Lukas 19:5 - ALA WENE HIVIS DIRUP WATUGWA

⁵ Yo vaga inggigirik werekma, At Yesus andenam ari wagya lagagirik, il ilik lagya dugwit, “Sakius wai. Yogak An hat hamwa laup imbitirikmu, hodo wambuma.”

Lukas 19:5 Iomraidhean Croise

Lukas 19:10

An Ap-At Endaklagagis yi, it avakwa yelemele yagagwa ako havedogo enagap wendarigiluk, wagagis o,” yiluk, yugogogi.

Lukas 19:2

ap ambi inis Sakius pemerintah enake yoparip wonggalisagwi menda enasin inggis mondok werek welagagi.

Lukas 19:4

Meyan agya lagagimu, “Yesus sup yi vaga wasogon higi,” yiluk, il hagiluk, at endak vupuk lagya lagagirik, yo vaga inggigi.

Lukas 19:6

Yugugu lagagimu, Sakius ako mbikit yo vaga en wambu wagya lagagirik, heyaga wakbaluk, endawi sek vaga amwa lagagwa.

Yohanes 1:48

Iri lagagimu, at Nataniel en, “Hat nggarogonggan an neyave hilup agen?” Yugugu lagagimu, At Yesus en, “Pilipus ao yanggup yukhigitek hegek, hat o yo widis adema vage nil heyagi.”

Yohanes 14:23

Yugugu lagagimu, At Yesus en, “Ap ambi saen endawi hunik oknitya halok, An nane des erogoat ogagya dogosogon. Anderogo ogagya halok, An Nasin en at endawi hunik ogarisogon. Eke, An Nasin niperen at adema wagu dogomindik, ninimat dogosogom.

2 Korindus 6:1

At Ala en yugugu hegek Yesaya en dirup watigi ako iri dugwit: “Anen hit henane naruk hulup imbitigis vaga, naruk hunggu, Hat hagap wendarup hudi vaga yonggat-heyagya, ogagagis o,” yiluk, yagagi. Anderogo yagagi atma, hit ninim Ala eyavup ndatak ogarit lagu ninigik, At nenabwa en sek okbininaliga ako, “Un enam warogo okbisaliga higi,” hinimbita haoen, nenendawi, “Ai,” umbutu dugwit, wene yi yukherelagwi. Hit henane aruk hulup imbitigi ako andi, yogak aro, eke, henagap wendarup imbitigi ogo, yogak atma, yukheraliga.

Evesus 3:17

Hit avyarat ombasagwi atma, Keretus henendawima mondok awi valheda nunggu warupwak yiluk, henake samban ogasiga. Eke, yo omanggen wen mudis sek vaga yagoma wadokdek agarik hak, hit anderogoat henendawi wadokdek dugwit, avakwa hinim henendawi hunik okbugu dogovovok yiluk, henake samban ogasiga.

Iberani 13:2

It avakwa en malaikat menda hegek, “Yi avakwa aro,” yiluk, inunggut dugwit enake enagania isagu lagagwa atma, it avakwa huru bikhinisa waguselok, hai warogo henendawi sagain vaga woginipu dogones.

Wahyu 3:20

An sup mbanggutmu mendek dugwit, hit henendawima An sup nggolen-nggolen ogasiga ako dibanes. Ap ambi An nane ako, aruk hobaluk, endawima sup hutu halok, An adema nunggwigya dogomindik, niperen naswe-haswe nenendawi ambiat dambulik dugwit, erom nunggu dogosogom.