Lukas 18:23 - ALA WENE HIVIS DIRUP WATUGWA

²³ Yesus en ap ako yugogogi aruk hunggu lagagirik, at angge-angge wisane ako vaga endawi hunik atma, wogeraup anggon imbita dugwit, endawi mondok wakhedagagi.

Lukas 18:23 Iomraidhean Croise

Matius 19:22

Yugugu ako aruk hunggu lagagirik, angge-angge wisane ako vaga endawi hunik atma, wogeraup anggon imbita dugwit, endawi mondok wakhedegek amwa lagagi.

Markus 10:22

yugogogi ovara, at angge-angge wisane ako vaga endawi hunik atma, wogeraup anggon imbita dugwit, endawi mondok wakhedegek amwa lagagi.

Lukas 12:15

Yugugu lagagirik, Yesus en avakwa yugirigya dugwit, “Henangge wisane agarik ako vaga hiniluk dogosogombuk atma, ap enangge hogop-hogop umbutu hinisaoen, henendawi suam watu dugwit, dibagu dogwes,” yugeragagi.

Lukas 18:22

Yugugu ako At Yesus hunggu lagagirik, “Wene andi ovok erogo ogasiga ovara, ambiat andi, ogagetek heyagi ako yukhisogon. Hat hangge ovok erogo onggo hunbaluk, it ap ininggidek menda ako wogerelak. Wogera lagya heyalok, hivis hangge-hangge eve sek menda mbogot vaga andoma hedelayogon. Anderogo ovok wogera lagya dogomindik, ninim nagu dogoguluk, omano,” yiluk, yugogogi.

Lukas 18:24

Endawi wakhidigya hegek, At Yesus en bikhigya lagagirik, at yugugu dugwit, “It ap ininggis werek menda ako, At Ala avema bisaligama andi nggarogo nunggup erek higi o,” yugogogi.

Lukas 19:8

Yugu lagagwama, at Sakius en it wisane inivaga Nenowa Yesus yugugu dugwit, “Ai Nasin. An nangge-nangge higirogo ap ininggidek halok, wogerayogon. Eke, ap yewes okbugu lagi ako, enangge ambi dek okbugu lagi halok, avoloma 4 hudi wogirigya, ap ambi adik angge dek okbugu lagi halok, avoloma 4 hudi wogirigya, ogarisogon o.”

Lukas 21:34

Yesus en wene ambi yugirigya dugwit, “Bagas sakno bagoma mbikit sopalandiga hak, ‘Ndugwis andi vaga anderogo okhinivisogon,’ yiluk, wene yukhirigi ako, hit avakwa o wen vaga yoma ovok erogo ndugwis ambi vaga mbikit supuk erogo okbigiga wasogon atma, henendawi suam wakhidugu dogones. Yi menda ndi menda henagaum dek heda nenggek nagwis, amburup nenek oginivisiga menda nenggek nagwis, ‘Nangge nggarogo okhedaik o,’ yiluk, henendawi anggin wisane wenggelit nagwis, ogagu dugwit, henendawi ugun obak hinisaoen, henendawi suam wakhidugu dogones.

Lukas 8:14

“Awi yoangga hedangga aik werek anggelekma wombagagi ako andi, it avakwa wene enaruk hulisagwi ovara, eneyave dogop vaga enendawi anggin vaga wenggelit lagwi, ininggi werek okhedaup adigat enendawi wenggelit lagwi, wen vaga sek dogop adigat enendawi wenggelit lagwi, ogarit lagu dugwit, wene yugup ako mbalogo wombalisagwi aro. Enggen eve sek menda mondok yiligadek.”

Evesus 5:5

It akwa ugun oginivit lendagwi inim, wanggis welagwi inim, eke, hogop adigat ombasagwi inim, it ap ogasagwi andi ovok erogo Ala Keretus iperen enavema biselagwima nunggusogombuk, umbutu dogones. Hogop adigat ombasagwi ako andi, ap huvuwak inis adup ogasagwi ndatak-at.

Pilipi 3:8

Eke, ambi inim, an Nowa Inis Ombok Keretus Yesus nilup arup andi mondok iya atma, “Yi menda ndi menda ogagya lagagis ako ovok erogo enam warogo ogagya lagagis higi,” imbita lagagirik, Musa wene wane-wane ogagya lagagis ako vaga Ala en an woknavup andi degat haliga. Ata, Keretus avyarat ombasagwi vaga Ala en nit sek erogo wokninivisiga ako menda, “Vage wokhitirikmu, Keretus hendawi hunik heyaliga o,” yuknirupwak yiluk, Keretus hidigya lagagirik, an yi ogagek ndi ogagek ogagya lagagis ako ovok erogo, “Yi nombabuk-at higi,” yiluk, mbo hagagis.

Kolose 3:5

Anderogo atma, naswei. Henendawi weyak ogarup okhinivisiga ako, ovok erogo mondok degerogo bagu dogones. Akwa ugun oginivit lagwi, wanggis wugwi, henendawi ninggya ako ugun musek lagwi, weyak ogarup adigat hogop umbutwi, yi menda ndi menda hogop adigat umbutwi, ogarup andi moga. Henendawi yi menda ndi menda hedaup hogop adigat ombasagwi ako andi, huvuwak inis adup ogasagwi wane-wane aro.

1 Yohanes 2:15

It ap wen vaga menda en enendawi ninggya halok wenggebaluk ogasagwi inim, yi menda ndi menda wen vaga weyak menda inim, ovok erogo henendawi hunik dogobuk. It ap wen vaga menda en enendawi wenggebaluk ogasagwi ako henendawi hunik okhidugu hiniselok, Nenasin inim henendawi hunik okhedelagwidek.