Lukas 20:13 - ALA WENE HIVIS DIRUP WATUGWA

¹³ “Ap lakbisa wagagi ako anderogo adigat okbugu lagagwama, ap awen werek akoen iri dugwit, ‘An nggarogo ogarik? An nabut nendawi hunik yi, lakbayogon. Lakbagya neyalok, at agayuk wutu dugwit wugu sami a, dek a?’ yiluk, lakba wagagi.”

Lukas 20:13 Iomraidhean Croise

Matius 17:5

Wene ao yugugu hegek, hena mudu amumulip menda akoen hwilak bugu hegek, hena anggelekma en ane ambi yugirigya dugwit, “An Nabut nendawi hunik nadenggen okneraliga ako yi atma, At ane henaruk des erogo hunggu dogones.”

Matius 3:17

Il higya lagagimu, mbogot vaga en ane iri dugwit, “Nabut nendawi hunik ako yi atma, nendawi adenggen wisane oknitya higi o,” yiluk, iri hagagi.

Lukas 18:2

“O kota ambima ap wene owak dilisiga menda ambi welagagi. Ap andien Ala alon imbita, eke, avakwa enane alon imbita, ogagetek-at welagagi.”

Lukas 18:4

“Yugugu lagagi ako ap owak dilisiga menda ako en endak anggon imbitigi ovara, yuguri lagek adigat ogagya lagagimu, hivis endawi wenggenggu dugwit, ‘An Ala nalon ombasigadek, eke, avakwa ogo enane nalon ombasigadek ovara,

Lukas 20:12

Lakbagagwa amwa lagya lagagimu, ayeloman adik ambi lakba wagagi. Lakba wagagi wagya lagagimu, at ako ogo, yo warogo wibagagwa.”

Lukas 20:14

“Lakba wagagi ako wagya lagagimu, it ap at eyavup yago malogo welagagwa akoen abut wagya inil hugu lagagwarik, ir-it wene mbanggu dugwit, ‘Abut mavorangge hedaup yi atma, mondok wakbaluk, mavorangge nirat hedasogom o,’ yiluk,

Lukas 9:35

hena anggelekma en ane ambi iri dugwit, “An nabut denogo bagagis ako yi atma, At ane des erogo hunggu dogones.”

Yohanes 1:34

Yuknogogi ako, an At nil higya lagirik, ‘Yi Ala Abut aro,’ yiluk, vagalogo yukheraliga o,” yiluk, yugeragagi.

Oroma 8:3

Musa wene ogasagwi vaga nenagap wendakhedaup ako, nenendawi endak menda en, “Ogarubuk,” yukneraliga vaga ogarup meyan halok, nenagap wendakhedaup andi degat helagwi. Anderogo hegek ovara, At Ala en imbitigi ako andi, nit weyak ogasagwi ako degerogo bapwak yiluk, At Abut ako avakwa wane-wane-at lakba wagagi. Lakba wagagirikmu, o yoma nit avakwa wane-wane ninimat dugwit, weyak ogarup hegek ovara, ogagetek welagagi vaga nit weyak ogasagwi ako degerogo bagagi.

Nggalatia 4:4

Anderogo werekma, At Ala en At Abut o wema yoma lakba warup imbitigi ako ovok vanggo yi wagya lagagimu, hwa ambien eyak At Abut endagagi. Endagya lagagimu, it Yakuri menda en Musa wene ogasagwi ako, At Abut ako ogo ogarit lagya lagagi.