Lukas 20:9 - ALA WENE HIVIS DIRUP WATUGWA

⁹ Andi yugirigya lagagirik, wene wakhegek it avakwa wisane yugeragagi ambi yi: “Ap ambien anggur awi yatu lagagirik, enggen mbalogo nin it hidugwi, nin at wogugwis, ogagu dogopwak yiluk, at awen werek ako ap malogo dogomenda mondok okbisiluk, o adumu andoma ndugwis iya erogo dogomindik, wasogon yiluk, lagagi.

Lukas 20:9 Iomraidhean Croise

Matius 25:14

At Yesus en wene ambi inim yugirigya dugwit, “An warisogon ako andi, ap ambi o hunogoma lagiluk ogagya dugwit, at ayelomani yanggup yugirigya lagagimu, wagu lagagwama, at angge-angge vagago dogopwak yiluk, ininggimu bogogi ako ovagak.

Lukas 19:12

Yugirigya dugwit, “Ap inis werek ambi en, ‘An o adumu andoma lagya neyalok, ap ombok o yoma vagago dogogiluk mondok okbaninggya dogomwima, neyami vaga wasogon,’ yiluk,

Lukas 20:10

Lagagirik andoma dugwit, anggur enggen yugup ako mbalup amor ari wagya hegek, it at eyavup malogo dogopwak yiluk bisiluk lagagi akoen, enggen yugup nin at angge ako mbalogo woknirupwak en yiluk, ayeloman ambi enadema lakba wagagi. Lakba wagagi ako wagya lagagimu, it at eyavup yagoma malogo agarwik akoen ayeloman wagagi ako yo yawi vaga wakbagu lagagwarik, enggen mbalogo bagagwa ako wogigitek un ovadik eyami vaga lakbagagwa.”

Lukas 20:8

Yugugu lagagwama, At Yesus en, “Andi halok, An ogasiga yi ogo, saen yuknogogirikmu ogasiga andi yukherayogonbuk,” yiluk, yugeragagi.