Lukas 20:16 - ALA WENE HIVIS DIRUP WATUGWA

¹⁶ Dek. At wagya dogomindik, it eyavup malogo welagagwa ako enarogo bisiluk, enavoloma it ap hunogo menda malogo dogopwak yiluk, mondok okbisayogon o,” yiluk, yugeragagi. Yugirigya ako it avakwa hunggu lagagwarik, [wakhegek andi it Iserali menda enavok iri halok, anderogo okbininaup ai, yiluk,] “Anderogo ogarup moga o, Nenasin,” yugogogwa.

Lukas 20:16 Iomraidhean Croise

Matius 21:34

Lagya lagagirik, andoma dugwit, anggur enggen yugup ako mbalup amor ari wagya hegek, it at eyavup malogo dogopwak yiluk bisiluk lagagi akoen enggen yugup nin at angge ako mbalogo woknirupwak en yiluk, ayelomani enadema lakbisa wagagi.”

Matius 21:41

Yugirigya lagagimu, it akoen, “Dek o! Enasin wagya halok, it ap weyak adigat ako andi, mondok enarogo dek okbisiluk, enavoloma awi yagagi malogo dugwit, enggen mbalup amor agyaim enggen mbalogo wogugu dogopwak yiluk, ap adik ambi mondok okbisayogon o,” yiluk, yugogogwa.

Matius 22:7

Initao yugwi ako, at ap inis ombok ako aruk hunggu lagagirik, aninis wisane en aori enayegen werek lakbugu lagagimu, ayelomani initugwa ako enarogo bugwis, enawi hali bagwi, ogarit lagagwa.”

Markus 12:9

Yugirigya lagagirik, “At it enasin awen werek akoen nggarogo oginivisogon embetep? At wagya dogomindik, yavup malogo welagagwa ako enarogo bisiluk, enavoloma ap adik menda malogo dogopwak yiluk, mondok bisayogon o.

Lukas 19:27

Eke, it ninim ogorek dugwit, “At nenasin inis ombok akluk, o yoma vagago dogop, nenanggon,” yagao ako andi, woginiviluk wagu dogomundik, nil neyagek, enares,’ yugeragagi,” yiluk, Yesus en avakwa ako yugeragagi.

Lukas 20:15

avyak ako wagya lagagimu, eyave yavup yagoma en haryogo weram wibaluk, mondok min-at watugwa,” yiluk, wene andi Yesus en wakhegek yugeragagi. Wakhegek yugirigya lagagirik, ambi yugirigya dugwit, “Andi ogagagwa ako at enasin awen werek ako en it ap andi, nggarogo okbisami embetep?

Lakbogogi Wene 13:46

Wiyiknom-weyaknom yugugusigik, it Paulus Mbarenabas enalon dek yugurugu dugwit, “Ala wene hit Yakuri menda henendak yukheraup ovara, ‘Nit niniluk dogop wene andi, waup ndak dek o, yiluk, nenanggon,’ yegep atma, hit hekbigiluk, it weram Yakuri dek menda akoat yugeregek nagu dogosogon.

Oroma 11:1

Anderogo atma, an wene ambi hemethinisayogon. Ala en At aburi endak miginipigi ako, mondok-mondok hekbogogi ombasagwi? Mondok dek. An ogo Iserali menda aro. An nombao Averakam atma, ninis unggul andi, Mbenyamin menda aro.

Oroma 11:11

Anderogo atma, an ambi inim hemethinisayogon. It Iserali menda en inisogavit himbit nggwis erogo ndun yagagwa ako Ala en hivis woginivup dek mondok ambukmu hekbogogi ombasagwi? Andi dek. It Iserali menda Ala wene saganggugwa vaga Ala en it weram Yakuri dek menda enagap wendatya halok, iren, “Nit ogo nenagap wendarup ovara, it adigat wendarinivisiga, ai!” ombarupwak yiluk, okbogogi.

Oroma 3:31

Anderogo halok, nit avyarat ombasagwi andi vaga Musa wene ako degerogo belagwi ombasagwi? Dek o. Nit avyarat ombasagwi vaga wene andi anye erogo belagwi.

