Lukas 20:6 - ALA WENE HIVIS DIRUP WATUGWA

⁶ Eke, it avakwa ovok erogo, ‘At Yohanes andi, navi Ala en yugugu hegek yugeraliga menda’ ombasagwi atma, niren ‘Un avakwa en yugogogwa vaga ima wombabugu lagagi,’ yugugu niniselok, ayai! Helep vaga nenarusogom o,” yiluk, ir-it wene mbanggugwa.

Lukas 20:6 Iomraidhean Croise

Matius 11:9

Nano haguluk, lagep? Ap navi Ala en yugirigya hegek yugeraliga menda ambi haguluk, lagep? Avyak! Hit hegep ako andi, at navi ovara, it navi nin andi, un sovalek inigik, at ako andi, mondok eve iya-at hegep, yiluk, yukheraliga.

Matius 14:5

At Herodes akoen, “Yohanes wakbayogon,” imbitigi ovara, it avakwa en, “Yohanes andi, navi Ala en yugugu hegek yugeraliga menda,” yiluk, yagagwa ako aruk hunggu lagagirik, warup alon agagi.

Matius 21:26

Eke, nirenen, ‘Un avakwa en yugogogwa vaga ima wombabugu lagagi o,’ yugugu niniselok, it avakwa ovok erogo, ‘At Yohanes andi, ap navi Ala en yugugu hegek yugeraliga menda,’ yagalagwi atma, it nadok-hadok ogagu saoen, nit nggarogo yup erek, nenalon,” yiluk,

Matius 21:46

vagaruguluk ogagagwa ovara, avakwa wisane en, “Ap yi, Ala en yugugu hegek yukneraliga navi ako menda Arat higyo,” yiluk, yugu lagagwama, enalon en mbup yagagwa.

Matius 26:5

“It avakwa enane anggonggol hosek yugu saoen, isogo isagwi vaga vagarup andi dek,” yagagwa.

Markus 12:12

Yugirigya lagagimu, it imam-imam enasini inim, it Ala wene vagago welagagwa menda inim, it ap ombok-ombok inim, enaruk hunggu lagagwarik, “Wene wakhegek yi nit niniselok, yagaliga ai,” yiluk, yedok hugu lagagwarik, vagaruguluk ogagagwa ovara, avakwa wisane iniselok, enalon en hekbaluk lagagwa.

Lukas 1:76

Iri lagagirik, Sakaria en at abut Yohanes yugugu dugwit, “Hat nabut yi, Nenasin ogarit lagya dogop sup yarit lagya dogonyok yiluk, hendak lagya dugwit, Ala en avakwa enomaduk degerogo bugu vaga, enagap wendarisiga wene ako, inilup arupwak yiluk, yugeregek lami vaga hinis, At Mondok Siyalek Adigat Agarik Ane Yugeraliga menda hat yi aro, yiluk, yukhugu dogosogom.

Lukas 20:5

Yugirigya lagagimu, ir-it wene mbanggu dugwit, “Niren, ‘Ala mbogot vaga menda en yugogogirikmu ima wombabugu lagagi,’ yugugu niniselok, Aren iri dugwit, ‘Eke, andi halok, hit hinilup helan, nggarogo yiluk at avyarat embetetek welagagup?’ yuknerayogon.

Lukas 20:7

Wene mbanggu lagagwarik, At yugugu dugwit, “At Yohanes ako, saen yugogogi vaga ima wombabugu lagagi ako nit ninunggut,” yugogogwa.

Lukas 7:30

Anderogo ovara, it ap Varisi menda inim, Ala wene vagago welagagwa menda inim, it ako andi, Yohanes en it ima wombabininaup nenanggon umbutugwarikmu, Ala en it ogagu dogop inimbitigi ako ogo mbobagagwa.)

Yohanes 10:41

Andenam werekma, avakwa wisane At adema wagu lagagwarik, “At Yohanes en ninilup arup nenalon werek menda ogagya lagetek ovara, aren At Yesus yi, avok yuknirigya lagagi ako andi, avyarat yuknirigya lagagi higyo,” yiluk, yagagwa.

Lakbogogi Wene 5:26

Yugirigya lagagimu, ap Ala awi valek malogo welagagwa menda enowa aori inim en it lakbigik menda ako woginivi lagu lagagwarik, “Avakwa en helep vaga ninitu saoen,” yiluk, enalon en inititek eneve enewogo-at wogonombolok wagagwa.