Lukas 18:9 - ALA WENE HIVIS DIRUP WATUGWA

⁹ Yugirigya lagagirik, it avakwa nin enendawi en, “Avakwa nin andi, mondok meyan, eke, nit andi, Ala wene dibaluk, sek adigat ogasagwi o,” umbutu lagagwarikmu, Yesus en wene wakhegek yi yugirigya dugwit,

Lukas 18:9 Iomraidhean Croise

Lukas 10:29

Yugugu lagagimu, ap ako, an sek-sek nombarupwak yiluk, Yesus yugugu dugwit, “Eke, nendawi hunik oginivigen it ninim agirik andi sa?”

Lukas 15:2

Adema wagu lagagwama, it Varisi menda inim, it Ala wene vagago agarwik menda inim, iren Yesus it ap weyak ogasagwi menda inim inigu lagagwarik, enanggon umbutu dugwit, “Ap yi, avakwa weyak ogasagwi menda woginipu lagarik, inim erom naliga hinil yokhanes!” yagagwa.

Lukas 16:15

Aganda yagu lagagwama, At Yesus en it yugirigya dugwit, “Hiren avakwa sek henombarupwak yiluk, henanggangga hedelagwi ovara, Ala en andi, henendawi ombasagwi ako ilup agarik. Yi menda ndi menda iya ombasagwi andi, At Ala anggon ombasiga,” yiluk, yugeragagi.

Lukas 18:11

Iperen Ala awi valekma nunggugu lagagwarik, ap Varisi akoen mendek yiluk, samban okhidigya dugwit, ‘Ai, Nasin Ala! It avakwa enonggop welagwi menda inim, weyak ogasagwi menda inim, wanggi welagwi menda inim, eke, ap pemerintah enake yoparip wonggalisiga menda yi ako inim, an anderogo hak dek atma, wa yukhisiga.

Lukas 19:7

It avakwa en Yesus iperen lagwi inugu lagagwarik, enanggin-enanggon yugu dugwit, “Ap weyak ogasiga menda inimat amwa lendagwi yi bigisanes!”

Lukas 7:39

Ap Varisi menda, “Yesus ninim erom naup,” yugogogi akoen hwa ako ogagya higya lagagirik, endawi imbita dugwit, “Hwa yi, weyak ogasiga menda atma, ap Yesus yi ako navi avyarat duklipmu en, ‘Hwa weyak ogasiga menda en vaknitya higi,’ yiluk, andi vage yedok helap,” imbitigi.

Yohanes 8:48

Yugirigya lagagimu, it Yakuri menda en Yesus yugugu dugwit, “‘Hat ap Samaria menda madis hendawima nonggagas,’ yukhugup ako andi, avyarat ai?”

Yohanes 9:28

Yugirigya lagagimu, iren ap ako vudilogo mondok wiyiknom-weyaknom erogo bagu dugwit, “Hat At ane waliga menda-at heyagyo. Nit andi, Musa ane welagwi menda-at agurik.

Yohanes 9:34

Yugirigya lagagimu, iren onggo at yugugu dugwit, “Hat mondok hitok weyak adigat endaklagagin en yogak wene nit mamulneraigen yiluk ogasiga yi?” yiluk, at eyave weram haryogo wibagagwa.

Lakbogogi Wene 22:21

“Yugugu lagagimu, Nowa Inis Ombok en an yuknugu dugwit, ‘It ap weram Yakuri dek menda agarwikmu o adumu andoma lakbagaup, imbitirikmu, elak,’ yuknugu hagagis,” yiluk, yugeragagi.

Oroma 10:3

Ala en avakwa sek inimbita dugwit woginivisiga wene dibagetek dugwit, “Ala en sek nenombarupwak yiluk nit nenadik nenanye vaga sek okhedasogom,” umbutugwa. Umbutu dugwit, Ala en avakwa woginivup wene ako, “Wasogom o,” yiluk, wegetek-at welagagwa.

Oroma 14:10

Nit ovok ndatak nenowak dilisigama akoma en Ala ivaga mendek yusogom atma, hit nggarogo yiluk navok-havok yugwi, nggarogo yiluk henaswei wiyiknom-weyaknom erogo bugwis, ogasagwi?

Oroma 14:3

At yi menda ndi menda ugun naliga akoen, at un erom erom-angga adigat naliga ako, weyak-weyak yugurubuk. Eke, at erom erom-angga adigat naliga akoen, at ugun naliga ako Ala en, “Ap yi ogo, An nabut-at,” imbita dugwit, yagaliga atma, avok yugu dogobuk.

Oroma 7:9

Endak andi, Musa wene ako, an ninggut dugwit, nendawi ugun seyalek nagu lagagis ovara, ogarup moga wene ako sigam agya lagagimu, weyak ogarup okneraliga adem ako nendawima wenggelagya lagagirik,