Lukas 2:9 - ALA WENE HIVIS DIRUP WATUGWA

⁹ it Ala yonggo malaikat ambi yukdekma enadema mendok yi wagya hegek, Nenasin Ala awiya okbugu lagagimu, enalon wisane agagi.

Lukas 2:9 Iomraidhean Croise

Matius 1:20

“Hekbaik a, dek a?” yiluk, endawi ao wenggenggu dugwit nogo yuguma, abi vaga Ala yonggo lakbisa wandiga malaikat menda ambi at adema wagya lagagirik, yugugu dugwit, “Hat Yusup Daut ombao yi wai. Hwa Maria avula aga ako andi, Ala Averiniki vaga avula agarikmu, hanggon imbita dugwit hekbabuk. Hat hogwa andiat hedomano.

Lukas 1:28

Malaikat akoen Maria adema lagya lagagirik, at yugugu dugwit, “Narup Maria wa! Nenasin Ala habwa imbita dugwit, adenggen ombok erogo hovaga bagagas. At hinimat agarik o!”

Lukas 2:8

O Mbelekem horok andoma o hup weram harumu ap ndomba malenombogo werekma,

Lukas 24:4

Eyave dek halok, “Yi nggarogonggan oklaga?” yiluk, werekma, yukdekma ap mberen enasum mudu amumulip digavok ovagak yirik enadema mendek yi wagu sogogwa.

Yohanes 12:41

At Yesaya wene yugeragagi ako andi, o muk erogo Yesus ao wagetek hegek, Keretus hivis warisogon ako mondok siyalek agarik higya lagagirik, avok mbilinggu dugwit, yugeragagi.

Lakbogogi Wene 12:7

Ala yonggo lakbisa wandiga menda malaikat ambi, it kamar ilim akoma werekma, yukdekma mondok yi nunggwigya lagagirik, abya yevedogo bagya lagagirik, ombandu vikit inggis yogovet yugugu dugwit, “Peterus wai. Hodorogo mondok iru,” yiluk, ao yugugu hegek, inggis mbusi heda vaga mago ako endagen visilogo ndan yagagi.

Lakbogogi Wene 27:23

An Ala abut atma, avema dugwit, at eyavup ogasiga akoen yonggo lakbisa wandiga menda malaikat ambi hup ilikis nadoma lakba waga ako, yuknugu dugwit,

Lakbogogi Wene 5:19

Mabogogwarikmu o hup akoma werekma, Ala yonggo lakbisa wandiga menda malaikat ambi wagya lagagirik, lembaga sogop hurogo wibisiluk yugirigya dugwit,

2 Korindus 3:18

Anderogo atma, nit nenelose lovarek anderogo ambi agurikbuk. At Nenowa mondok abinak siyalek agarik avakwa inil hugu dugwit, “Wi,” vok yupwak yiluk, Ala awukagak ovagak nirat agurik. At Nenowa mondok abinak siyalek halok avakwa en, “Wi!” vok yagalagwi ako, nit ogo At elose wane-wane dogosogom yiluk, Ala Averiniki en nenandogon hologo binilin landiga ako, hivis atok vaga At elose wane-wane ombok erogo okbininayogon.

2 Korindus 4:6

At Ala en iri dugwit, “O hwiserekma awiya arupwak o,” yiluk, awiya ogagagi ako hak, Aren nit nenendawima awiya okninipigirikmu nit nenendawima andi, awiya-at agarik. Eke, Ala en anderogo ogagya dugwit, nit Keretus elose dibaluk, Ala mondok abinak siyalek agarik ako yedok hugu dogopwak yiluk, nenendawima awiya okninipigi.

1 Timotius 3:16

Ala wene wokbaluk nenendawi eve vaga ogarit lagu dogop wene mbauk hwilago welagagi ako mondok iya aro. Andi, “At ap-at ari wagya lagagimu, ‘Yi Ala abut,’ ombarupwak yiluk, Averiniki en sigam okbagagi. Sigam okbagya lagagimu, it malaikat en At eyave inil hugwi, At awene it weram Yakuri dek menda werekma yugeregek lagwi, It ap yi awi ndi awi ‘Yesus Ala abut avyarat ai,’ umbutwi, ogagu lagagwama, o segedokma abinak adigat agarikmu wolok inggigi o,” yiluk, yagalagwi menda ako mondok avyarat higyo.

Iberani 12:21

Eke mondok enalon werek menda Ala ogagagi ako, Musa higya lagagirik, “An ogo nalon en nowak dede okneraliga,” yiluk, yagagi.

Wahyu 18:1

Andi yuknugu lagama, malaikat adik ambi mbogot vaga en wambu wagya higi. At andi, ane anye mondok wisane dugwit, at abinak o wen vaga awiya wisane ogarit wambu wagya higi.

Wahyu 20:11

Anderogo inugu lagirik, Ala wene yugeraligama kursi sek ombok yanggwi mudu ovagak ako vaga At eyave horaik higi. Horaik hegek, wen-mbogot At elokwema eve degat agya lagama, andi okbaluk, hivis avoloma ambi ari wagya hegetek, mondok-mondok degat agya higi.