Biblia Todo Logo
Bìoball air-loidhne

- Sanasan -




Lukas 21:34 - ALA WENE HIVIS DIRUP WATUGWA

34-35 Yesus en wene ambi yugirigya dugwit, “Bagas sakno bagoma mbikit sopalandiga hak, ‘Ndugwis andi vaga anderogo okhinivisogon,’ yiluk, wene yukhirigi ako, hit avakwa o wen vaga yoma ovok erogo ndugwis ambi vaga mbikit supuk erogo okbigiga wasogon atma, henendawi suam wakhidugu dogones. Yi menda ndi menda henagaum dek heda nenggek nagwis, amburup nenek oginivisiga menda nenggek nagwis, ‘Nangge nggarogo okhedaik o,’ yiluk, henendawi anggin wisane wenggelit nagwis, ogagu dugwit, henendawi ugun obak hinisaoen, henendawi suam wakhidugu dogones.

Faic an caibideil Dèan lethbhreac




Lukas 21:34
37 Iomraidhean Croise  

Eke, awi yoangga hedangga aik werek anggelekma wombagagi ako andi, it wene enaruk hulisagwi ovara, enendawi anggin dugwit wen vaga menda adigat wenggelit nagwis, enangge dek arup menda hegek, enendawi hunik okhedegek nagwis, ogasagwi ako vaga Ala wene wagagwa ako sovalogo hekbagarwikmu, eyave enggen yiklagetek-at agaruk.


“Avakwa en it wene owak dilisagwima vakhiniviluk lagwi, Yakuri samban ogasagwima en nabirok vaga henatwis, okhinivugup atma, avakwa enendawima dibisiluk, henova hwalogo dogones o. Hiren adem An nane wagagup vaga, it ap ombok-ombok inim, ap ininis werek inim, enadema wokhenombolok lagup. Wokhenombolok laguselok, hiren ‘Yugeraup nanonggal aga o,’ yiluk, An ogagya neyagep ako sigam vagalogo yugeraup.


wen vaga menda adigat enendawi anggin vaga wenggelit lagwi, yi menda ndi menda dek arup hegek enendawi wenggelit lagwi, yi menda ndi menda enendawi hogop ombarit lagwi, andi ogarit lendagwi vaga, wene ako sovalogo hekbelagwi atma, andi vaga eyave enggen yiklagetek-at agaruk.


Yugugu lagagimu, Yesus en, “Mareta, Mareta. Hat yi ogarup ndi ogarup adigat hendawi anggin dugwit, aburuk erogo ogarit lagya heyagi.


Anderogo hak, An Ap-At Endaklagagis yi, hiren, ‘O ngga vaga warup,’ nembetetek hinigik, warugwis atma, hit mondok dikduk-dakduk okbaluk dogones o,” yiluk, yugeragagi.


Anderogo atma, henova hwalogo dogwes.” “Hit henaswe ambien weyak ogagya halok, anggadi warup. Anggadi wakbaluk, weyak ogaga ako asam helok, mbobagya halok, at omaduk andi, degerogo bagu dogop.”


Yugugu lagagwama, At Yesus en yugirigya dugwit, “Avakwa henendawi wokhinipu saoen henova hwalogo dogones. It ap wisane [huluk at] An ninis vaga wagu dugwit, at ambi en, ‘At Keretus ako andi, an aro,’ iris, eke, at ambi en, ‘Hivis oklarup ako vage vanggo yi waga o,’ iris, yagan warusogom atma, enane hobaluk, enamusek labuk.


“Awi yoangga hedangga aik werek anggelekma wombagagi ako andi, it avakwa wene enaruk hulisagwi ovara, eneyave dogop vaga enendawi anggin vaga wenggelit lagwi, ininggi werek okhedaup adigat enendawi wenggelit lagwi, wen vaga sek dogop adigat enendawi wenggelit lagwi, ogarit lagu dugwit, wene yugup ako mbalogo wombalisagwi aro. Enggen eve sek menda mondok yiligadek.”


An dirup warogo wokheragagis ako andi, iren, “Nit ovok Ala aburi-at,” ombakluk, “Nenaswei o,” yukherelagwi ako menda avok dirup warogo wokheragagis. Iren “Nit Ala aburi,” yukhirugu dugwit ovara, avakwa ugun-ugun oginivit nagwis, yi menda ndi menda hogop umbutwi, madis inis adup ogagwi, avakwa nin ininis weyak erogo bugwis, amburup nunggu lagarwik, nenek ovagak yagan nagwis, avakwa enangge enonggop hedaguluk, enambukmu unggwi, ogaguselok andi, “Hinim dambulik dogobuk. Eke, erom wokhiruguselok ogo, naup mondok dek o,” yiluk, dirup warogo wokheragagis.


huvuwak amuri hunggwis; mum vaga avakwa initwis; enendawi adik-adik ogot hedugwi, enane wunumuk yugwi, uwa mbanggwis, enaninis mbikit umbutwi, an ogasiga adigat sek umbutwi, an iya hat iya yugwi, enadik-enadik mogolhedugwi,


Anggin nano menda ambi henovaga agya halok, henendawi anggin habuk. Ata, “Anggin anderogo novaga aga o,” yiluk, samban ogagwi, eke, hit ambi ngga menda dek halok, okbigigapwak yiluk, “Ala wa,” yiluk, nggino yugugwis, ogagu dogones.


Ala endawi hunik en sek okbininaliga ako hekbagu hinisaoen, dibagu dogones. Ap ambi henanggelekma wene eda menda henendawima mabisilin lagya halok, hit avakwa wisane At ane hobaluk, weyak ogarup umbutu hinisaoen, dibagu dogones.


At Nenowa warup ako andi, “Ndugwis andi vaga warisogon,” embetetek inigik, ap onggop waliga ako hak enape wenggelekdekma warisogon. Eke, wagya halok, mbogot ane sukup iri dugwit dek agya, saut-dadiwap mbogot vaga agarik menda ovok hali ninggya, wen yi inim, wen vaga agarwik inim, ovok erogo dek agya, ogagya hagup.


Anderogo atma, nowa-nasin nendawi hunik, an wene ambi yukherayogon. At ovok erogo anderogo okbininapwak yiluk abyam agurik atma, avakwa enane ambi henovaga agetek, henendawi sek adigat dugwit Ala hinim henendawi ambiat dambulik werekma hinisa warupwak yiluk, ndugurek-ndagarek henendawi wakit hidugu dogones o.


It endak Sek Wene An navok ako mamulhirugusigik, henaruk hobaluk wagagup ako henape wenggeles. Henape wenggebaluk, henomaduk mbobagu dogomundik, wene hunggugup akoat des erogo vagago dogovovok yiluk yukheraliga. Eke, hiren henanye erogo hiniluk okhedegetek halok andi, ap onggop wagiluk wandiga hak, An hinunggut hinigik, supuk erogo hit Saridis menda anggin henovaga bigigagiluk henadema wasogon.


Lean sinn:

Sanasan


Sanasan