Lukas 21:7 - ALA WENE HIVIS DIRUP WATUGWA

⁷ Yugirigya lagagimu, iren At hemethugu dugwit, “Ngguru wai. Hat yukneregen ako o mera oklarimi? Eke, ‘Anderogo ogarup’ yukneregen ako atma des yup hudi horok ari wagya halok, ninilup arup menda nenendawi dibaguluk nano ogagya hagup?”

Lukas 21:7 Iomraidhean Croise

Matius 24:3

Andien, ndom Saitun vaga inggya lagagirik, adik andenam hora yiluk werekma, At ane welagwi menda ako adema ari wagu lagagwarik, At yugugu dugwit, “‘Anderogo arugwi o,’ yukneregen ako, o mera oklarugwi? Eke, Hat warup inim, o hivis oklarup inim, horok ari wagya halok, ninilup arup menda nenendawi dibaguluk nano ogagya hagup? Yukneran.”

Markus 13:14

Hit Ala wene dirup warek yi bikhelagwi menda andi, henendawi dibagu dogwes! Yesus en iri dugwit “‘Agoda werek weyak okbisaliga menda,’ o mogama mendek hinil hugu dugwit, ‘Wi’ yiluk, it o Yudea agarwik menda hoda o ndom vaga andoma hwilaklari lapwak.

Lukas 21:32

“Hit avakwa yogak agipik yi, ao dek agetek hinigik, hivis ogarup avok yukhirigi ako ovok erogo atma des iri hagup yiluk, avyarat yukheraliga.

Lukas 21:6

Yesus en it yugirigya dugwit, “Hit hinil helagwi yi ako andi, helep ovaga dambuk ogarek iligik andi ambiat ogo dogosogonbuk. Ovok erogo masalarugwi hudi vanggo yi warugwi,” yiluk, yugeragagi.

Lukas 21:8

Yugugu lagagwama, At Yesus en yugirigya dugwit, “Avakwa henendawi wokhinipu saoen henova hwalogo dogones. It ap wisane [huluk at] An ninis vaga wagu dugwit, at ambi en, ‘At Keretus ako andi, an aro,’ iris, eke, at ambi en, ‘Hivis oklarup ako vage vanggo yi waga o,’ iris, yagan warusogom atma, enane hobaluk, enamusek labuk.