ambiat dambulik dugwit, At Keretus eyave nit nenake hombagagi nenape wenggenggu dugwit, nelagwi ako.

1 Korindus 11:23

At Nenowa Inis Ombok en ogagya dogop yuknigigi ako wigya lagagirik, yukheragagis ako eyave yiat: At Nenowa Inis Ombok Yesus warupwak yiluk ao ininggimu bagetek hegek, o hup ndugwis andi vaga erom inggimu wogogi.