Lukas 21:8 - ALA WENE HIVIS DIRUP WATUGWA

⁸ Yugugu lagagwama, At Yesus en yugirigya dugwit, “Avakwa henendawi wokhinipu saoen henova hwalogo dogones. It ap wisane [huluk at] An ninis vaga wagu dugwit, at ambi en, ‘At Keretus ako andi, an aro,’ iris, eke, at ambi en, ‘Hivis oklarup ako vage vanggo yi waga o,’ iris, yagan warusogom atma, enane hobaluk, enamusek labuk.

Lukas 21:8 Iomraidhean Croise

Matius 24:11

Eke, ap wisane wagu dogogupik, un hulugat, ‘Ala en yuknigas ambi yukherayogon o,’ yiluk, avakwa wisane enendawi wugu sagup.

Matius 3:2

“At mbogot vaga menda avema bigigaup ako vage horok ari wagarikmu hit weyak ogasagwi ako, henasam helok, hekbas,” yiluk, yugirigya lagagi.

Matius 4:17

Lagya lagagirik, Yesus en yugirigya dugwit, “At mbogot vaga menda avema bigigaup ako vage horok ari wagarikmu, hit weyak ogasagwi ako, henasam helok, hekbas,” yiluk, wene yugeregek laup ako, o andi hudi asinggigi.

Lukas 17:23

It avakwa en, ‘Eyave yoma agarik atma, bikhamanes.’ ‘Andoma agarik atma, bikhalales,’ yukhiruguselok, enamusek labuk.

Lukas 21:7

Yugirigya lagagimu, iren At hemethugu dugwit, “Ngguru wai. Hat yukneregen ako o mera oklarimi? Eke, ‘Anderogo ogarup’ yukneregen ako atma des yup hudi horok ari wagya halok, ninilup arup menda nenendawi dibaguluk nano ogagya hagup?”

Lukas 21:9

Ndup silis bagwi, haryogo wibisapwak yiluk ndup ogagwi, ogasagwi ovok henaruk hulumwi ovara, henalon habuk. Ogarup ako, endak oklarisogon ovara, o hivis oklarup ako mbikit oklarisogonbuk o,” yiluk, yugeragagi.

Yohanes 5:43

Nasin en lakbani wagagi An ako, hit woknetetek ovara, ap ambi at adik endawi wenggebaluk wagya halok andi, hiren ap andi wugu hinisaliga.

Yohanes 8:24

Hit henomaduk henovaga dinggilik dugwit hambusogom yiluk, yukhirigi ako andi, hiren ‘At eyave itok agarik menda aro,’ yiluk, henendawi novaga vanggabaluk, avyarat nembetetek hiniselok, hit henomaduk henovaga dinggilik dugwit-at hambusogom.”

Yohanes 8:28

Dibagetek welagagwama, At Yesus en it yugirigya dugwit, “An Ap-At Endaklagagis yo vaga ilik banunggu hiniselok, hiren, ‘Itok agarik menda ako eve yi aro,’ yiluk, hinilup arugup. Eke, An ombasiga menda vaga ogasigadek, ata, Nasin en yuknisiga ako adigat yukheraliga hit hinilup arugup.

1 Korindus 6:9

Eke, it weyak adigat ogasagwi halok, Ala avema bisaligama bisayogonbuk ako, hit hinunggut a? It avakwa ugun-ugun oginivit lendagwi menda inim, madis inis adup ogasagwi menda inim, ap ogwa werek hegek hwa agun werek hegek ogasagwi menda inim, ap-ap wanggis welagwi menda inim, enonggop welagwi menda inim, yi menda ndi menda hogop ombasagwi menda inim, amburup nunggu lagarwik, nenek ovagak yagan lendagwi inim, avakwa nin ininis weyak erogo biselagwi menda inim, avakwa enangge enonggop hedaguluk, enambukmu dagasagwi menda inim, avakwa andi menda Ala avema bisaligama bisayogon mondok dek atma, avakwa en henambukmu unggu dugwit, wene adik yukherelagwi halok, enane hulup mondok moga o.

Evesus 5:6

It Ala wene sagabaluk, weyak andi menda ogarit lendagwi halok, Ala aninis enovaga bisaliga atma, it ugun inunggut agarwik akoen enane amburup werek agil-amok yagan wagu dugwit, henambukmu unggu saoen, dibagu dogwes.

2 Tesalonika 2:3

It avakwa huluk anderogo yagan wagu dugwit, henambukmu unggu saoen, dibugu dogones. Nenowa warup ako andi, avakwa wisane en Ala wene, “Nenanggon o,” yiluk, hekbagetek inigik, eke, at ap mondok weyak adigat ogasiga, elese degerogo baup ake denek ako, sigam ari wagatek hegek, warisogonbuk.

2 Timotius 3:13

Anderogo ovara, it avakwa weyak ogasagwi menda inim, enane huluk yagalagwi menda inim, weyak ambi inim ombok ogarit nagu dugwit, ir-it enambukmu dagalhidugu dogosogom.

1 Yohanes 4:1

Naswei nendawi hunik yi wai. Avakwa huluk wene yugerelagwi menda eneyave wisane en yi awi ndi awi ovok erogo yugeregek lendagwi atma, ap ambi henadema wagya dugwit, “Ala Averiniki en yuknirigya halok, yukhera wagyo,” yiluk, yukhera waguselok, enane avyarat umbutu dugwit ugun waup moga. Ata, “At Ala Averiniki en avyarat lakbisa wagao atma yagan wendagwi a, ata it enendawi en wenggebaluk yagan wendagwi a?” yiluk, enavut dombabaluk enane hunggu dogop segat.

2 Yohanes 1:7

It ap ninen, enane huluk yugu dugwit, “At Yesus andi, Ala en denogo baluk lakba wagagi Keretus ako wen vaga yoma ap-at endaklagatek,” yiluk, avakwa enambukmu dagaguluk yugeregek lendagwi menda yi awi ndi awi eneyave wisane-at agarwik. It ap andi, Ala Abut denogo mondok okbagagi Keretus ako, inim mondok ogorek agarwik. It ako Keretus inim ogorek dugwit, hulugat avakwa enambukmu dagalisagwi atma,

Wahyu 1:3

Anderogo atma, wene yi ogarup ako vage horok ari wagarikmu, it avakwa en hivis ogarup wene dirup warek yi, bikhegek mbilinogo yugurugwi, eke, yugurugusigik, enaruk hobaluk, des erogo wugwi, ogaguselok, Ala en adenggen enovaga bugu dogosogon.

Wahyu 12:9

at mbas ombok ako aori inim haryogo wema mbombo bisa wagu sigis. At mbas ombok awigovak ovagak wombaba waga ako andi, o muk en yi avakwa ndi avakwa ovok erogo enambukmu dagasiga menda inis Sile ako andi, inis ambi Setan aratma, at aori inim ovok erogo mbogot vaga en haryogo wen vaga wombabisa wagu sigis.