Lukas 2:14 - ALA WENE HIVIS DIRUP WATUGWA

¹⁴ “At mbogot winimen agarik Ala ako, inis siyabagu dogosogom o. Eke, o wen vaga yoma it avakwa Ala endawi sek enombasiga ako, enendawi ugun wadokdek dogopwak o,” yiluk, yagagwa.

Lukas 2:14 Iomraidhean Croise

Matius 21:9

okbagu lagagwama, ako vaga wagya hegek, it nin enendak wagwi, it nin ambetaga wagwi, ogagu dugwit, “Daut ombao yi, Wa! Wa! Wa! Hosana! Wa! Nenasin Ala inis vaga wandiga yi, inis siyabelagwi o! At Ala o mbogot winimen agarik ako, Wa! Wa! Hosana! Wa!” yiluk, enamitmit yagan wagagwa.

Lukas 1:79

it o hwiserekma dugwit, hambup enalon ombasagwi ako awiya okbugu, eke, ‘Sup enendawi ugun adenggen wadokdek dogop ako yi aro,’ yiluk, yuknirigya, ogasogon o,” yiluk, yugogogi.

Lukas 19:38

Ala inis siyabaik wagu dugwit: “Nenasin Ala inis vaga wandiga yi, inis siyabelagwi o! At mbogot vaga winimen agarik akoen, nenendawi dambubininggas atma, At Ala inis mondok siyabelagwi o,” yiluk, yagan wagagwa.

Lukas 2:13

Ao yugirigyama, it mbogot vaga menda eneyave wisane homago yukdekma homari wagu lagagwarik, at malaikat ako inim Ala inis siyabagu dugwit:

Lukas 2:15

Yugu lagagwarik, it malaikat akoen ap ndomba andok ako bisiluk, eneyami vaga mbogot vaga unggusigik, it ap ndomba andok akoma at ambien at ambi yugigik ogagu dugwit, “Nenasin Ala en oklaga yukneraga ako, o Mbelekem bikhelasogom.”

Lukas 3:22

Averiniki eyave swa suwa ovagak wigak yagan Yesus ovaga wambu wagagi. Ovaga wambu wagya lagagimu, mbogot vaga en ane iri dugwit, “Hat Nabut nendawi hunik atma, nendawi adenggen ogagya heyagi o,” yiluk, yugugu hagagi.

Yohanes 14:27

Henendawi anggin dugwit, henalon habuk. Henendawi ugun seyalek wadokdek adenggen dogovovok yiluk, okbigiluk layogon. It avakwa o wen vaga yoma agarwik en okbiselagwi hak, An anderogo okbigigaligadek. Ata, An nendawi ugun seyalek wadokdek adenggen agirik akoat okbigigaliga.”

Yohanes 17:4

An ogarup andok okbaninggigin ako, mondok atok weralogo ogagi atma, andi vaga o wen vaga yoma Hat hinis siyabagi.

Yohanes 3:16

“At Ala en yi avakwa ndi avakwa ovok erogo enabwa ombok erogo imbitigirikmu, At Abut adik ambengga Anat lakbani wagagi. Anderogo atma, it avakwa enendawi novaga vanggabaluk, avyarat numbutuselok, degerogo bisayogonbuk iniluk mondok-mondok-at dogosogom.

Lakbogogi Wene 10:36

‘Yi avakwa ndi avakwa ovok Nenowa Inis Ombok ako andi, Yesus Keretus ako, At vaga Ala ninim dambulogo bininaliga o,’ yiluk, Sek Wene ako nit Iserali menda ninilup arupwak yiluk, lakba wagagi ako hinilup aro.

Oroma 5:1

Anderogo atma, yogak nenendawi At ovaga vanggabaluk avyarat ombasagwi vaga At Ala en, “Ap yi, mondok sek aro,” yiluk, wokninivisiga atma, Nenowa Inis Ombok Yesus Keretus ogagagi vaga nenendawi ugun wadokdek seyalek Ala ninim hunigat agurik.

Evesus 1:6

At Ala nenabwa imbita dugwit, At Abut endawi hunik wokneragagi ako vaga, onggodek mondok iya erogo okbininaliga atma, nit At inis adup ogagu dogosogom o.

Evesus 1:9

“Keretus en anderogo okbisapwak o,” yiluk, endawi imbita lagagirik, hologo bagagi agose mbauk hwilago welagagi akoat vogalogo yukneragagi.

Evesus 2:4

Anderogo welagagup ovara, hivis At nenabwa eve ombok erogo imbita dugwit, mondok aigwak aberen endawi hunik okbininggigi.

Evesus 2:7

Anderogo okbininggigi ako andi, o hivis ari warisogon ako vaga avakwa en, “Ala ovavut mondok sek en endawi hunik ombok erogo okbininaliga o,” yiluk, yedok hugu dogopwak yiluk, nenagap wendatigi. Eke endawi hunik okbininggigi eyave andi, Keretus Yesus enat nenagap wendatigi.

Pilipi 2:11

eke, avakwa ininis unggul adik-adik ovok erogo, At Nenasin Ala inis siyak yupwak yiluk, “Yesus Keretus andi, Nenowa Inis Ombok aro,” yiluk, ombokma en vaganggwis, ogagu dogopwak yiluk, siyabagagi.

Pilipi 2:13

At Ala en sek ogarup endawi ombasiga ako, hirenen, “Ogarup,” ombasagwi inim, eke, eyave ogasagwi inim, At Ala adigenat okbigigaliga.

Kolose 1:20

“Nabut yo winik vaga hambigya dogomindik yi menda ndi menda ovok erogo An ninim ogorek agarwik ako, amuya vaga enonggo mbabaluk, An ninim dambubisa warisogon o,” yiluk, imbitigirikmu, At Keretus ogagagi vaga mbogot vaga menda inim, wen vaga menda inim, ovok erogo At amuya vaga nenonggo mbabaluk, Ala ninim dambulogo bininggigi.

2 Tesalonika 2:16

Nenasin Ala ako nenabwa en endawi hunik okbininggu dugwit, nenendawi mondok-mondok aik wakbininggu, nenape wenggelek mbogot vaga menda ako woknirigya, ogasiga ako andi, At Nenowa Yesus Keretus inim iperenen hit sek ogarit lagwi, henane sek adigat yugeregek lagwi, ogagu dogovovok yiluk, henendawi aik wakbugugwis, henanye okbugugwis, ogagu dogopwak.

Wahyu 5:13

Anderogo hak, it mbogot vaga agarwik inim, wen vaga agarwik inim, wen avema agarwik inim, is ombok yanggadek laut endawima nelagwi inim, Ala en ogagagi yi menda ndi menda yi avakwa ndi avakwa ovok erogo enane ombok vaga ndawi watao. Ndawi eyave watao ako andi yerogo: “At wene yukneraligama horaik agarik ako inim, At Ndomba Eyak ako inim, Iperen enanye mondok werek atma, enavema seve yiluk, hai watwis, enagayuk wutwis, ininis siyabugwis, mondok-mondok ogagu dogosogom o,” yiluk, ndawi watao.