Lukas 21:36 - ALA WENE HIVIS DIRUP WATUGWA

³⁶ Samban adigat ogagu dugwit, henendawi suam wakhidugu dogones. Andi ogagu hiniselok, anggin-mbanggin okhinivup ako henendawi wadokdek dugwit, henanye erogo wugu dogomundik, An Ap-At Endaklagagis nivaga henanggadidek dugwit mendek yugup,” yiluk, yugeragagi.

Lukas 21:36 Iomraidhean Croise

Matius 24:42

“Anderogo atma, Henasin An ako, o ngga vaga warup hinunggut atma, henendawi suam watu dogones.

Matius 24:43

Hit dibas! At ap awi werek en, ap onggop waliga menda ako o hup mo il ngga vaga warisogon, ilup duklipmu en, ‘Sup lakbaluk, nangge-nangge onggop wa nunggu wagya haoen,’ yiluk, nogo yigitek mondok-mondok suam watya duklip.

Matius 24:44

An Ap-At Endaklagagis yi, hiren, ‘O ngga vaga warup,’ nembetetek hinigik, warugwis atma, hit mondok dikduk okbaluk dogones o,” yiluk, yugeragagi.

Matius 25:13

Yugirigya lagagirik, At Yesus en, “O ngga vaga warup inim, mo il maren vaga warup inim, ako hit hinunggut atma, henendawi suam watu dogones o,” yiluk, yugeragagi.

Matius 26:41

Henendawi en sek ogarup ombasagwi ovara, heneyave en ogarup meyan okhinivisiga atma, weyak ogarup henendawima ari wagya haoen, henova hwalogo dugwit, samban ogagu dogones.”

Matius 8:20

Yugugu lagagimu, Yesus en, “Yangge do andi, enawi yo masalekma homoma agarwik, eke, swa mbogot vaga nelagwi ako, enawi yo vaga valek agarwik, ovara, An Ap-At Endaklagagis yi andi, nogo yiligama ogo mondok dek,” yiluk, yugogogi.

Markus 13:33

Yugirigya lagagirik, “O mera hudi oklarup andi hit hinunggut atma, henendawi dibagu dugwit suam watu dogwes o.

Markus 13:37

yiluk, An wene henendawi suam watu dogop yukheraliga yi, avakwa ovok erogoat yugeraliga o,” yiluk, yugeragagi.

Lukas 1:19

Yugugu lagagimu, malaikat akoen, “An andi, Nggabiriel aro. An Ala inim agirik atma, Sek Wene yi, wolok, ‘Yugirilak,’ yuknugu lagama, yukhiri wagi o.

Lukas 18:1

Anderogo yugirigya lagagirik, avakwa anggon-mbanggon okbigitek samban adigat ogagu dogopwak yiluk, Yesus en wene wakhegek yi At ane welagwi menda ako yugirigya dugwit,

Lukas 20:35

Anderogo ogasagwi ovara, At Ala en, ‘It avakwa sek menda enombasiga andi, ninim dogoguluk, hambuluk lendagwima en iniluk erogo mondok okbisayogon,’ ombasiga ako andi, Ala en mondok okbisagwi. Mondok okbugu dogogwimu inim dugwit, ap en akwa woginipwis, akwa en ap woginipwis, ogagu dogogupuk.

Lakbogogi Wene 10:2

At ap ako aburi inim [it weram Yakuri dek menda ovara] ovok erogo Ala enalon umbutu dugwit, Ala wene des erogo ogagu lagagwa. Aren it Yakuri menda wisane erogo ininggidek halok, yonggar-inipu, samban adigat ogagya, ogagya lagagi.

1 Korindus 16:13

Hit henalon dek henendawi wadokdek dogones. Eke, Ala avyarat ombasagwi ako vaga henendawi hora yiluk, suam sek erogo wakhidugu dogones.

2 Korindus 4:14

At Ala en Nenowa Inis Ombok Yesus iluk erogo mondok okbagagi akoen hivis nit wane-wane niniluk erogo mondok okbininggu dogomindik, Yesus ninim dogosogom yiluk, hit ninim At adema binina layogon ninilup atma, Sek Wene andi, mondok avyarat umbutu dugwit, yagalagwi.

Kolose 4:2

Henovarali agetek o hutun howam samban adigat ogagu dugwit, Ala, “Wa,” yugugu dogones.

1 Tesalonika 5:17

Mbup yegetek samban adigat ogagu dogones.

2 Timotius 4:5

Anderogo ovara, hat halok andi, yi wene ndi wene wagya haoen, hendawi suam watya dogwen. Edup-mbedup okbagagusigik, hendawi wadokdek dugwit wigya, ap Sek Wene yugeregek lendagwi hak, hat ndatak yugeregek lagya, eke, hat Ala eyavup ogagya dogonyok yiluk, mendok okbagagagwa ako weralogo ogagya, ogagya dogwen.

1 Peterus 4:7

O hivis ogarup ako vage horok ari wagarikmu, samban ogagu dogovovok yiluk, henendawi alep mbabetaluk, henova hwalogo dogones.

1 Peterus 5:8

Hit hinim ndup agipik Sile akoen weyak okhinivigiluk, singga yangge do aninis werek ovagak heneyave yum yekhinivigiluk aik nde yagan havethinivit naliga atma, hit mondok henendawi alep mbabetaluk, suam watu dogones.

1 Yohanes 2:28

Anderogo atma, naburi. Hivis At warup ako hudi vaga nit nenanggadidek nenendawi seyalek dogoguluk, yogak en hit Yesus inim mondok hunigat okhidugu dogones.

Yudas 1:24

At Nenasin Ala nenagap wendarisiga menda akoen nit avyarat ombasagwi ako hekbaluk, adik ambi ogarit lagu ninisaoen, nenabyam des erogo agarik. Andien, hivis At, “Hit wene ambi henovaga agetek atma, nadema yenam mendek yimanes o,” yiluk yuknirigya dogomima, nenendawi adenggen embetek At mondok siyalek agarik adema mendek yi laguluk, wokniniviluk binina layogon.

Wahyu 11:4

It ap eneyave mberen andi, yo saitun mberen hak, hali yevedogo bagek mberen ovagak, dugwit, Nenasin Inis Ombok yi menda ndi menda adem andok ako elokwema agarwik andi, it ap andi aro.

Wahyu 7:9

Anderogo okbugu ako inugu lagirik, it avakwa ininis unggul adik-adik inim, enane adik-adik inim, enagamut adik-adik inim, enanggelekma en ambi nggigik homago ako andi, eneyave wisane ininggis dinggilup ogo mondok meyan inigis. It avakwa andi, enasum adup mudu yanggwi ovagak yikbaluk yo ndila angga hedalek ininggimu vagago dugwit, At wene yugeraligama kursi sek vaga horaik agarik ako inim, Ndomba Eyak ako inim, iperen enavema mendek yiluk,

Wahyu 8:2

Higya lagarik, it malaikat eneyave 7 Ala avema mendek agarwik ako ane ombok ogasiga trompet 7 wogirigya higi.