Lukas 21:16 - ALA WENE HIVIS DIRUP WATUGWA

¹⁶ Hinisai-henasini inim, henowa-henaot inim, henowa-henasin inim, henaswei inim, it akoen wokhiniviluk ap enowak dilisagwima bigiga lagwi, hit nin henatwis, ogarusogom.

Lukas 21:16 Iomraidhean Croise

Matius 10:21

“Aswe en aswe-at warupwak yiluk, vagago wogirigya, asin en abut warupwak yiluk vagago wogirigya, eke enaburi en enasin-inisa inim ogot baluk inirupwak yiluk, wogurugwi, ogarusogom.

Markus 13:12

“Aswe en aswe-at warupwak yiluk, vagago wogirigya, asin en abut warupwak yiluk vagago wogirigya, eke enaburi en enasin-inisa inim ogot baluk inirupwak yiluk, wogurugwi, ogarugup o.

Lukas 12:53

Inim ogorek dugwit, asin en abut inim ogorek, abut en asin inim ogorek, isa en eyak inim ogorek, eyak en isa inim ogorek, ombak en, abut inim ogorek, abut en, ombak inim ogorek, inisagup,” yugeragagi.

Lukas 21:15

Anen henendawi werek okbugugu dugwit, wene ngga yugeraup yukheramima, yugurugu hiniselok, it hinim ogorek ako onggo yukhirugwi, henane sovalogo bagwis, okbigigasogombuk.

Lukas 21:17

Eke, An ninis wagagup vaga avakwa ovok erogo enanggon henombarusogom ovara,

Lakbogogi Wene 12:2

“At Yohanes owa Yakobus ako, yaga vaga wares,” yiluk, yugirigya lagagimu, watu lagagwama, hombagagi.

Lakbogogi Wene 7:59

helep vaga watusigik, at Sepanus akoen, “Nasin Yesus wai, an nendawi woman o,”

Wahyu 12:11

It nenaswei Ala aburi ako andi, ‘Ninirup halok sek aro,’ yiluk, inugutek dugwit Sile aburi en initao, Wam Ndomba Eyak amuya winggigi ako enendawi andi vaga vanggabaluk dugwit, Yesus wene iri lagagi ako vagalogo yugeregek nagwis vaga, Sile sovalogo bagao.

Wahyu 2:13

Hit at Sile anye werek dugwit o vagago agarikmu agipik andi An nilup. Sile vagago agarikmu akoma agipik ovara hegek, An nane wogogup ako mondok vagago agipik. Eke, An nabut ambi nane des erogo wokbaluk hutun-howam yugeregek lagya lagagi inis Andipas ako, watugwa. Hit henanggelekma Sile agarikmu henawi kota andoma-at watugwa. Watu lagagwama, hit henendawi avyarat ombakluk, An nane wogogup ako, ‘Musek laup nenanggon o,’ yiluk, yup ovara, dek. ‘Nit Nenowa Keretus atma, At ane wigyo akoat mondok vagago dogosogom o,’ yiluk, yugu hinigis.

Wahyu 6:9

Andi okbaluk, Ndomba Eyak akoen heda 4 marek visinggu lagarik, ambi marek ako visinggu higi. Visinggu lagama, it avakwa Ala wene wokbaluk, Keretus awene mondok des erogo vagalogo yugeregek laguselok, initu lagagwa ako, enanggela Ala ake warogo hali hunisagwima avema andenam inigis.