Lukas 21:25 - ALA WENE HIVIS DIRUP WATUGWA

²⁵ Yugirigya lagagirik, ambi yugirigya dugwit, “Hinilup arovovok yiluk, mo il inim, saut inim, dadiwap inim, andi mondok elokwe adik ogagya hagup. Eke, o wen vaga yoma is laut yanggadek ane ombok iri dugwit, mondok mogoliluk ogagya halok, it avakwa ininis unggul adik-adik ovok erogo, ‘Yi nggarogo ogarit wandiga wi!’ yiluk, enendawi mondok obak arugup.

Lukas 21:25 Iomraidhean Croise

Matius 24:29

Wene ambi inim yugirigya dugwit, “Heneyave anggin-mbanggin ako henovaga okbigigu dogomwima, ndugwis ambi inim welagatek, ‘Mo il hwis iris, saut abya dek agya, dadiwap mbogot vaga en wen vaga wambu wagya, it mbogot vaga enanye werek menda ako, yukul-wadok iris, ogarugwi o.’

Matius 27:45

Yugugu lagagwama, o dingga jam 12 vaga yi awi ndi awi andoma, o hup agagi hegek, mbikit jam 3 howam vaga o awiya agagi.

Markus 13:24

Yugirigya lagagirik, “O andi vaga anggin-mbanggin ako okbaluk, ‘Mo il hwis iris, saut abya dek agya,

Markus 13:26

ogagya hegek, An Ap-At Endaklagagis ako mondok nabinak werek niris novagangge yikhedelok, nagayuk werek dugwit, hena anggelekma wambu wagya neyagup.

Markus 15:33

Anggadi wakbagu lagagwama, o dingga jam 12 vaga yi awi ndi awi andoma, o hup agagi hegek, mbikit jam 3 howam vaga o awiya agagi.

Lukas 21:24

Nin mbusinggarep vaga inituselok hambugwi, nin heda marogo avakwa ininis unggul adik-adik enamwa andoma bisa lagwi, ogarugup. Eke, it avakwa weram Yakuri dek menda en o Yerusalem inisok sovalogo bigik lagu dogogup. At Ala en, ‘It avakwa weram Yakuri dek menda andok dugwit, tahun anderogo o Yerusalem vagago dogosogom,’ imbitigi ako atma des yegetek hegek, sovalogo bigik lagu dogogup,” yiluk, yugeragagi.

Lukas 21:26

It mbogot vaga enanye werek menda ako yukul-wadok ogagya halok, it ap ovok erogo en yi menda ndi menda o wen vaga oklarit warup ako, ‘Yiat oklarit wagya higyo,’ yiluk, enalon en enendawi mondok obak arugup.

Lakbogogi Wene 2:19

Mbogot vaga eloma en elose adik-adik menda ogagya, o wen vaga yagamu en nggarogo ogarubuk menda ogagya, ogagya dugwit, enamuya inim, yuvuk ombok inim, hali abya inim, ogarisogon.

Wahyu 20:11

Anderogo inugu lagirik, Ala wene yugeraligama kursi sek ombok yanggwi mudu ovagak ako vaga At eyave horaik higi. Horaik hegek, wen-mbogot At elokwema eve degat agya lagama, andi okbaluk, hivis avoloma ambi ari wagya hegetek, mondok-mondok degat agya higi.