Lukas 21:23 - ALA WENE HIVIS DIRUP WATUGWA

²³ O andi hudi Ala en o wen vaga yoma anggin-mbanggin mondok eve iya erogo okbugu dugwit, it avakwa yi, aninis okbisagwirikmu, akwa enavula inim, eneyak idak wogerelagwi inim, hoda wulup meyan atma, enabwa.

Lukas 21:23 Iomraidhean Croise

Matius 21:16

“It avyak yagalagwi yi ako, hat haruk hulisiga!” Yugugu lagagwama, At Yesus en, “Yu. Naruk hulisiga. Ala wene endak dirup warek ako vaga, ap ambien iri dugwit: ‘It avyak ao swi endago menda inim, ao idak nelagwi menda inim, hinis siyabagagu dogopwak yiluk, amor erogo okbogogin o,’ yiluk, yagagi ako, hit bikhegetek agipik yi?”

Matius 21:41

Yugirigya lagagimu, it akoen, “Dek o! Enasin wagya halok, it ap weyak adigat ako andi, mondok enarogo dek okbisiluk, enavoloma awi yagagi malogo dugwit, enggen mbalup amor agyaim enggen mbalogo wogugu dogopwak yiluk, ap adik ambi mondok okbisayogon o,” yiluk, yugogogwa.

Matius 21:44

It avakwa helep andi vaga yakhiduguselok, eneyave yungguk-bogok erogo wambusogom, eke helep andien avut endenogo avakwa enovaga sopabugu halok andi, eneyave mondok ilumukmut erogo okbugu dugwit, huvuwelanggen ovagak okbisayogon o,” yiluk, yugeragagi.

Matius 24:19

“O andi hudi anggin iya agya halok, it akwa enavula inim, eneyak idak wogerelagwi inim, hoda wulup meyan atma, enabwa o.

Markus 13:17

O andi hudi anggin iya agya halok, it akwa enavula inim, eneyak idak wogerelagwi inim, hoda wulup meyan atma, enabwa o!

Lukas 19:27

Eke, it ninim ogorek dugwit, “At nenasin inis ombok akluk, o yoma vagago dogop, nenanggon,” yagao ako andi, woginiviluk wagu dogomundik, nil neyagek, enares,’ yugeragagi,” yiluk, Yesus en avakwa ako yugeragagi.

Lukas 19:43

“Hirenen ‘Ala yogak yiat nenadema waga o,’ yiluk, yedok hegetek atma, henamwa Yerusalem en wunggu hinisaoen, it hinim ndup ogorek en eve helep leget walinogo bugugwis, eloma-yoma en, yumu-yagamu en, ndup okhinivuguluk, horok ari wagwi, ogagu dugwit, henawi helep vaga valek yi, helep ovaga dambuk ogarek iligik andi ambiat ogo dogosogonbuk. Masalogo bagu dugwit, Ala yi hudiat nenadema waga o, yiluk, yedok hegetek atma, habut-hogwa hinim ovok erogo mondok degerogo bigigaup vage vanggo yi warugwi o,” yiluk, yugeragagi.

Lukas 23:29

[Anggin henovaga arisogon atma,] it avakwa en yugu dugwit, ‘Akwa wimbu inim, eneyak betelagwidek inim, idak wogerelagwi inunggut inim, enadenggen ombasagwi o,’ yiluk, yugu dogop hudi wasogon, yukheraliga.”

1 Korindus 7:26

O yogak anggin-mbanggin wisane nenovaga werekma, an nendawi en, “Hit yogak nggarogo agipik ako andi, anderogoat dogop,” ombasiga.

1 Tesalonika 2:16

It ako andi, avakwa weram Yakuri dek menda Ala en enagap wendarup wene, nit yugurugu dogoguven yiluk, sup manggalogo bininilagwi halok, it weyak ambi lambok adigat ogarit wagusigik, “Andi hudi ari labuk,” vaup bagoma ako ari lagya halok, Ala aninis avakwa enovaga bisaliga ako ndatak, yogak ogo aninis mondok it enovaga bisaliga o.

Iberani 13:16

Eke, anderogo ogagu dugwit Ala ake warogo wogisagwi hak, At ake avakwa sek okbugwis, yonggar-inipwis, ogagu niniselok, Ala endawi sek nenombasiga atma, hinunggut erogo babuk. Ata, okbisilin nagu dogones.

Yakobus 5:1

Hit ap hininggis werek yi, henaruk hunggu dogwes. Hit iduven yagan wakhidugu dogop vage vanggo yi wandiga atma, yup-na yugu dogwes.

1 Peterus 4:17

At Ala en nit yi ap ndi ap ovok erogo nenowak dilnenavup vage amor ari wagarikmu, nit Ala aburi endak nenowak dinggu dugwit, At ane yugup wane-wane ogagetek dogosogom halok, onggo nenovaga bininayogon atma, it Ala wene Sek Wene ako mondok wegetek iniselok andi, enowak dinggitek hekbisayogon ombasagwi? Dek o. Enowak dilogo baluk, onggo anggin mondok iya erogo okbisayogon.