Lukas 21:17 - ALA WENE HIVIS DIRUP WATUGWA

¹⁷ Eke, An ninis wagagup vaga avakwa ovok erogo enanggon henombarusogom ovara,

Lukas 21:17 Iomraidhean Croise

Matius 10:22

Avakwa ovok erogo adem An nane wagagup vaga enanggon adigat henombarusogom ovara, o hivis atok vaga henendawi wadokdek dogomwi halok, henagap wendakhinivugwi.

Matius 24:9

“O andi hudi it avakwa en hit heneyave vagarogo henovaga idup-mbidup okbigiluk, henarupwak yiluk, wogurugwi, it avakwa ininis unggul adik-adik en hit An nane wagagup vaga, enanggon hinumbutwi, ogarugup.

Matius 5:11

“Hit ao dek hinigik, it navi-navi anggin-mbanggin oginipu lagagwa ako hak, hit ogo An woknembetep vaga avakwa en wiyiknom-weyaknom okbugugwis, anggin-mbanggin okhinupwis, enane huluk adigat henovaga bugugwis, ogaguselok, henendawi adenggenat umbutu dogones o. Henangge hagalwik mbogot vaga wisane agarik atma, henendawi sek dugwit, hai watu dogones o,” yiluk, yugeragagi.

Markus 13:13

Adem An nane wagagup vaga it avakwa ovok erogo enanggon-at henombarugup ovara, o hivis atok vaga henendawi wadokdek dogomwi halok, henagap wendakhinivugwi o,” yugeragagi.

Lukas 21:16

Hinisai-henasini inim, henowa-henaot inim, henowa-henasin inim, henaswei inim, it akoen wokhiniviluk ap enowak dilisagwima bigiga lagwi, hit nin henatwis, ogarusogom.

Lukas 21:18

hinirisenggen ambiat ogo bolarugwi mondok dek atma,

Lukas 6:22

It avakwa yi, enombawi en navi-navi weyak okbugu lagagwa ako ovagak, An Ap-At Endaklagagis ako nane wegep vaga enanggon adigat hinumbutu dugwit, ‘Hit nit menda dek,’ yiluk, hekbugugwis, wiyiknom-weyaknom erogo bugugwis, ‘Ap yi weyak o,’ yiluk, hininis sovabugugwis, ogaguselok, henendawi adenggen umbutu dogogup. Henangge hagalwik mbogot vaga wisane agarik atma, anggin anderogo okbuguguselok, henendawi adenggen en agasogot wugu dugwit, ndawi luvuk yugu dogogup.

Yohanes 15:19

Hiren it avakwa o wen vaga yoma agarwik ako menda duklip en, iren, ‘Nit menda aro,’ yiluk, vage enendawi hunik okhinivilip ovara, hit it menda dekma, eke, it ako inigik, An denogo bigigis atma, enanggon henombasagwi.

Yohanes 15:21

At lakbani wagagi ako it inunggutmu, weyak okhinivusogom ako andi, adem An vaga-at okhinipu dogosogom.”

Yohanes 17:14

Wene yuknigigin ako An vage yugeragagis. Eke, An it avakwa wen vaga menda dek ako hak, it Hat woknigigin ako ogo, wen vaga menda dek. It wen vaga menda dekma, it wen vaga menda en, Hat woknigigin ako enanggon enombarisagwi.

Yohanes 7:7

It avakwa en hit enanggon henombarusogombuk ovara, An andi, it avakwa ogasagwi andi, ‘Hit weyak ogasagwi,’ yiluk, vagalogo yugeraligama, enanggon adigat nombasagwi.

Lakbogogi Wene 9:16

Eke, at Saulus ako, An ninis yugeregek lagyaim, anggin-mbanggin okbagu dogop ako Anen yugugu dogosogon,” yiluk, abi vaga yugugu hagagi.

2 Korindus 12:10

An nanyedek oknitya lagagimu, Ala en anye vaga okbaninggya hegek, nanye wisane dugwit ogarit landiga. An Keretus ake yiluk, ogagya dugwit nanyedek oknitya hegek, wiyiknom-weyaknom erogo banunggwi, yi weyak ndi weyak okbanunggwi, enaninis en anggin-mbanggin okbanunggwi, “Nggarogo ogaruk,” yiluk, nendawi anggin okbanunggwi, ogagusigik, “Sek adigat okbanilagwi o,” yiluk, nendawi seyalek adenggenat agirik.

2 Korindus 4:11

Nit niniluk dugwit, Yesus ake ogasagwi vaga avakwa hutun-howam neneyave ninirisagwi. Andi vaga en, nit neneyave hambisagwi yi vaga Yesus hambigya lagagirik iluk agagi ako yedok hasogom.

2 Korindus 4:5

“Nit ap iya o,” yiluk, ogasagwi menda mbilinogo yukherelagwidek. Ata, “At Yesus Keretus andi, Nenowa Inis Ombok atma, At adigat mondok iya,” yiluk, yukherelagwi. Eke, nit ogo, “Yesus ake yiluk, hit henayeloman aro,” yiluk, yukherelagwi.

Pilipi 1:29

At Ala en henabwa imbita dugwit, ogarup imbitigi ako andi, hit henendawi Keretus ovaga vanggabaluk avyarat ombarovovok yiluk adigat imbitigibuk. Ata, At Keretus inis wogogup vaga anggin-mbanggin inim havovok yiluk imbitigi.

1 Peterus 4:14

Hit Keretus ane welagwi menda atma, it avakwa ninen wiyiknom-weyaknom erogo okhinipuselok, “Ala Averiniki mondok siyalek agarik ako nit nenovaga agarik halok, yuknirugu selagwi,” yiluk, henendawi adenggen umbutu dogones.

Wahyu 2:3

Eke, An ninis adigat yi awi ndi awi wigak yupwak yiluk, ogarit lendagwi andi vaga anggin-mbanggin okbigigik lagusigik, henendawi wadokdek hora yiluk wugu dugwit, sakdida okhinipu hegek mondok hunik adigat ogarit lendagwi ako andi, An nilup.