Lukas 2:11 - ALA WENE HIVIS DIRUP WATUGWA

¹¹ Sek wene andi, henagap wendarisiga menda Daut endaklagagirikmu amunerama akoma henake o yogak endaklaga o. At andi, Nenowa Inis Ombok Keretus Ala en denogo bagagi akoat.

Lukas 2:11 Iomraidhean Croise

Matius 1:16

eke Yakup en Yusup hwa Maria agun ako endagagi. Hwa Maria en eyak Yesus nit andi Keretus yagalagwi ako endagagi.

Matius 1:21

At eyak ap-at endarisogon o. Eke, endagya halok, owa-asin weyak ogasagwi ako Aren degerogo bisiluk, enagap wendarisogon atma, inis Yesus-at salop o,” yiluk, yugugu hagagi.

Matius 16:16

Yugirigya lagagimu, at Simon Peterus en, “At mondok itok iluk agarik Ala Abut Mesias, nenagap wendarupwak yiluk enogo lakba wagagi ako, Hararo.”

Matius 16:20

Yugugu lagagirik, “Hiren An neyave Mesias neyagep ako, avakwa mondok yugerabuk,” yiluk, At ane welagwi menda ako enaruk watigi.

Lukas 1:43

An sa nombakluk nadema wagen? Hat an Nowa Inis Ombok isa aro.

Lukas 1:69

Nit nenagap wendakninivupwak yiluk, At ayeloman Daut ombao wigalek anye werek adigat ambi mondok okbagagi o.

Lukas 2:26

Averiniki at ovaga dugwit, Nenasin Ala en denogo mondok okbagagi Keretus ako, il hegetek hegek hambisogonbuk ilup okbagagirikmu,

Lukas 2:4

At Yusup ako, Daut ombawi wigalek menda atma, o Galilea kota Nasaret en o Yudea Daut endaklagagirikmu o kota Mbelekem akoma lagagi.

Yohanes 1:41

At Andereas akoen owa Simon Peterus belalit lagya lagagimu mbikit il heyakbagya lagagirik, yugugu dugwit, “Simon wai! Mesias ako vage waga ninil higyo,” yiluk, yugogogi. (Mesias, yugogogi ako andi, nit nenane vaga Ala en denogo mondok okbagagi Keretus aro, yiluk yugogogi.)

Yohanes 1:45

“Ninim laguluk, oma,” Pilipus ako yugugu lagagimu, Pilipus en ap Nataniel belalit lagya lagagimu, il heyakbagya lagagirik, yugugu dugwit, “Nataniel wai! ‘At ambi warisogon o,’ yiluk, Musa en Ala wene dirup watya, eke, it ap navi-navi en ogo, dirup watwis, ogagagwa eyave ako, vage waga ninil higyo. At andi, inis Yesus, awi Nasaret menda, Yusup abut araro.”

Yohanes 11:27

Yugugu lagagimu, at Mareta en, “Yu aga, Nasin. Ala Abut denogo mondok okbagagi Keretus o wen vaga yoma warup ako, Harat hombasiga o,” yiluk, yugogogi.

Yohanes 20:31

Ogagya lagagi mbuku dirup warek yi ako andi, hirenen Yesus andi, Ala en At Abut denogo mondok okbagagi Keretus-at, hit avyarat ombarovovok yiluk, wene yi dirup watis. Eke, avyarat umbutu dugwit, Yesus okbigigaliga vaga hiniluk mondok dogovovok yiluk, wene yi dirup watis o.

Yohanes 4:25

Yugugu lagagimu, at hwa akoen, “At Ala en denogo mondok okbagagi inis Keretus yagalagwi ako, warisogon andi an nilup aro. At wagya dogomindik, yi wene ndi wene ovok erogo mbilinogo yuknirigya dogosogon.”

Yohanes 4:42

Avyarat umbutu lagagwarik, iren hwa ako yugugu dugwit, “Yogak nit nenendawi At ovaga vanggabaluk avyarat ombasagwi ako, hat yukneregen andi vaga adigat dek. Ata, niren At ane nenaruk hunggu lagurik, ap yi avakwa wema menda enagap wendarisiga menda avyarat ninilup agyo. Andi vaga nenendawi At ovaga vanggabaluk, avyarat ombasagwi o,” yiluk, yugogogwa.

Yohanes 6:69

Nit nenendawi hovaga vanggabaluk, avyarat umbutu lagurik, At ap ambi mondok sek adik denek menda Ala en lakba wagagi ako, Harat heyalagwi.”

