Lukas 21:19 - ALA WENE HIVIS DIRUP WATUGWA

¹⁹ henendawi wadokdek dogomwi vaga Ala en henagap wendarisogon,” yiluk, yugeragagi.

Lukas 21:19 Iomraidhean Croise

Matius 10:22

Avakwa ovok erogo adem An nane wagagup vaga enanggon adigat henombarusogom ovara, o hivis atok vaga henendawi wadokdek dogomwi halok, henagap wendakhinivugwi.

Matius 24:13

Anderogoat ari warugwi ovara, o hivis atok vaga henendawi wadokdek dogomwi halok, henagap wendakhinivugwi.

Lukas 8:15

“Eke, awi wen mudis vaga wombagagi ako andi, it avakwa wene hobaluk enendawi eve sek vaga wugu lagarwik, hunik adigat ogagu dugwit, enggen yiliga ako aro,” yiluk, yugeragagi.

Oroma 15:4

O muk endak Ala wene yagagi dirup watugwa ako andi, nit bikhugu dugwit, nenendawi horaik welagwi, nenendawi adenggen umbutwi, ogasagwi andien, “Nenape wenggelek agurik ako, avyarat hedasogom,” yiluk, dirup watugwa.

Oroma 2:7

It avakwa ninen sek umbutu dugwit, “Ala en At abinak menda woknirigya, nenagayuk wutu, iniluk mondok dogop menda woknirigya, ogarupwak ai,” yiluk, enendawi sagain vaga hora yiluk, mbup yegetek sek adigat ogarit lendagwi. It avakwa anderogo ogasagwi ako, Ala en iniluk mondok dogop menda wogerayogon.

Oroma 5:3

Andi vaga adigat nenendawi adenggen ombasagwidek. Ata, anggin-mbanggin okbininelagwi andi, nenendawi wadokdek dugwit wugu dogopwak yiluk nenovaga asiga andi ninilup atma, okbinunggusigik, nenendawi adenggen wisane ombasagwi.

Oroma 5:4

Nenendawi wadokdek dugwit, welagwi andi vaga nenavut mbanggya hegek, Ala en, “At yi endawi sagain segat higi,” nenombasiga. Nenombasiga andi vaga, nit akoen, “Ala en wokninivisogon avyarat higyo,” yiluk, nenape mondok wenggelek-at agurik.

Oroma 8:25

Ovara, ninil hegetek menda hasogom yiluk, nenape wenggelek agurik halok, nenendawi mondok hora yiluk, sok helagwi.

1 Tesalonika 1:3

Hit Yesus ovaga vanggabaluk avyarat umbutu dugwit ogarit lagwi, avakwa henendawi hunik en sek okbigik lagwi, eke, Nenowa Inis Ombok Yesus Keretus Ala en denogo lakba wagagi ako vaga vonggabaluk wenggelek werekma, anggin henovaga agya hegek henendawi wadokdek dugwit wugwi, ogasagwi ako andi, o ndugurek-ndagarek nenape wenggelek dugwit, Nenasin Ala yugisagwi.

2 Tesalonika 3:5

At Ala en yi avakwa ndi avakwa endawi hunik oginivisiga ako hinilup okbugugu, eke, Keretus anggin-mbanggin ovaga agya hegek, endawi wadokdek dugwit wogogi ako ndatak, hit ogo anderogoat henendawi wadokdek dugwit wugu dogovovok yiluk, okbugugu, Nenowa Inis Ombok en ogagya dogopwak o.

Iberani 10:36

Ala wene vaga dirup ambi yerogo warek agarik: “At warup ako andi, aburuk erogo dukluk warisogonbuk. At mbikirat warisogon atma, it An naburi enendawi eve sek adigat akoen enendawi novaga vanggabaluk avyarat numbutuselok andi, iniluk-at dogosogom o. Eke, it avyarat nombasagwi ako hekbanungguselok andi, An sek enombarisogonbuk,” yiluk, dirup warek agarik atma, Ala en hit ogagu dogop hinimbitigi ako, mondok ogagu hiniselok, wokheraup yagagi ako wokherapwak yiluk, weyak okhinipusigik ovara, henendawi wadokdek dugwit, wugu dogones.

Iberani 6:11

O hivis vaga ogarup nenape wenggelek agurik ako, “Avyarat woknerayogon o,” yiluk, wene andi vaga henape wenggelek dugwit, henendawi mondok adenggen wisane erogo henadigetap atok weralogo musek lagu dogop, “Ai,” adigat hinumbutu dugwit, yukherelagwi.

Iberani 6:15

Yugugu lagagimu, Averakam en, “Avyarat woknisogon o,” yiluk, endawi mondok hora yiluk, abyam welagagimu, avok yugogogi akoat wogogi.

Yakobus 1:3

Hit avyarat umbutu hiniselok, henavut mbalisiga atma, anggin-mbanggin henovaga agya hegek, henendawi horaik dugwit, “Nenendawi wadokdek dogopwak yiluk, okninipu higi,” yiluk, adenggen umbutu dogwes.

Yakobus 1:4

Anggin-mbanggin henovaga agya hegek, hit henendawi wadokdek horaik dugwit ogagu dogosogom halok, hit henendawi hoda okhinipu, eke mondok sek okhinipu, henendawi werek okhinipu, ogagya dogosogon o.

2 Peterus 1:6

Eke, yi wene ndi wene hinilup okhidugu dugwit, henendawi werek okhidugu dogones. Eke, henendawi werek okhidugu dugwit, anggin henovaga agya hegek, henendawi wadokdek dogop okhidugu dogones. Eke, henendawi wadokdek dogop okhidugu dugwit, Ala endawi ombasiga menda ogaruguluk, okhidugu dogones.

Wahyu 1:9

Hit anggin-mbanggin henovaga bugugusigik ovara, “Ala avema bininggigi atma, sek aro,” yiluk, Yesus hinim hunik henendawi wadokdek dugwit, welagwi. An henaswe Yohanes ogo, anderogo wane-wane anggin-mbanggin okbanunggusigik, wigya lagagis. Andi, anen Ala wene yukhirigya, eke, Yesus wene iri lagagi ako vagalogo yukhirigya, ogasiga ako vaga, ilim is enggema o inis Vatmos bani wagagwa andoma welagagis.

Wahyu 14:12

Iris ako naruk hunggu lagima, At ane yuknugu akoen, “It enendawi Yesus ovaga vanggabaluk, At ane ndatak ogarit lagwi, eke, Ala en, yerogo ogarup nderogo ogarup, yagagi wene des erogo musek lagwi, ogasagwi At aburi ake denek ako, edup-mbedup enovaga bisasogom. Edup-mbedup enovaga bugusigik ovara, enendawi wadokdek dugwit, wugu dogopwak o,” yiluk, yuknugu higi.

Wahyu 3:10

Eke, ‘Hit henendawi wadokdek horaik dugwit ogagu dogones,’ yiluk, yukheragagis ako, hobaluk des erogoat ogasagwi atma, hivis yi avakwa ndi avakwa wen vaga agarwik ovok erogo enavut mbaligen yiluk, anggin-mbanggin enovaga bisa warup ako vaga, hit An naburi andi, henovaga arugwi en yiluk, Anen hinim dogosogon.