Lukas 21:12 - ALA WENE HIVIS DIRUP WATUGWA

¹² Anderogo ovara, ogagetek hegek, ap en hit vakbigigiluk, edup-mbedup okbugugwis, it ap Yakuri samban ogasagwima bigiga lagwi, lembaga mabugugwis, eke, An nane wagagup vaga it ap ininis werek inim, it ap ombok-ombok inim, enadema wokhiniviluk lagwi, ogarusogom.”

Lukas 21:12 Iomraidhean Croise

Matius 22:6

Eke, it ninen, at ayelomani yonggo lakbogogi ako, eneyave vakbisiluk, enanggadi warinipu dugwit, initugwa.

Matius 24:8

akwa eneyak endaruguluk yavul wasagwi hak, anderogo wane-wane andi menda ovok erogo endak ogagya hagup o.”

Lukas 21:11

Ogagusigik, o wadok mondok ombok wisane ogagya, yi awi ndi awi erom uvup agya, o yi awi ndi awi adwanggak wisane oklagya, eke, mbogot vaga mondok enalon werek menda ogagya, hinilup arup elose adik menda ogagya, ogagya hagup.

Yohanes 15:20

Asin sovalek hegek, ayeloman siyalek agarikbuk, yiluk, yukheragagis ako dibas. It wen vaga menda en An weyak okbanunggu lagagwa atma, hit ogo, anderogoat weyak okbugugu dogosogom. Eke, it ninen An nane wugu lagagwa halok, hit ogo, henane wugu dogosogom.

Yohanes 15:21

At lakbani wagagi ako it inunggutmu, weyak okhinivusogom ako andi, adem An vaga-at okhinipu dogosogom.”

Lakbogogi Wene 22:30

Nogo yiluk, hutun ap enayegen werek enasin akoen, “It Yakuri menda nggarogo yiluk enane ovaga lobalogo bagao des erogo nilup arisogon,” imbita dugwit, Paulus visilogo hekbagya lagagirik, it ap imam-imam enasini inim, it wene amburup mbalisagwi menda inim, homari warupwak yiluk enayonggo bagya lagagimu, homari wagagwarikmu, Paulus ako wolok, enadema ilim mendok okbagagi.

Lakbogogi Wene 5:40

Yugirigya lagagimu, it wene amburup mbalisagwi menda en, “Avyarat yagas,” yiluk, it lakbigik menda ako, yanggup yugeragagwa wagu lagagwama, yugurugu dugwit, “Yesus inis avakwa yugeregek laup mondok moga o,” yiluk, yo nabirok initu lagagwarik, wibogogwa.

Lakbogogi Wene 8:3

Ayup yagusigik ovara, at Saulus en it Ala aburi ako ap inim akwa inim dek okbisilin lagya dugwit, o ambima nunggwigya, nggigilogo bisa wulu wagya, ambima nunggwigya, nggigilogo bisa wulu wagya, ogarit wogonombolok heda marogo lembaga mabiselagwima akoma bisa lagek ogagya lagagi.

Lakbogogi Wene 9:4

Wombaba wagya lagagimu, at Saulus ako wema ndun iri lagagimu, ane ambi yugugu dugwit, “Saulus, Saulus. Hat nggarogo yiluk anggin-mbanggin okbanilin landiga?” Yugugu ako aruk hunggu lagagirik,

1 Peterus 2:13

Nenasin Inis Ombok weyak erogo baguven yiluk, avakwa pemerintah menda mendek okbogogwa ako, enavema dugwit, enane des erogo hunggu dogones. Ap inis ombok winimen agarik Kaisar ako inim, eke at avema menda it avakwa sek ogasagwi ako siyabugwis, weyak ogasagwi ako anggin enovaga bugwis, ogagu dogopwak yiluk, mondok okbiselagwi ako inim, enavema dugwit, enane des erogo hunggu dogones.

Wahyu 2:10

At Sile en hit henavut mbaligiluk, avakwa enendawi nomalhinipu lagagimu, hit nin heda marogo mabiselagwima mabugugwis, eke nogo 10 vaga anggin-mbanggin okbigigasogom ovara, henalon habuk. Anggin-mbanggin anderogo okbugugusigik, hiren ‘Hambilaup sek aro,’ yiluk, An nane mondok vagago dogosogom halok, mondok-mondok hiniluk dogop menda nggudit-nggudit mendarek hak onggo yikbigigayogon o.