Lukas 2:13 - ALA WENE HIVIS DIRUP WATUGWA

¹³ Ao yugirigyama, it mbogot vaga menda eneyave wisane homago yukdekma homari wagu lagagwarik, at malaikat ako inim Ala inis siyabagu dugwit:

Lukas 2:13 Iomraidhean Croise

Lukas 15:10

Andi ndatak ap weyak ogasiga menda ambiat en weyak ogagya lagagi ako asam higya dugwit, mbobagya halok, it Ala yonggo lakbisa wandiga menda malaikat akoen enendawi adenggen umbutu dogosogom, yiluk, yukheraliga o,” yugeragagi.

Lukas 2:12

Avyak ambi yum kain dinggilogo ndomba abirangge nelagwima nggilik agarik hinil bikhelagu dogomundik, ako yi aro, ombarusogom,” yiluk, yugeragagi.

Lukas 2:14

“At mbogot winimen agarik Ala ako, inis siyabagu dogosogom o. Eke, o wen vaga yoma it avakwa Ala endawi sek enombasiga ako, enendawi ugun wadokdek dogopwak o,” yiluk, yagagwa.

Evesus 3:10

Eke, agose wene hwilakbaluk welagagi ako andi, nit Ala aburi yi awi ndi awi homasagwi akoen, wene andi wokbaluk ogarit lendagwi vaga, it mbogot vaga agarwik malaikat inim, it enagayuk werek o ilim yenam agarwik menda inim, it ovok en, “Ala endawi mondok werek dugwit, yi wene ndi wene hologo yukneraliga akoat higyo,” yiluk, yogak inilup arupwak yiluk, hwilakbaluk welagagi.

1 Timotius 3:16

Ala wene wokbaluk nenendawi eve vaga ogarit lagu dogop wene mbauk hwilago welagagi ako mondok iya aro. Andi, “At ap-at ari wagya lagagimu, ‘Yi Ala abut,’ ombarupwak yiluk, Averiniki en sigam okbagagi. Sigam okbagya lagagimu, it malaikat en At eyave inil hugwi, At awene it weram Yakuri dek menda werekma yugeregek lagwi, It ap yi awi ndi awi ‘Yesus Ala abut avyarat ai,’ umbutwi, ogagu lagagwama, o segedokma abinak adigat agarikmu wolok inggigi o,” yiluk, yagalagwi menda ako mondok avyarat higyo.

Iberani 1:14

Eke, it malaikat andi nggarogo ogasagwi menda ombasagwi? Dek o. It ako avakwa enanggela ninil iniselagudek ako ovagak dugwit, Ala eyavup ogasagwi atma, Ala en avakwa enagap wendaginivup yiluk, enogo bogogi ako, yonggar-inivupwak yiluk, yonggo lakbisa wandiga menda it aro.

1 Peterus 1:12

Ogagusigik, At Ala en it navi-navi ako yugirigya dugwit, “Wene yi andi, hit henake yiluk yukheraligadek o. Wene yi andi, it hivis endaklendagwi menda enake-at yukheraliga,” yiluk, sigam erogo yugirigya lagagimu, wene andi yugu lagagwa. Wene andi, hivis Ala Averiniki mbogot vaga en lakba wagya lagagimu, ap enendawima nunggwigya lagagirik, yogak Sek Wene Yesus Keretus avok wene ako yukheragagwa. Wene andi, it malaikat ogo dibaup hogop ombasagwi ovara, nit nenake yiluk yugurugu lagagwa helagwi.

Wahyu 5:11

Ndawi watwis ako inugu dugwit, it malaikat eneyave wisane nit nininggis dinggilup ogo mondok meyan andi ndatak inigis. It malaikat akoen, wene yugeraligama kursi sek ako inim, it avakwa en iniselagwidek menda eneyave ako inim, it mbogot vaga agarwik enanggok ap ombok-ombok ako inim, ilim inigik, malaikat akoen walinogo enane ombok homago ndawi watao. Ndawi eyave watao andi yerogo: