Lukas 19:12 - ALA WENE HIVIS DIRUP WATUGWA

¹² Yugirigya dugwit, “Ap inis werek ambi en, ‘An o adumu andoma lagya neyalok, ap ombok o yoma vagago dogogiluk mondok okbaninggya dogomwima, neyami vaga wasogon,’ yiluk,

Lukas 19:12 Iomraidhean Croise

Matius 21:38

“Abut lakba wagagi ako, at awi yagagi malogo agarwik akoen inil hugu lagagwarik, ir-it wene mbanggu dugwit, ‘Abut mavorangge hedaup yi atma, mondok wakbaluk, mavorangge nirat hedasogom o.’

Matius 28:18

Enendawi anderogo umbutusim, Yesus ako enadema ari wagya lagagirik, yugirigya dugwit, “Ala en mbogot vaga inim, wen vaga inim, An nandok dogogiluk, awene ovogat yuknogogi atma,

Markus 12:1

Yugirigya lagagirik, it imam-imam enasini inim, it Ala wene vagago welagagwa menda inim, it ap ombok-ombok inim Yesus en wene il wakhegek yugeragagi. Yugirigya dugwit, “Ap ambien anggur awi yakbaluk, leget wigya, owangga mbetalogo yanggadumenda walup mendagya, eke, suam watu dogopwak yiluk, mbeda leyanggya, okbagya lagagirik, enggen mbalek ako nin it hidugwi, nin at wogugwis, ogagu dogopwak yiluk, at eyavup yago ako ap malogo dogomenda mondok okbisiluk, o adumu hunogoma lagagi.”

Markus 16:19

Yugirigya lagagimu, Nenowa Inis Ombok Yesus ako, At Ala en wolok mbogot vaga ba inggya lagagimu, At inggis amotkan hora yagagi.

Lukas 20:9

Andi yugirigya lagagirik, wene wakhegek it avakwa wisane yugeragagi ambi yi: “Ap ambien anggur awi yatu lagagirik, enggen mbalogo nin it hidugwi, nin at wogugwis, ogagu dogopwak yiluk, at awen werek ako ap malogo dogomenda mondok okbisiluk, o adumu andoma ndugwis iya erogo dogomindik, wasogon yiluk, lagagi.

Lukas 24:51

Adenggen enovaga ao bugu hegek, At eyave wolok mbogot vaga inggya hagagwa.

Yohanes 18:37

Yugugu lagagimu, at Pilatus en, “Andi halok, Hat avakwa enowa hinis ombok ai?” Yugugu lagagimu, At Yesus en, “Ninis ombok yuknigin andi, avyarat yuknigin. An anderogoat dogogiluk endaklagagis. Eke, avyarat wene vagalogo yukhirigya dogogiluk, o wen vaga yoma wambu wagagis! Avyarat wene yugeraliga ako wuguselok, Ala aburi atma, An nane hulisagwi.”

Lakbogogi Wene 17:31

“Ap ambi denogo mondok okbagagi en avakwa ovok ogasagwi wane-wane enowak dilinivup ndugwis ambi adik denogo bagagi o. Eke, nenowak dilninivisogon ako, nit avakwa ovok ninilup dogoguluk, At ako andi, hambuluk lendagwima en iluk erogo mendok okbagagi o,” yiluk, yugeragagi.

Iberani 9:28

Keretus ogo, nit yi avakwa ndi avakwa nenomaduk degerogo bagiluk, wagya lagagirik, ndugwis ambiat nenake hombagagi. Andien, At hivis wagya dogomindik, nenomaduk degerogo bininagiluk, warisogonbuk. Ata, nit ovok At warupwak yiluk, abyam agurik ako nenagap wendarogo bininagiluk warisogon.

1 Peterus 3:22

At eyave iluk akluk, mbogot vaga inggya lagagirik, Ala inggis amotkan horaik dugwit, it malaikat inim, it enanye werek o ilim yenam agarwik inim, yi madis ndi madis inim, At avema sovabigigirikmu agarwik.

Wahyu 1:7

Dibagu dogones! At Yesus hena anggelekma wagya halok, it avakwa o wen vaga agarwik ininis unggul adik-adik At watugwa ako menda inim ovok erogo enadik-enadik inil hugu dogomundik, yup yarusogom atma, avyarat yukheraliga o. Amin.