Oroma 3:4

Dek o. Okbisayogon aro! Ala wene endak dirup warek ambi vaga, Daut en iri dugwit: “Hat Ala hane iri heyagek, avyarat des erogo iri heyalagwi, Howak dinggusigik, wene hovaga bagaup mondok dek o,” yiluk, yagagi dirup warek wane-wane it avakwa ovok erogo huluk wene yagalagwi ovara, Ala ako andi, avyarat adigat yagaliga.

Oroma 3:6

Anderogo yubuk. At Ala en des erogo okbininelapuk en, nggarogonggan yi avakwa ndi avakwa ovok erogo Aren enowak dilinivup ombasagwi?

Oroma 6:15

Anderogo atma, nggarogo ogaruk? Musa wene ako, nit avema agurikbuk. Ata, Ala nenabwa en unat sek okbininggu hegek ogasagwi atma, nit weyak ogagu dogop sek ombasagwi? Mondok dek.

Oroma 6:2

Mondok dek aro. Nit weyak ogagu lagagup ako avakwa hambisagwi hak anye dek erogo bagagi hegek, nggarogo yiluk nit ambi inim weyak adigat ogarit lagu dogop ombasagwi?

Oroma 7:13

Eke, narogo baninggigi ako andi, wene sek akoen an narogo baninggigi ombasagwi? Mondok dek aro, naswei. Ata, an weyak ogarup okneraliga ako andi, weyagat yedok hagiluk, wene sek akoen, “Hit weyak ogagu hiniselok hambusogom o,” yiluk, yagagi ako vaga narogo baninggigi. Eke, “Ogarup moga,” wene ako andi vaga, “Weyak ogasagwi andi, mondok-mondok weyak,” yedok haguluk, yuknirigya helagwi.

Oroma 7:7

Andi halok, nit wene nggarogo yup ombasagwi? Ala wene Musa dirup watigi ako andi, weyagat ombasagwi? Mondok dek aro. Wene Musa yugiklipuk en, weyak ogasiga andi an nilup aklibuk. Eke wene andi vaga en, “Hogop-hogop adigat umbutu dogobuk,” yilipuk en, an hogop adigat ombasiga andi, an mondok nilup aklibuk.

Oroma 9:14

Anderogo ogagagi halok, nit nggarogo yuk ombasagwi? “At Ala atma nggedok ogasigadek ugun adigat ogasiga,” yuk, ombasagwi? Anderogo mondok dek.

1 Korindus 6:15

Hit heneyave andi, Keretus inggis-isok hak hunik agurik ako hinunggut a? Hit heneyave Keretus inggis-isok hak At eyave vaga hunik agurik ako, weralogo hwa yanenggek ovaga lobalogo betaup sek embetep? Mondok moga.

Nggalatia 2:17

Nit Keretus inim hunik dugwit, avyarat ombasagwi vaga Ala en “At yi, segat higi,” yiluk, woknenombapwak en umbutu dugwit ogasagwi. Anderogo ovara, nit ogagu dugwit, it avakwa weram Yakuri dek menda weyak ogasagwi wane-wane, nit ogo weyak ogasagwi menda sigam agya halok, “Adem Keretus vaga it weyak ogasagwi,” yup sek a? Mondok dek o.

Nggalatia 3:21

Andi halok, wene hobalek Musa yugogogi inim, eke, Averakam nggatuk erogo yugogogi wene inim, andi adem adik-adik ombasagwi? Mondok dek o, naswei. Nit niniluk dogop yiluk, “Yerogo ogarup, nderogo ogarup,” wene hobalek ambi duklipmu en, wene andi wokbaluk ogasagwi vaga Ala en, “At yi, endawi mondok sek o,” yiluk, yuknirigya duklip.

Nggalatia 6:14

Eke, an ako andi, yi ogarup ndi ogarup ogasiga ako wogobetaup mondok nanggon. Ata, Nenowa Inis Ombok Yesus Keretus yo winik vaga hombagagi ako adigat wogobaup andi segat. At yo winik vaga hombagagi andi vaga en, it wen vaga menda ogasagwi ako andi, it ogasagwi ako an ambi ogaru yiluk, yuknirup mondok dek. Eke, an ogo hombagagis hak nombasagwi atma, an yugeraup ako enaruk hulup mondok enanggon aro.