Lukas 18:7 - ALA WENE HIVIS DIRUP WATUGWA

⁷ Anderogo ndatak Ala en At aburi miginipigi ako enane hup-dingga At yuguguselok, enowak dilogo enawene nggatuk erogo mbalisogon dek embetep? Dukluk heveretmbo, ndogovitmbo, adigat wolok lagya dugwit, enawene mbalup embetep?

Lukas 18:7 Iomraidhean Croise

Matius 24:22

Anggin-mbanggin enovaga bisaup ari wagya halok andi, anggin-mbanggin ako Ala en hudi balipuk en ap enagap mondok wendaklaklipuk ovara, avakwa enogo bogogi ako enake hudi bagwi.”

Matius 24:24

It ninen huluk wene yukhirugu dugwit, ‘An Keretus aro,’ eke, ‘An navi Ala wene yukheraliga menda aro,’ yiluk, yagan wagu dogomundik, avakwa Ala aburi enogo bogogi ako enendawi nomalinivuguluk, enalon werek menda inim, nggarogo ogarubuk menda inim, ogarugup ovara, dek.

Matius 7:11

Dek. Hit ap weyak ogasagwi menda ovara, henaburi en nggino yukhiruguselok, sek menda wogerelagwi ako ndatak, hit Henasin mbogot vaga agarik ako en, nggino yugugu hiniselok, sek menda wokherayogonbuk ombasagwi? Avyarat wokherayogon aro,” yiluk, yugeragagi.

Lukas 11:13

Anderogo ogasagwidek atma, hit ap weyak menda ovara, henaburi en nggino yukhiruguselok, sek menda wogerelagwi ako ndatak, hit Henasin mbogot vaga agarik ako en, ‘Averiniki wokniru o,’ yugugu hiniselok, wokherayogonbuk ombasagwi? Avyarat wokherayogon aro,” yiluk, yugeragagi.

Lukas 2:37

hivis, sogwa hegek 84 tahun ogagagirikmu, ovok hwa anggok agagi. Ala awi valekma en winggitek mondok andoma-at o hup dingga Ala ake yiluk, erom hunis dugwit, samban adigat ogagya lagagi.

Lukas 21:28

Yi menda ndi menda oklarup ako asinggu halok andi, ‘Nenagap wender erogo bininaup ako vage sigam ari wagya higyo,’ yiluk, henut leklakluk, hinil iligik dogop,” yugeragagi.

Oroma 8:33

Nit mikninipigi Ala akoen, “Hit weyak dek aro,” yiluk, yukneraliga atma, hivis ambi saen, “Hit andi weyak o,” yiluk, yuknerami? Mondok dek.

Kolose 3:12

Anderogo atma, At Ala en henabwa imbita dugwit, At aburi sek adik enek dogovovok yiluk, mikhinipigi atma, yum yikhedelagwi hak, henandogon swi menda okhidugu dugwit, avakwa enabwa umbutwi, henendawi sek vaga okbugwis, henendawi sovalek dugwit nagwis, henane sagain vaga yugurugwi, henovavut luvugerek welagwi, ogagu dogones.

1 Tesalonika 3:10

Nit henelokwe hinugu dogomindik, Yesus vaga vanggabaluk hit avyarat ombasagwi ako ambi ao henendawi hoda agetek halok, ambi inim yukheraguluk, hup-dingga nenendawi adenggen ombok erogo umbutu dugwit henake samban ogasagwi.

2 Tesalonika 1:6

At Ala ilup dugwit atma nggedok ogasigama, iren anggin hit henovaga bigigelagwi ako, onggo Aren it anggin enovaga bisayogon.

1 Timotius 5:5

Hwa ambi sogwa ovara, eyagi en yonggat-helagwidek halok, “Ala en yonggat-nitya dogopwak,” yiluk, Ala ovaga vanggabaluk ape wenggelek dugwit, hup dingga Ala adema hunik adigat nggino yugugu, samban ogagya, ogasiga menda halok, hwa andi, eyave sogwa aro.

2 Timotius 1:3

An hup-dingga samban ogagyama, hat vaga nape wenggelek dugwit, “Nenasin Ala wa,” yiluk, yugisiga. An nombawi weyak embetetek enendawi sek vaga Ala ake ogagu lagagwa ako hak, an ndatak-at ogasiga o.

2 Timotius 2:10

Anderogo atma, it avakwa Ala miginipigi enendawi Keretus Yesus ovaga vanggabaluk, avyarat umbutuselok, enagap wendakbaluk abinak mondok-mondok dogopwak yiluk, anggin-mbanggin okbanunggusigik, ovok erogo it enake nendawi wadokdek dugwit waliga.

Titus 1:1

Nabut Titus wai. An Paulus Ala ayeloman Yesus Keretus en lakbigik menda baninggigi akoen wene ambi yukhisogon o. It avakwa Ala en miginipigi ako enendawi Yesus avyarat ombakluk des erogo wugwi, eke, avyarat wene ako wokbaluk, enendawi eve vaga ogarit lagwi, ogagu dogopwak yiluk, lakbigik menda baninggigi.

1 Peterus 1:1

Hit Ala en mikhinipigi o Pondus inim, Nggalatia inim, Kapadokia inim, Asia inim, Mbitinia inim, hit o Propinsi ovok erogo andoma yi awi ndi awi sak yagan lagagup ap huru ovagak agipik ako, At Yesus Keretus ayonggo lakbigik menda okbaninggigi an Peterus akoen wene ambi yukherayogon o.

2 Peterus 3:9

Anderogo atma, Nenowa en, “An hivis warisogon o,” yiluk, yagagi ako, it avakwa ninen, “Ao wagetek yi, huluk yagagi a?” yiluk, ombasagwi ako hak, hit anderogo umbutu dogobuk. Ata, “Ala en, ‘Avakwa degerogo bisaup andi, nanggon o,’ imbita dugwit, nit yi avakwa ndi avakwa ovok erogo nenasam helok, weyak ogasagwi ako hekbapwak yiluk, Ala endawi sagain vaga nenabyam agarik,” umbutu dogones.

Wahyu 18:20

Yuknugu lagama, ane ambi iri dugwit: “Hit mbogot vaga agipik menda, henadenggen umbutu dogones! Hit Ala aburi ake denek inim, Sek Wene yugeregek lagu lagagup lakbigigigi inim, navi-navi inim, it o kota Babel yien hit anggin okbugugu lagagwa ako Ala en owak ndilogo onggo okbigas atma, henendawi adenggen umbutu dogones,” yiluk, iris ako naruk hunggis.

Wahyu 6:10

It initu lagagwa enanggela akoen enane ombok yugugu dugwit, “Nenasin Hinis Ombok Ala wai. Hat hadik mondok ombok avyarat adik denek agindik atma, it avakwa o wen vaga menda en ninitugwa nenamuya wambigya lagagi ako, enowak dilogo onggo inititek heyagek, ndugwis maren dogomi,” yiluk, yugugu sigis. Yugugu lagaoma,

Wahyu 7:15

‘Wene yugeraligama Ala elokwema andoma dugwit, hutun-howam Ala awi valekma ake ogagusigik, At wene yugeraligama kursi sek vaga horaik agarik Nenasin Ala akoen weyak enovaga agya haoen, avema bisiluk agarik o.