Lukas 20:26 - ALA WENE HIVIS DIRUP WATUGWA

²⁶ At wene yugeragagi ako vaga avakwa inivaga wene ambi yidilogo ovaga baup meyan halok, un, “Wi!” yiluk, mbup yagagwa.

Lukas 20:26 Iomraidhean Croise

Matius 22:12

yugugu dugwit, ‘Avyak. Ap hwa hidigyaim, isogo naguluk, enasum yikhedelagwi menda ako hat yikhedegetek nggarogonggan nunggu wagen?’ Yugugu lagagimu, ap ako anedek mbup yagagi.”

Matius 22:22

Yugirigya lagagimu, enaruk hobaluk, “Wi!” yiluk, vok yugu lagagwarik, Yesus hekbaluk wunggugwa.

Matius 22:34

It ap Varisi menda en Yesus ap Saduki enane sovanggigi enaruk hunggu lagagwarik, homakbaluk,

Matius 8:10

Yugogogi ako At Yesus aruk hunggu lagagirik, “Wi!” yiluk, vok yagagi. Vok iri lagagirik, At inim nelagwi ako yugirigya dugwit, “It Iserali menda enanggelekma en ap weram Yakuri dek menda yi, endawi mondok avyarat nombasiga yerogo An ambi hinisaligadek, yiluk, avyarat yukheraliga.

Lukas 13:17

Anderogo yugeragagi vaga At inim ogorek welagagwa ako enanggadi erogo bogogi ovara, it avakwa ninen At Yesus eve iya nggarogo ogarubuk menda ogarit lagya lagagi ako vaga enadenggen umbutu lagagwa.

Lukas 20:20

It Ala wene vagago welagagwa menda inim, it ap imam-imam enasini inim, akoen Yesus inil wolok nagu dogopwak yiluk, enaori lakbogogwa. Enaori lakbogogwa akoen, “Nit ap avyarat nenombarupwak,” ombakluk, enane enagavoval yagan nagu lagagwa. Enane enagavoval yagan nagu dugwit, “Yesus ane yupum-ndupum yimi vaga yidibaluk, eyave vagarogo at Gubernur akoen awene mbalup at ovadombok atma, awene mbalupwak yiluk, balasogom,” umbutugwa.

Oroma 3:19

Andi halok, Ala en, “Yerogo ogarup, nderogo ogarup,” yiluk, wene Musa yugogogi ako ovok erogo it wokbaluk ogasagwi andi, it enake yugeraliga, andi nit ninilup. Eke, it yi ap ndi ap o yoma agarwik ovok erogo enane degerogo bisiluk, “Nit ovok erogo weyak ogasagwi onggo okbininayogon higyo,” yiluk, yedok hapwak yiluk, wene Musa yugogogi helagwi.

Titus 1:10

Ap enane, “E o,” yiluk, hunggitek dugwit, enane amburup nditik yagan nagwis, avakwa enambukmu unggwi, ogasagwi andi, it eneyave wisane ovara, it Yakuri menda ninen huluk wene yugurugu dugwit, ‘Henagap wendarupwak yiluk, henagamut mbales,’ yiluk, yagalagwi menda andi, eneve iya iren ogo anderogo ogarit nelagwi.