Lukas 19:13 - ALA WENE HIVIS DIRUP WATUGWA

¹³ lagiluk, ogagya dugwit, at ayelomani eneyave 10 yanggup yugirigya lagagirik, wagu lagagwama, ayoparip mbusi emas menda 10 higirogo, ap ambi yoparip mbusi emas ambi wogorigya, ap ambi yoparip mbusi emas ambi wogirigya, wogirigya dugwit, ‘An wagatek neyagek, nayoparip yi vaga yi menda ndi menda hunit nagu dugwit, ambi lobalhidugu dogones.’”

Lukas 19:13 Iomraidhean Croise

Matius 25:16

Lagya hegek, at yoparip mbusi emas yum yedogo 5 inggimu bagagi akoen yi menda ndi menda hunit nagu dugwit, ako vaga yoparip mbusi emas yum yedogo 5 inim lombabagagi.

Matius 25:20

at yoparip mbusi emas yum yedogo 5 inggimu bagagi akoen yoparip mbusi emas yum yedogo 5 lombabagagi ako inim wolok wagya lagagirik, ‘Nasin wa. Haren endak mbusi emas yum yedogo 5 ninggimu bagagin ako, yokhanen. Anen hivis mbusi emas yum yedogo 5 ambi inim lombabagi yi o.’

Matius 25:22

Yugugu lagagimu, at yoparip mbusi emas yum yedogo mberen inggimu bagagi ako asin adema wagya lagagirik, ‘Nasin wa. Haren endak mbusi emas yum yedogo mberen ninggimu baninggigin ako, yokhanen. Anen hivis mbusi emas yum yedogo mberen inim lombabagi yi o.’

Matius 25:24

“Yugugu lagagimu, at yoparip mbusi emas yum yedogo ambiat inggimu bagagi ako wagya lagagirik, ‘Nasin wa. Hendawi anye dugwit, hat awi yakhedegetek ovara, enggen mbalhidigya, eke, enggen lisinggitek ovara, wonggalhidigya, ogasiga andi nilup atma,

Lukas 19:12

Yugirigya dugwit, “Ap inis werek ambi en, ‘An o adumu andoma lagya neyalok, ap ombok o yoma vagago dogogiluk mondok okbaninggya dogomwima, neyami vaga wasogon,’ yiluk,

Lukas 19:14

“Yugirigya lagagirik, lagagi. Lagya hegek, it nin at avema menda en at enanggon adigat umbutu dugwit, ‘At ap yi, nenasin inis ombok akluk, o yoma vagago dogop nenanggon,’ yiluk, yugeralapwak yiluk, enaori lakbogogwa.”

Yohanes 12:26

Ap ambi saen An nake ogarup imbita halok, mondok namusek-at wagya dogopwak. An hivis dogopim akoma nayeloman ogo niperen andoma-at dogosogom. Eke, An nake ogagya halok, Nasin en at siyabayogon, yiluk, mondok avyarat yukheraliga o,” yugeragagi.

Nggalatia 1:10

An yukheraliga andi, avakwa en “Hat sek yegen,” yiluk, yuknirupwak yiluk yagaliga a? Ata, Ala en, “Hat sek yegen,” yuknirupwak yiluk yagaliga a? Eke, an avakwa en sek nombarupwak yiluk yagaliga ombasagwi? Dek o. An endak avakwa enendawi sek nombarupwak yiluk iri lagagis ako wane-wane iri duklimu en, yogak an Keretus ayeloman aklibuk.

Yakobus 1:1

Hit Yakup aburi enombawi wigalek hininis unggul 12 menda, yi awi ndi awi sak yagan lagagup ako, an Yakobus en Nenasin Ala inim, Nenowa Yesus Keretus Inis Ombok inim, iperen enayeloman dugwit, “Wa,” yukheraliga o.

2 Peterus 1:1

Nowa-nasin wa. An Simon Peterus Yesus Keretus ayeloman ayonggo lakbigik menda mondok okbaninggigi akoen, wene ambi yukherayogon. At nenagap wendasiga Yesus Keretus Ala akoen, At ovavut sek adigat ogagagi ako vaga wene avyarat umbutu lagagurik, wagagup nenendawima vakhedogo agurik ako, hit ninim ndatak wagagup atma, an wene yi dirup warogo wokheraliga.