Yohanes 7:41

eke, it ninen yugu dugwit, “Dek o! Ala en denogo mondok okbagagi Keretus ako yiat helagwi,” yugwi, ogagusigik, it ninen andi, “At Ala en denogo mondok okbagagi Keretus ako, o Galilea en wasogon embetep? Dek!

Lakbogogi Wene 10:36

‘Yi avakwa ndi avakwa ovok Nenowa Inis Ombok ako andi, Yesus Keretus ako, At vaga Ala ninim dambulogo bininaliga o,’ yiluk, Sek Wene ako nit Iserali menda ninilup arupwak yiluk, lakba wagagi ako hinilup aro.

Lakbogogi Wene 13:23

At Ala en at Daut avyarat nggatuk erogo yugogogi hak, Daut ombawi wigalek ambi vaga en avakwa Iserali enagap wendarisiga menda, At Yesus-at endaklagagi.”

Lakbogogi Wene 17:3

Yugirigya dugwit, “At Ala en Nenowa Inis Ombok denogo bagagi Keretus ako, edup yagan wakbaluk, hambuluk lendagwima en iluk akluk mendok yup denek welagagirikmu, mondok yagagi o,” yiluk, yedok hapwak yiluk des erogo yugirigya lagagirik, “An Paulus en Yesus avok yukheraliga yi, Nenowa Inis Ombok Ala en denogo bagagi Mesias ako, Arat,” yiluk, mbilinogo yugeragagi.

Lakbogogi Wene 2:36

“Daut en anderogo yagagi atma, At yo winik vaga hit lobalogo bagagup Yesus ako andi, Ala en hit Henasin Inis Ombok dogopwak yiluk, okbagya, eke, An denogo bagagis Keretus yi aro, yiluk, yukhirigya, ogagagi ako, hit Iserali menda ovogat, ‘Yi avyarat,’ hinilup arovovok yiluk yukheraliga o,” yiluk, yugeragagi.

Lakbogogi Wene 5:31

Mondok okbagya lagagirik, nit Nenowa Inis Ombok, nit nenagap wendarisiga menda ako, At Ala inggis amotkan dogopwak yiluk siyabagagi. Nit avakwa Iserali menda weyak ogasagwi ako, nenasam helok weyak ako mbobagu dogomundik, Yesus ambetaga lagu niniselok, nenomaduk degerogo bininapwak yiluk siyabagagi o.

1 Korindus 15:47

Ap endak ogagagi ako andi, wen menda-at ogagagi. Eke, ap hivis menda ako andi, At awi adem mbogot vaga enat wagagi.

Pilipi 2:11

eke, avakwa ininis unggul adik-adik ovok erogo, At Nenasin Ala inis siyak yupwak yiluk, “Yesus Keretus andi, Nenowa Inis Ombok aro,” yiluk, ombokma en vaganggwis, ogagu dogopwak yiluk, siyabagagi.

Pilipi 3:8

Eke, ambi inim, an Nowa Inis Ombok Keretus Yesus nilup arup andi mondok iya atma, “Yi menda ndi menda ogagya lagagis ako ovok erogo enam warogo ogagya lagagis higi,” imbita lagagirik, Musa wene wane-wane ogagya lagagis ako vaga Ala en an woknavup andi degat haliga. Ata, Keretus avyarat ombasagwi vaga Ala en nit sek erogo wokninivisiga ako menda, “Vage wokhitirikmu, Keretus hendawi hunik heyaliga o,” yuknirupwak yiluk, Keretus hidigya lagagirik, an yi ogagek ndi ogagek ogagya lagagis ako ovok erogo, “Yi nombabuk-at higi,” yiluk, mbo hagagis.

Kolose 2:6

Hit endak en, “Keretus Yesus andi, nit Nenowa Inis Ombok aro,” yiluk, wagagup atma, yogak At hinim hunik dugwit, ogarit lagu dogones.

1 Yohanes 4:14

Eke, Nenasin en yi avakwa ndi avakwa enagap wendarupwak yiluk, At Abut lakba wagagi ako ninil hugu lagagurik, vagalogo yukherelagwi.

1 Yohanes 5:1

Niren, “At Keretus Ala en denogo bagagi ako, At Yesus-at,” yiluk, avyarat umbutu niniselok, Ala enat endakninipigirikmu, nit At aburi-at agurik. Eke, Nenasin Ala nenendawi hunik ogagu dugwit halok andi, aburi endago ako inim nenendawi hunik oginivisagwi.