Lukas 18:22 - ALA WENE HIVIS DIRUP WATUGWA

²² Yugugu ako At Yesus hunggu lagagirik, “Wene andi ovok erogo ogasiga ovara, ambiat andi, ogagetek heyagi ako yukhisogon. Hat hangge ovok erogo onggo hunbaluk, it ap ininggidek menda ako wogerelak. Wogera lagya heyalok, hivis hangge-hangge eve sek menda mbogot vaga andoma hedelayogon. Anderogo ovok wogera lagya dogomindik, ninim nagu dogoguluk, omano,” yiluk, yugogogi.

Lukas 18:22 Iomraidhean Croise

Matius 19:21

Yugugu lagagimu, Yesus en, “Avyak. ‘An ap eve sek adigat dogosogon,’ imbita heyalok, hat hangge ovok erogo onggo hunbaluk, it ap ininggidek menda ako wogerelak. Wogera lagya heyalok, hivis hangge-hangge eve sek menda mbogot vaga andoma hedelayogon. Anderogo ovok wogirigya dogomindik, ninim nagu dogoguluk, omano.”

Lukas 10:42

Ambiat mikbaluk, ogarup andi sek. Eke, hat haot Maria en sek ogarup mitarikmu, An, ‘Moga,’ yugisogonbuk,” yiluk, yugogogi.

Lukas 12:33

Henangge vaga onggo hunggu dogomundik, ap ininggidek halok, yoparip wogeranes. It ap enonggop en wa nunggugwi, hudu-hudup libilit nunggwigya, ogasigadekma mbogot vaga andoma henangge eyave sek, dek arup dek ako menda yidik dogopwak yiluk, yum awi libik yagaligadek ako menda yikhidugu dogones.

Lukas 16:9

“Henangge-henayoparip wen vaga menda avakwa enendawi hunik okhinivupwak yiluk, yonggar-inigik nagu dogop. Anderogo ogagu hiniselok, dek agya halok, hivis o sekma andoma mondok-mondok dogovovok yiluk heyaga warogo wokhinivisogon, yiluk, yukheraliga.”

Lukas 18:21

Yugugu lagagimu, ap akoen, “Wene andi an madukma en des erogo ogagya lagagis,” yiluk, yugogogi.

Lukas 18:23

Yesus en ap ako yugogogi aruk hunggu lagagirik, at angge-angge wisane ako vaga endawi hunik atma, wogeraup anggon imbita dugwit, endawi mondok wakhedagagi.

Lukas 9:23

Yugirigya lagagirik, it avakwa ovok erogo wene yugirigya dugwit, “Hit An nane wokbaluk ninim nagu dogop umbutu dugwit halok, yi menda ndi menda ogarup ombasagwi ako hekbisiluk, ndugurek-ndagarek yo winik vaga lobalogo bigigaup ako hedelok, An ninim nagu dogosogom.

Pilipi 3:13

Aren okbanupwak yiluk, vaknitigi ako andi, vage okbaninggigi atma yiluk, ombasigadek, naswei. Ata, an endak ogagya lagagis ako, nggolalogo nambukmunggan hekbaluk, swi menda hedaup okbaninggigi ako, hedelagiluk ogagya dugwit,

2 Peterus 3:8

Anderogo ovara, nowa-nasin nendawi hunik. An wene ambi yukherayogon yi, hinunggut akluk hekbabuk. Niren o ndugwis ambiat wandiga ombasagwi ako, At Nenasin Ala en 1.000 tahun-at ombasiga, eke, niren 1.000 tahun ombasagwi ako, Aren ndugwis ambiat o yanggo yagas ombasiga.