Lukas 2:10 - ALA WENE HIVIS DIRUP WATUGWA

¹⁰ Enalon wisane agya lagagimu, malaikat akoen yugirigya dugwit, “Henalon habuk. It avakwa ovok erogo enendawi adenggen ombok ombarup Sek Wene ambi wolok yukhera wandiga.

Lukas 2:10 Iomraidhean Croise

Matius 14:27

Na yugu lagagwama, At Yesus en, “Henanggela wulubuk. An neyave-at wandiga atma, henalon habuk.”

Matius 28:18

Enendawi anderogo umbutusim, Yesus ako enadema ari wagya lagagirik, yugirigya dugwit, “Ala en mbogot vaga inim, wen vaga inim, An nandok dogogiluk, awene ovogat yuknogogi atma,

Matius 28:5

Eke, at malaikat akoen it akwa ako yugirigya dugwit, “Hit henalon habuk. Hiren ap Yesus yo vaga lobalogo bagao ako hinil haguluk, wagep andi, an nilup.

Markus 1:15

Yugirigya dugwit, “At Ala ogarup endawi imbitigi ako vage atma ari waga o. At Ala avema bigigaup ako vage horok ari wagarikmu, hit weyak ogasagwi ako henasam helok nggelabisines. Nggelabugu dogomundik Sek Wene ako henendawi avyarat umbutu dogwes o,” yiluk, yugeregek nagu lagagi.

Markus 16:15

Enanggadi watya lagagirik, it ako yugirigya dugwit, “Hit yi awi ndi awi lagu dogomundik, it yi avakwa ndi avakwa ininis unggul adik-adik ovok erogo Sek Wene yugeregek nagu dogop.

Lukas 1:13

at malaikat akoen iri dugwit, “Sakaria wai. Halon habuk. Hat samban ogagya lagagin ako, Ala ovok aruk hunggigirikmu, hogwa Elisabet ako habut ap-at endarisogon. Endatya halok, inis Yohanes salinok yiluk, yukhisiga.

Lukas 1:19

Yugugu lagagimu, malaikat akoen, “An andi, Nggabiriel aro. An Ala inim agirik atma, Sek Wene yi, wolok, ‘Yugirilak,’ yuknugu lagama, yukhiri wagi o.

Lukas 1:30

imbita lagagimu, at malaikat akoen at yugugu dugwit, “Maria wai. Halon habuk. Ala habwa imbita dugwit, adenggen hovaga bagaup embetarikmu,

Lukas 2:11

Sek wene andi, henagap wendarisiga menda Daut endaklagagirikmu amunerama akoma henake o yogak endaklaga o. At andi, Nenowa Inis Ombok Keretus Ala en denogo bagagi akoat.

Lukas 24:47

Hit weyak ogasagwi ako henasam helok, henomaduk mbobagu hiniselok, Ala en henomaduk degerogo bigigayogon o,’ yiluk, wene ako At inis vaga, eve endak o Yerusalem en yi awi ndi awi ovok erogo yugeregek wunggu dogosogom o, yiluk, Ala wene dirup watugwa ako yiat okbenanggao.

Lukas 8:1

Andien, At Yesus en Ala avema bisaup Sek Wene ako o kota ombokma inim, madukma inim, yugeregek nagu lagagi. Nagu dugwit, At ane welagwi menda 12 ako inim nagusim,

Lakbogogi Wene 13:32

“Ala en nit nenombawi avyarat nggatuk erogo yugeragagi ako, Yesus hambuluk lendagwima en iluk erogo mendok okbagagi ako vaga, it enombawi nit nenake atma des iri lagagimu, Sek Wene yiat yukherelagwi. Anderogo atma, At Ala en iri dugwit: ‘Hat An Nabut, eke yogak An Hat Hasin agi o,’ yiluk, mbuku Ndawi Wene pasal 2 vaga dirup watigi.”

Evesus 3:8

It Ala aburi adik denek ako ovok erogo ininis werek inigik, an ninis dek sovalek-at neyagek ovara, Keretus elola en hegek-hegek okbinilin wulu wandiga wene ako, hit ap weram Yakuri dek menda yukheragiluk, endawi hunik en andok okbaninggigi.

Kolose 1:23

Keretus andi ogagagi ako vaga, Ala hinim dambulogo bigigirikmu, Sek Wene Keretus avok hit hunggu lagagupik, avyarat umbutu dugwit, “Ala en anderogo okbininayogon higi,” yiluk, henape wenggelek agipik ako, hekbabuk. Ata, o owak ngguvulik hak Keretus vaga henendawi vanggabaluk, wene avyarat umbutugup ako, henendawi wadokdek dugwit, musek lagu dogones. Eke, Sek Wene yi awi ndi awi ovok erogo wigalit landiga ako andi, an Paulus ninimat yugirigya dogogiluk, Ala ayeloman ogarogo baninggigi.