Lukas 18:16 - ALA WENE HIVIS DIRUP WATUGWA

¹⁶ Mberirugu lagagwama, At Yesus en avyak ako warupwak yiluk, yanggup yugirigya lagagirik, wagusigik, At ane welagwi menda ako yugirigya dugwit, “Hekbisines! Ala avema dogop andi, it avyak mariduk yerogo ndatak atma, An nadema wagusim, moga yugerabuk.

Lukas 18:16 Iomraidhean Croise

Matius 19:14

Mberirugu lagagwama, At Yesus en it yugirigya dugwit, “Hekbisines! At mbogot vaga menda avema bisaup andi, it avyak mariduk yi ndatak atma, An nadema wagusim moga yugerabuk.”

Lukas 18:15

Andien, hivis avakwa en avyak mariduk Yesus inggis vakbisiluk adenggen enovaga bisapwak yiluk, At adema woginiviluk wagagwa. Woginiviluk wagwi ako, At ane welagwi menda en inigu lagagwarik, mbereragagwa.

Lukas 18:17

Dibas! It avyak mariduk Ala avema dogopwak yiluk nunggwisagwi anderogo hak, hit anderogo nunggegetek hiniselok andi, nunggusogombuk o,” yiluk, yugeragagi.

Lakbogogi Wene 2:39

Ala en, ‘Henasam hugu dugwit henomaduk mbobaluk, Yesus ambetaga lagu hiniselok, Ala Averiniki wokherayogon o,’ yiluk, avyarat nggatuk erogo yukheragagi ako andi, hit inim, hit henaburi inim, it ap adumu menda inim, hivis Nenasin Ala en yanggup yisogon ako ovok henake-at yukheragagi,” yiluk, yugeragagi.

1 Korindus 14:20

Nowa-nasin. Hit henendawi wenggelisagwi ako andi, it avyak maridugi enendawi dek en wenggelisagwi andi hak, henendawi anderogo wenggenggu dogobuk. Ata, it ap enendawi werek wenggelisagwi ako wane-wane wenggenggu dogones. Weyak ogarup okhinipu haoen, avyak ao swi endago weyak ogasagwi inunggut agarwik ako wane-wane, hit anderogoat dogones o.

1 Korindus 7:14

Ap endawi avyarat ombasigadek ako ogwa avyarat ombasiga ako vaga agun ako Ala en At avema bawandiga. Eke, hwa endawi avyarat embetetek ako agun avyarat ombasiga vaga Ala en ogwa ako At avema bawandiga. Iperen Ala avema ari waklipuk en, it eneyak-enabut endago ako andi, weram menda hak duklip ovara, iperen Ala avema ari wagao andi vaga Ala en, “Yi An naburi aro,” yiluk, inim avema bisa waga higyo.

1 Peterus 2:2

Nenasin Inis Ombok en sek okbininaliga ako, hit okbigigas vage hegep halok, avyak swi endago menda isa agadyak uvup en hunik-hunik naliga ako hak, At Ala en henagap wendakhinipigi atma, henendawi modo okhinipu dogopwak yiluk, eve wene andi adigat, “Ai,” yiluk, wugu dogones.