Lukas 19:47 - ALA WENE HIVIS DIRUP WATUGWA

⁴⁷ Yesus hup-dingga Ala awi valekma wene mamulirigya lagagi. Mamulirigya lagagi ovara, it imam-imam enasini inim, it Ala wene vagago agarwik menda inim, it avakwa enasini inim, At Yesus waruguluk, ogagagwa ovara,

Lukas 19:47 Iomraidhean Croise

Matius 21:23

At Yesus ako Ala awi valekma mbumbumu nunggwigya lagagirik, avakwa mamulirigya hegek, it imam-imam enasini inim, ap ombok-ombok inim, Yesus adema wagu lagagwarik, At yugugu dugwit, “Hat yi ogagek ndi ogagek ogasiga andi, sa inis vaga ogasiga? Saen yukhogogirikmu ogasiga?”

Matius 26:55

Yugugu lagagirik, o andi vaga At Yesus en it avakwa homago hagalwik ako yugirigya dugwit, “Ap enonggop agodem welagwi menda vaginivisagwi ako hak, An anderogoat vakneraguluk, yaga veram inim, yo mbandugul inim, wolok wagep yi? Hutun-howam Ala awi valekma yugirigya neyagek, vaknetetek welagep ovara,

Markus 11:18

Yugirigya lagagimu, it avakwa ovok homago ako Yesus wene mamulirigya ako vok yuguselok, it imam-imam enasini inim, it Ala wene vagago welagagwa menda inim, Yesus yagagi ako enaruk hunggu lagagwarik, enalon agya dugwit, “Nggarogo heda okbaluk warup embetep,” yiluk, avok mbinggugwa.

Markus 12:12

Yugirigya lagagimu, it imam-imam enasini inim, it Ala wene vagago welagagwa menda inim, it ap ombok-ombok inim, enaruk hunggu lagagwarik, “Wene wakhegek yi nit niniselok, yagaliga ai,” yiluk, yedok hugu lagagwarik, vagaruguluk ogagagwa ovara, avakwa wisane iniselok, enalon en hekbaluk lagagwa.

Markus 14:1

Isogo ambi inis Vasika inim, isogo ambi inis ‘Erom roti virisigadek menda’ ako inim, adenggen isagu lagagwa ako vage ndugwis mberen dukluk isaruguluk ogagu dugwit, it imam-imam enasini inim, it Ala wene vagago welagagwa menda inim en, “At Yesus nggarogo mbauk hwilagago vakbaluk, waruk?” yiluk, avok mbinggu dugwit,

Markus 14:49

Hutun-howam ninim At Ala awi valekma mamulhirigya neyagek, vaknetetek welagep ovara, yogak Ala wene dirup warek ako atma des yupwak yiluk, vaknera wagep andi sek aro,” yiluk, yugirigya lagagimu,

Lukas 19:48

avakwa en At wene yugirigya ako enendawi hunik ogagu dugwit, inil At adigat vurek atma, nggarogo warubuk erek halok, mbup yagagwa.

Lukas 20:19

It Ala wene vagago welagagwa menda inim, it ap imam-imam enasini inim, en, “Wene wakhegek yagas andi, nit niniselok yagas ai,” yiluk, yedok hugu lagagwarik, o andi vaga Yesus vagaruguluk, ogagagwa ovara, avakwa enalon en mbup yagagwa.

Yohanes 10:39

Yugirigya lagagimu, At ambi inim vagarugen yiluk ogagagwa ovara, ininggimu en weralogo hekbisiluk, winggigi.

Yohanes 18:20

Hemethigya lagagimu, At Yesus en, “It avakwa o wen vaga yoma agarwik ako wene mamulirigya dugwit, An mbauk hwilagoma mamulirigya lagetek. Ata, sigam adigat yugirigya lagi. It Yakuri samban ogasagwima inim, Ala awi valekma inim, it avakwa Yakuri menda homasagwima andoma ovok erogo mamulirigya lagi ovara,

Yohanes 7:19

Ala wene at Musa en dirup warogo wokheragagi ako dek a? Dirup warogo wokheragagi ovara, wene eyave ako hit ovok erogo ogagetek. Ogagetek dugwit, nggarogo yiluk An narup yiluk ogasagwi?”

Yohanes 7:44

Naburuk-haburuk ogot hudugu dugwit, it ninen, “Yesus vagarugen,” umbutugwa ovara, vagatitek-at welagagwa.